Сям'я аматараў беларускай культуры з Полаччыны апынулася за кратамі на 30 сутак
Алегу Рудакову і ягонай жонцы Вользе прысудзілі па 30 сутак арышту паводле ч.2 арт.19.11 КаАП - за распаўсюд так званых экстрэмісцкіх матэрыялаў. Абодвух затрымалі 24 жніўня ў вёсцы Бяздзедавічы Полацкага раёна - у гэтую вёску некалькі год таму Алег Рудакоў вырашыў вярнуцца з Іркуцку, дзе пражыў 17 гадоў. Ён аднаўляе там сядзібу сваіх продкаў. Пад увагу сілавікоў Алег і Вольга Рудаковы маглі трапіць праз сваю прыхільнасць да беларушчыны. Некалькі год таму сям“я пераехала з Іркуцка ў вёску. Сямейная пара актыўна ўдзельнічае ва ўсіх культурніцкіх фэстах рэгіёна.
За пікет і распаўсюд “экстрэмізму” ўлады арыштавалі наваполацкую прадпрымальніцу
Суддзя суда Наваполацка Сняжана Калінічэнка 10 жніўня пастанавіла арыштаваць на 20 сутак мясцовую прадпрымальніцу ўладальніцу Студыі касцюміраванай выявы MAGIC WOOD Алену Зуброву. На думку суддзі, яна правяла ў сацыяльных сетках не дазволены ўладамі пікет і віртуальна распаўсюдзіла «экстрэмісцкія» матэрыялы.
Улады за "экстрэмізм" арыштавалі жыхара Віцебскага раёна
Судья суда Віцебскага раёна Міхаіл Зубеня 10 жніўня за захоўванне і распаўсюджванне публікацый, якія ўлады вызначылі як экстрэмісцкія, пакараў арыштам на 13 сутак Фурката Рызаева.
Улады за падпіску на «экстрэмісцкія» каналы арыштавалі на 15 сутак працаўніцу «Нафтана»
Суддзя суда Наваполацка Сняжана Калінічэнка 10 жніўня пастанавіла за падпіску на два «экстрэмісцкія» каналы арыштаваць на 15 сутак камплектоўшчыцу вырабаў і інструмента цэха № 021 ААТ «Нафтан» Ніну Барысаву.
Улады арыштавалі пастаўскага распаўсюджвальніка «экстрэмізму» і канфіскавалі ягоны тэлефон
Суддзя суд Пастаўскага раёна Анатоль Карытка 23 чэрвеня за распаўсюджванне экстрэмісцкіх матэрыялаў арыштаваў на 7 сутак мясцовага 42-гадовага жыхара Дзяніса Цыбульскага. Раней Цыбульскі затрымліваўся ў межах крымінальнай справы за ўдзел у пратэстах у Менску.
За «экстрэмізм» кіроўца-дальнабойшчык атрымаў 10 сутак арышту
Суддзя суд Браслаўскага раёна Аляксандр Вязіцкі 31 ліпеня прыняў рашэнне арыштаваць на 10 сутак кіроўцы-міжнародніка Дзмітрыя Жарскага, які на думку суддзі распаўсюджваў у сацыяльных сетках экстрэмісцкія матэрыялы. На разгляд адміністратыўнай справы “правапарушальнік” не зьявіўся.
Улады пакаралі арыштам міёрскага "экстрэміста"
Суддзя суда Міёрскага раёна Ірына Яскевіч 10 жніўня за захоўванне і распаўсюд у сацыяльных сетках публікацый «экстрэмісцкага» характару вырашыла арыштаваць на 7 сутак жыхара Міёра Юрыя Варанько.
Улады Наваполацка за распаўсюд «экстрэмізму» арыштавалі індывідуальнага прадпрымальніка
Суддзя суда Наваполацка Сняжана Калінічэнка 2 жніўня за падпіску на пяць «экстрэмісцкіх» каналаў у Youtube пастанавіла арыштаваць на 15 сутак мясцовага жыхара ІП Аляксандра Жыхарава.
Улады за распаўсюд «экстрэмізму» пакаралі арыштам віцебскага зваршчыка
Суддзя суда Першамайскага раёна Віцебска Наталля Карабліна 29 чэрвеня за ўпадабаную публікацыю на «экстрэмісцкім» інфармацыйным рэсурсе пастанавіла арыштаваць на 12 сутак віцебскага газаэлектразваршчыка Ігара Філімонава.
Старшыня Дубровенскага райсуду палохала работнікаў мясцовага льнозавода адказнасцю за «распаўсюд экстрэмізму»
Следам за ёй газета «Дняпроўская праўда» вырашыла папалохаць увесь раён. Выданне не толькі размясціла інфармацыю пра сустрэчу на прадпрыемстве, а яшчэ й працытавала старшыню суду Марыю Цыклінскую, якая лічыць найбольш бяспечным проста не заходзіць у Інтэрнэт, бо «кожны, гартаючы навінавыя стужкі, вольна ці нявольна захоўвае ў сябе ўвесь прагледжаны кантэнт». Больш дасведчаныя ў гэтых пытаннях інтэрнэт-карыстальнікі маглі б аспрэчыць старшыню суду, але сайт «раёнкі» не прадугледжвае магчымасці каментавання.