Паведамленьні пра гэта атрымалі Тацяна Севярынец, Алена Шабуня і Георгі Станкевіч, якіх абвінавачвалі ў правядзеньні несанкцыянаванай акцыі 27 ліпеня.

У асартымэнце ёсьць школьныя сшыткі на 12 аркушаў у шырокую лінейку і вузкую клетку, на вокладках беларускі арнамэнт, вершы, альфабэт, табліца множаньня. Ёсьць і паўагульныя: з «Пагоняй» і наборам асноўных беларускіх арнамэнтаў.

У Віцебску і ў Воршы адмовы ў рэгістрацыі атрымалі некалькі патэнцыйных кандыдатаў – прадстаўнікоў дэмакратычных рухаў і апазыцыйных партыяў.

Дом № 39 па вуліцы Ніжне-Пакроўскай у Полацку ў самым цэнтры. І ня толькі гораду. Літаральна ў сотні мэтраў ад яго знаходзіцца памятны знак «Полацак – геаграфічны цэнтар Эўропы». Гэтую славутасьць турыстам імкнуцца паказаць. А вось у двор згаданага шматпавярховіка ім, мабыць, лепш не зазіраць. Пасьля таго як тры гады таму прадпрыемства «ЖКГ г. Полацку» ўстанавіла там кантэйнэрную пляцоўку для збору сьмецьця, нават мясцовыя адчуваюць сябе некамфортна...

У Дубровенскім раёне на Дняпры была выяўленая загінулая рыба, праінфармавала прэс-сакратар Дзяржінспэкцыі аховы жывёльнага і расьліннага сьвету пры прэзыдэнце Вольга Грамовіч. Дзяржінспэктары Аршанскай МРІ выехалі па сыгнале, што паступіў на тэлефон даверу, і абсьледавалі ўчастак ракі ад мяжы з Расейскай Фэдэрацыяй да райцэнтру. Паводле папярэдніх ацэнак, загінулых рачных насельнікаў прынесла цячэньнем з боку Расеі.

12 жніўня ў «Эўрапейскім клюбе» Віцебску на прапанову грамадзянскай ініцыятывы «Жанчыны супраць фальсыфікацыяў» адбылася сустрэча ўдзельнікаў ініцыятывы з шэрагам зарэгістраваных кандыдатаў у дэпутаты ад дэмакратычных партыяў і рухаў Віцебшчыны.

Віцебскі назіральнік за правядзеньнем выбараў у беларускі парлямэнт праваабаронца Леанід Сьвецік ня здолеў дамагчыся ад работнікаў Цэнтральнай выбарчай камісіі краіны праверкі Беларускага таварыства Чырвонага Крыжа (БТЧК), а менавіта: ці выкарыстоўвае арганізацыя замежную фінансавую дапамогу, якую атрымлівае, для правядзеньня выбараў.

Спагнаньне было вынесенае Міхаілу Жамчужнаму 21 ліпеня, у выніку якога ён пазбаўлены кароткатэрміновага спатканьня. Сам палітвязень расцэньвае яго як правакацыю і спосаб ціску на яго.

Відавочнае памкненьне прадставіць чытачам  аднабаковую інфармацыю, ігнаруючы факты і зьявы, зьвязаныя зь дзейнасьцю ў горадзе прадстаўнікоў апазыцыйных  партыяў і рухаў.

Жыхары вёскі Стаўры атрымалі магчымасьць карыстацца прыгарадным аўтобусам. Цяпер аўтобус Ворша – Барздоўка тры разы на тыдзень ходзіць праз Стаўры. Дамагліся гэтага самі жыхары вёскі, накіраваўшы ў аўтапарк калектыўны зварот.