Канвэнцыя, пакт, канстытуцыя – веданьне гэтых і іншых тэрмінаў, а таксама ўпэўненую юрыдычную пісьменнасьць паказалі школьнікі Віцебшчыны на заключным этапе абласнога фэстывалю прававых ведаў, які прайшоў у актавай залі абласнога Палаца дзяцей і моладзі.

4 траўня перад Радаўніцай у Вераб'ёвым лесе, што на поўнач ад вёскі Хайсы, на меркаваным месцы масавых пахаваньняў ахвяраў сталінскіх рэпрэсіяў грамадзкія актывісты Віцебску правялі талаку: прыбралі сухое гальлё і лісьце, засыпалі пустыя яміны, пахавалі чалавечыя косткі...

2 траўня ў будынку Наваполацкага гарадзкога аддзелу ўнутраных справаў адбыўся разгляд справы аб адміністрацыйным правапарушэньні, па выніках якога Андрэю Гайдукову быў прысуджаны штраф.

Грамадзкія актывісты і праваабаронцы Полацку і Наваполацку правялі ў мінулыя выходныя круглы стол, каб абмеркаваць праблему неадпаведнасьці рашэньня гарвыканкаму аб масавых мерапрыемствах дзейнаму заканадаўству.

Суд Чыгуначнага раёну Віцебску разгледзеў скаргу начальніка Першамайскага РАУС Віцебску палкоўніка міліцыі Сяргея Сарокіна на пастанову начальніка ДАІ УУС Віцебскага аблвыканкаму Ўладзімера Назарко, вынесенае 23 сакавіка цяперашняга году, – і пакінуў дакумэнт бязь зьменаў, а скаргу – без задавальненьня.

Мясцовым фондам «Рэгіянальнае партнэрства» сумесна зь Мёрскім раённым выканаўчым камітэтам і Віцебскім абласным цэнтрам маркетынгу ў межах праграмы праекту ЭЗ/ПРААН вядзецца рэалізацыя ініцыятывы малога і сярэдняга бізнэсу з мэтай сацыяльнага і эканамічнага разьвіцьця рэгіёну.

Гэта адбылося ў Пастаўскай сярэдняй школе №1. Пра гэты факт рэдакцыі інтэпнэт-выданьня “Весткі” паведамілі чытачы. Афіцыйная прычына – экзамэн па роднай мове не ўкладаецца ў графік.

Сусьветны дзень свабоды прэсы віцебскія журналісты – члены ГА “Беларуская асацыяцыя журналістаў” адзначылі вясновай забавай: яны высаджвалі кветкі на закладзенай летась “Алеі вольнай прэсы”, сьцьвярджаючы гэткім чынам непераможную сілу вольнага і незалежнага разьвіцьця.

29 красавіка сябры аргкамітэту па стварэньні грамадзкай ініцыятывы «Хайсы» правялі сваё чарговае паседжаньне. Ян Дзяржаўцаў, як кіраўнік ініцыятывы, пазнаёміў аднадумцаў з працай, праведзенай за два апошнія месяцы.

Напярэдадні пачатку кампаніі па выбарах дэпутатаў у Палату прадстаўнікоў Нацыянальнага сходу Беларусі каардынатарка аргкамітэту па стварэньні партыі «Беларуская хрысціянская дэмакратыя» па Віцебскай вобласці Тацяна Севярынец адказала на пытаньні нашага карэспандэнта.