Віцебскі абласны суд адмяніў 30 сутак Валянціне Болбат
22 траўня Віцебскі абласны суд адмяніў рашэнне Суда Верхнядзвінскага раёна адносна грамадскай актывісткі Валянціны Болбат. Рашэнне прыняла суддзя Святлана Іванова. Але будзе новы суд і перагляд справы.
Судом Віцебскага раёна за распаўсюджванне "экстрэмізму" аштрафавана шматдзетная маці
Суддзя суда Віцебскага раёна Міхаіл Зубеня 26 красавіка прызнаў вінаватай у распаўсюджванні ў сацыяльных сетках экстрэмісцкіх матэрыялаў маці трох малалетніх дзяцей жыхарку аграгарадка Тулава Крысціну Бяляеву, і пакараў яе штрафам у памеры 740 рублёў.
Па рашэнні суда начальніца аддзела вымушана будзе заплаціць буйны штраф
Суддзя Віцебскага абласнога суда Святлана Іванова 10 траўня пакінула без зменаў пастанову суддзі суда Полацкага раёна і г. Полацка Яны Марцулевіч у дачыненні да начальніцы аддзела прававой і кадравай працы Ірыны Базылёвай. На думку суддзі Івановай, суд першай інстанцыі правільна пакараў правапарушальніцу штрафам у 1110 рублёў за распаўсюд «экстрэмісцкіх» матэрыялаў. Цяпер пастанова набыла моц і Базылёвай давядзецца ўнесці грошы ў рэспубліканскі бюджэт.
Аршанца за несанкцыянаваны ўладамі пікет і "экстрэмізм" пакаралі арыштам і канфіскавалі тэлефон
Суддзя суда Аршанскага раёна і г. Оршы Юлія Вяршыніна 5 мая разгледзела ў адкрытым судовым паседжанні справы аб адміністрацыйных правапарушэннях, прадугледжаных ч.1 арт.24.23 і ч.2 арт.19.11 КаАП у дачыненні да мясцовага жыхара Віталя Сытава. І знайшла, што ён цягам двух гадоў бесперапынна праводзіў недазволены ўладамі пікет і распаўсюджваў «экстрэмісцкія» матэрыялы. За гэтыя дзеі суддзя пакарала Віталя арыштам на 15 сутак і канфіскавала тэлефон.
“Вандраванні па пакутах працягваюцца”
Грамадскай актывістцы з Верхнядзвінска прысудзілі чарговыя суткі, на гэты раз 30 сутак. Валянціна Болбат зноў трапіла ў лякарню.
Дацэнтку кафедры дызайну ВДТУ аштрафавалі на 60 базавых велічынь за «распаўсюд экстрэмізму» і «пікетаванне»
Таццяну Макляцову, выкладчыцу тэхналагічнага ўніверсітэту, разам з яшчэ некалькімі калегамі затрымалі 29 красавіка. Крыніцы ў Віцебску паведамляюць, што ў той дзень затрымалі ад 6 да 8 чалавек – супрацоўнікаў ВДТУ. Пакуль суд адбыўся толькі над спадарыняй Таццянай. Суддзя Першамайскага райсуду Віцебску Алена Жук прызнала выкладчыцу вінаватай паводле двух артыкулаў – 19.11 КаАП і 24.23 КаАП. Па першым артыкуле на жанчыну склалі два пратаколы – за падпіскі на два так званых экстрэмісцкіх рэсурсы ў Фэйсбуку. Яшчэ адзін пратакол быў складзены за аватарку ў гэтай сацыяльнай сетцы.
Адвакат з Лёзна праз лайк у сацыяльных сетках пазбавіўся працы
У лютым 2023 года работнікамі міліцыі быў затрыманы Загадчык юрыдычнай кансультацыі Лёзненскага раёна Ігар Сцяпанава. На яго быў складзены адміністрацыйны пратакол па ч. 2 арт. 19.11 (Распаўсюджванне экстрэмісцкіх матэрыялаў) КаАП, а адвакату суддзя паставіла ў віну правапарушальніку лайк на старонцы інтэрнэт-крамы і арыштавала яго на 15 сутак.
Цяпер на «прафілактычныя гутаркі» выклікаюць і ў райвыканкамы Віцебску
Як паказвае практыка, «нядобранадзейных» у палітычным сэнсе перыядычна выклікаюць у пракуратуру, следчы камітэт або РАУС. Падчас так званых «прафілактычных гутарак» людзям нагадваюць пра іх «правіны» - як правіла, гэта адміністрацыйныя правапарушэнні, за якія віцяблян судзілі паводле артыкулаў 24.23 КаАП або 19. 11 КаАП. Потым даюць падпісаць афіцыйнае папярэджанне, што іх пазнаёмілі з наступствамі парушэнняў парадку і правядзення масавых акцый або распаўсюду «экстрэмісцкіх матэрыялаў». З нядаўняга часу «на прафілактыку» пачалі выклікаць і ў райвыканкамы – там стварылі адмысловыя групы з ідэалагічных работнікаў «у межах барацьбы з тэрарызмам і экстрэмізмам».
У Сянно за правядзенне пікету быў аштрафаваны вучань 11 класа. Але нешта пайшло не так
Суддзя суда Сенненскага раёна Іна Досава 31 сакавіка за правядзенне пікету ў інтэрнэце аштрафавала на 74 рублі непаўналетняга выпускніка Сярэдняй школы №2, сябра БРСМ, кандыдата ў майстры спорту па барацьбе ў грэка-рымскім стылі Сцяпана Падрэза. Аднак пастанова была прынята з грубым парушэннем дзейнага заканадаўства і была адменена Старшынёй Віцебскага абласнога суда. У хуткім часе адміністрацыйная справа Падрэза будзе разгледжана раённай камісіяй па справах непаўналетніх, як гэта патрабуе працэсуальны закон.
З пачатку года ў Віцебскім рэгіёне выяўлена і пакарана больш за 200 "экстрэмістаў"
За чатыры месяцы ў Віцебскай вобласці прайшло 225 судовых працэсаў, звязаных з прымяненнем ч. 2 арт. 19.11 КаАП РБ (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць). 210 адміністрацыйных спраў былі разгледжаны судамі першай інстанцыі і 15 спраў у Віцебскім абласным судзе ў выглядзе скарг на рашэнні раённых судоў. У студзені было вынесена 16 пастаноў, адпаведна ў лютым-29, сакавіку - 108 і ў красавіку - 72. Суддзя Наваполацка Зінаіда Балаболава прыняла 27 пастаноў і стала абсалютнай рэкардсменкай сярод суддзяў, якія пакаралі грамадзян арыштамі і штрафам за праяву "экстрэмізму".