Яраслава Кійко асудзілі на 10 сутак арышту за лёзунг «Жыве Беларусь!»
У судзе Кастрычніцкага раёну Віцебску 16 траўня адбыліся адразу два суды над удзельнікамі пікетаваньняў для збору подпісаў за патэнцыйных кандыдатаў на прэзыдэнцтва. Актывіста Яраслава Кійко прысудзілі да 10 сутак адміністрацыйнага арышту. Матэрыялы ж справы Юліяй Барсуковай судзьдзя вярнула міліцыянтам на дапрацоўку – праз адсутнасьць дыску зь відэазапісам у якасьці доказу.
Віцебскага актывіста Міколу Качурца пасадзілі на 10 сутак. Судзьдзя – Цыганкова
Суд Чыгуначнага раёну Віцебску 15 чэрвеня прызнаў актывіста Міколу Качурца вінаватым у парушэньні заканадаўства аб масавых мерапрыемствах (ч.3 арт. 23.34) і пакараў яго адміністрацыйным арыштам на 10 сутак. Двое сутак актывіст правёў у ізалятары часовага ўтрыманьня (ІЧУ) яшчэ да суду. Судовае паседжаньне праходзіла ў рэжыме скайп-канфэрэнцыі.
«Жахліва і брыдка!» Алену Радзькову аштрафавалі ў Наваполацку на 810 рублёў
Сябра ініцыятыўнай групы Сяргея Чэрачня навапалачанку Алену Радзькову аштрафавалі сёньня на 30 базавых велічынь, прызнаўшы вінаватай ва ўдзеле ў несанкцыянаваным пікетаваньні 28 траўня. У той дзень у Наваполацку прайшлі першыя пікетаваньні для збору подпісаў за прэтэндэнтаў у кандыдаты на прэзыдэнцтва. Алена проста падышла да пікету ініцыятыўнай групы Сьвятланы Ціханоўскай і пастаяла побач…
Зь ізалятару часовага ўтрыманьня нечакана вызвалілі Аляксандра Якушкова
11 чэрвеня актывіст «Народнай Грамады» Аляксандр Якушкоў быў раптам вызвалены зь віцебскага ізалятару часовага ўтрыманьня (ІЧУ), дзе адбываў 10 сутак адміністрацыйнага арышту паводле рашэньня судзьдзі Царыкава. На волю ён павінен быў выйсьці аж 18 чэрвеня.
Судзьдзя Цыганкова з другой спробы аштрафавала Аляксандра Ільінца на 1080 рублёў
9 чэрвеня ў судзе Чыгуначнага раёну Віцебску палічылі даказаным факт удзелу віцебскага актывіста Аляксандра Ільінца ў не дазволеным уладамі пікетаваньні з выкарыстаньнем плякату «Свабоду Ціханоўскаму!» і выявай перакрэсьленага прусака. Судзьдзя Алена Цыганкова аштрафавала актывіста на 40 базавых велічыняў. Між тым, Ільінец зьяўляецца сябрам ініцыятыўнай групы Ганны Канапацкай.
Аляксандра Якушкова асудзілі праз скайп на 10 сутак арышту. Судзьдзя – Царыкаў
Судзьдзя суду Кастрычніцкага раёну Віцебску Уладзімер Царыкаў палічыў, што актывіст «Народнай Грамады» Аляксандар Якушкоў браў удзел у несанкцыянаваным масавым мерапрыемстве 31 траўня і прысудзіў яго да 10 сутак адміністрацыйнага арышту паводле часткі 3-й артыкулу 23.34 КаАП. Суд адбыўся ў анлайн-рэжыме 9 чэрвеня.
Суды за пікет 31 траўня: Янушкоўскай – 1080 рублёў штрафу, Паўлаву – 5 сутак, Мацеюку – 7
Віцебкую блогерку Алену Янушкоўскую, якую затрымалі 5 чэрвеня і да суду зьмясьцілі ў ізалятар часовага ўтрыманьня, прызналі сёньня вінаватай ва ўдзеле ў несанкцыянаваным мітынгу, які, паводле міліцыі, адбыўся ў Віцебску 31 траўня. Суд Віцебскага раёну аштрафаваў жанчыну на 40 базавых велічынь. Яшчэ двух актывістаў – Алега Паўлава і Аляксандра Мацеюка прысудзілі адпаведна да 5 і 7 сутак адміністрацыйнага арышту.
Затрымалі актывіста «Краіны для жыцьця» Аляксандра Мацеюка
Увечары 6 чэрвеня ў Віцебску затрымалі Аляксандра Мацеюка – валянтэра ініцыятыўнай групы па зборы подпісаў за Сьвятлану Ціханоўскую. З аддзяленьня міліцыі ён пасьпеў паведаміць праваабаронцам, што на яго складаюць пратакол паводле артыкулу 23.34 КаАП і вінавацяць ва ўдзеле ў несанкцыянаваным пікетаваньні 31 траўня. Праз гадзіну тэлефон Мацеюка быў ужо недасяжны.
На Пастаўшчыне затрыманы Андрэй Новікаў – падпалкоўнік паліцыі РФ у адстаўцы
У вёсцы Прусы Пастаўскага раёну за ўдзел у пікеце для збору подпісаў быў затрыманы мясцовы актывіст Андрэй Новікаў. Яго затрымалівала цэлая група супрацоўнікаў проста ўдома. Новікава адвезьлі ў Паставы і пасьля складаньня пратаколу зьмясьцілі да суду ў ізалятар. Суд адбудзецца ў панядзелак.
У Віцебску 3-х актывістаў кінулі да панядзелка за краты ІЧУ
У Віцебску працягваюцца затрыманьні ўдзельнікаў пікетаваньня для збору подпісаў 31 траўня, на якім прысутнічаў палітык Павал Севярынец. Пасьля складаньня пратаколаў Алену Янушкоўскую, Алега Паўлава, Яраслава Кійко і Аляксандра Якушкова зьмясьцілі да судоў у віцебскі ізалятар часовага ўтрыманьня (ІЧУ). Праз колькі гадзін Кійко адпусьцілі – у яго была падвышаная тэмпэратура.