21 красавіка ля пасольства Расеі ў Варшаве прайшла акцыя салідарнасці з палітвязнямі Беларусі і Расеі. Для беларускай аўдыторыі стрым з мерапрыемства вяла віцебская блогерка Алена Янушкоўская. Пасля пераследу з боку сілавых структураў Алена разам з дачкой і ўнучкамі вымушаная была з'ехаць з краіны.

Апублікавана ў Мірныя сходы

У сераду 3 лютага блогерка і аўтар ютуб-каналу «Настоящая Беларусь» Алена Янушкоўская выйшла на волю з віцебскага ізалятара часовага ўтрымання (ІЧУ). За троххвілінны ролік, які выклала ў інтэрнэт, ёй давялося правесці за кратамі 7 сутак арышту.

Суд Віцебскага раёну 29 студзеня прызнаў блогерку Алену Янушкоўскую вінаватай ва ўдзеле ў несанкцыянаваным пікетаванні (ч.3 арт. 23.34 КаАП) і пакараў яе адміністрацыйным арыштам на 7 сутак. Такое рашэнне прыняў суддзя Міхаіл Зубеня. Янушкоўская мае інваліднасць трэцяй групы, яна знаходзіцца за кратамі віцебскага ІЧУ ад 27 студзеня.

Апублікавана ў Суд

Паводле пратаколу, 4 кастрычніка журналістка-фрылансерка Алена Шабуня ўзяла ўдзел у несанкцыянаваным шэсці па Маскоўскім праспекце. Была заўважаная ў групе людзей, якія выказвалі свой пратэст супраць вынікаў прэзідэнцкіх выбараў. Дапушчанае ёй адміністрацыйнае правапарушэнне кваліфікаванае паводле ч.1. арт. 23.34.

Апублікавана ў Суд

3 верасьня ў судзе Кастрычніцкага раёну Віцебску судзьдзя Ільля Белавус за ўдзел у несанкцыянаваным мерапрыемстве пакараў віцебскую блогерку Алену Янушкоўскую адміністрацыйным арыштам на 5 содняў. Днём раней суд Першамайскага раёну за ўдзел у мірных шэсьцях аштрафаваў агулам на 40 базавых велічынь яшчэ адну актывістку – Тацяну Філімонаву.

Апублікавана ў Суд

1 верасьня ў судзе Віцебскага раёну адбыўся суд над вядомай віцебскай актывісткай і блогеркай Аленай Янушкоўскай. Судзьдзя Міхаіл Зубеня прызнаў яе вінаватай ва ўдзеле ў несанкцыянаваным пікетаваньні, якое актывістка нібыта зладзіла на бальконе аднаго з дамоў на праспэкце Будаўнікоў: трымала ў руках бел-чырвона-белы сьцяг і паказвала знак вікторыі. За гэта пакараная штрафам у памеры 945 рублёў.

Апублікавана ў Суд

Віцебская блогерка Алена Янушкоўская («Страна для жизни») была затрыманая ў сябе дома 23 жніўня напярэдадні «Маршу новай Беларусі». Пасьля складаньня пратаколу за правапарушэньне паводле ч.3 арт. 23.34 КаАП (парушэньне заканадаўства аб масавых мерапрыемствах) актывістку да суду кінулі ў віцебскі ізалятар часовага ўтрыманьня (ІЧУ). 25 жніўня суд пакараў актывістку штрафам у памеры 30 базавых велічынь.

Апублікавана ў Затрыманьні

Актывістку Юлію Ўласенка затрымалі і зьмясьцілі ў ізалятар часовага ўтрыманьня 7 жніўня за заклік у Тэлеграм-чаце арганізавана пайсьці на футбольны матч ФК «Віцебск» – «Іслач». На яе склалі пратакол паводле арт. 23.34 КаАП. Але бліжэй да палуначы Юлію выпусьцілі на волю – у яе паднялася тэмпэратура. Яе маці – блогерка Алена Янушкоўская – застаецца за кратамі.

Апублікавана ў Затрыманьні

У Віцебску перад выходнымі і асноўным днём галасаваньня пачалі затрымліваць актывістаў «Краіны для жыцьця» і незалежных назіральнікаў. 7 жніўня былі затрыманыя блогерка Алена Янушкоўская і яе дачка Юлія Ўласенка. Пасьля складаньня пратаколаў іх абедзьвюх да 10 жніўня зьмясьцілі ў ізалятар часовага ўтрыманьня (ІЧУ).

Апублікавана ў Затрыманьні

У нядзелю 2 жніўня ў Віцебску адбыўся мітынг у падтрымкі кандыдаткі на прэзыдэнцтва Сьвятланы Ціханоўскай. Митынг быў зладжаны яе даверанымі асобамі і валянтэрамі каманды. Імпрэза прайшла ў парку імя Савецкай арміі ў Мазурыне і сабрала больш за паўтысячы ўдзельнікаў.

Апублікавана ў Выбары