Журналіст Зьміцер Лупач пасьля арышту і суду трапіў у рэанімацыю
Журналіста з Глыбокага Зьмітра Лупача, якога пасьля суду забрала хуткая дапамога, паклалі ў рэанімацыю. 11 траўня судзьдзя Глыбоцкага суду Дзьмітрый Тарасевіч прысудзіў яму 10 сутак арышту і 45 базавых велічынь штрафу – за ўдзел у несанкцыянаваным мерапрыемстве (ч.1 арт. 23.34 КаАП) і за незаконны выраб і распаўсюд прадукцыі СМІ (ч.2 арт. 22.9), паведамляе «Белсат».
Патаемныя суды ў Воршы, Віцебску, Полацку і Наваполацку
Удзельнікаў стрымаў блогера Сяргея Ціханоўскага, якія праходзілі на Віцебшчыне, абвінавацілі ў парушэньні заканадаўства пра масавыя мерапрыемствы. Суды праходзілі патаемна: сябрам і нават сваякам рэдка калі ўдавалася трапіць на працэсы, піша Беларускае Радыё Рацыя.
5 суткамі арышту пакаралі актывіста Аляксандра Ільінца – за «кармленьне галубоў»
Віцяблянін Аляксандар Ільінец быў затрыманы міліцыянтамі 8 траўня. Пасьля складаньня пратаколу яго зьмясьцілі ў ізалятар часовага ўтрыманьня (ІЧУ), дзе ён правёў да суду трое сутак. Сёньня, 11 траўня, суд Чыгуначнага раёну Віцебску прызнаў яго вінаватым у парушэньні заканадаўства аб масавых мерапрыемствах (арт. 23.34 КаАП) і пакараў 5 суткамі адміністрацыйнага арышту з улікам ужо адбытых.
11 траўня будуць судзіць віцяблян, затрыманых два дні таму за «кармленьне галубоў»
У пятніцу 8 траўня ў Віцебску былі затрыманыя шэсьць жыхароў Віцебску, якія 3 траўня бралі ўдзел у «кармленьні галубоў». Віцяблян запрасілі ў аддзел аховы грамадзянскага правапарадку Чыгуначнага раёну для дачы тлумачэньняў, пасьля гэтага сувязь зь імі перарвалася. Найверагодней, што людзей на ўсе выходныя зьмясьцілі да суду ў ізалятар часовага ўтрыманьня (ІЧУ).
Удзельніка «кармленьня галубоў» Алега Баразну аштрафавалі на 540 рублёў
Суд Чыгуначнага раёну Віцебску прызнаў удзельніка «кармленьня галубоў» віцябляніна Алега Баразну вінаватым у парушэньні заканадаўства аб масавых мерапрыемствах (арт. 23.34 КаАП) і аштрафаваў яго на 20 базавых велічынь. Ноч з 7 на 8 траўня мужчына правёў у ізалятары часовага ўтрыманьня. У суд яго не прывозілі – паседжаньне ладзілася праз Skype.
Затрыманыя два ўдзельнікі «кармленьня галубоў» у Віцебску. Суд – 8 траўня (абноўлена)
Адзін з удзельнікаў «кармленьня галубоў» у Віцебску Алег Баразна быў затрыманы 7 траўня супрацоўнікамі міліцыі каля свайго дому. Мужчыну адвезьлі ў РАУС Чыгуначнага раёну і склалі на яго пратакол за парушэньне заканадаўства аб масавых мерапрыемствах (ч.1 арт. 23.34 КаАП). Пазьней стала вядома пра яшчэ аднаго затрыманага.
Віцебскі абласны суд разгледзеў скаргу Міколы Шараха праз Skype. Які вынік?
8 красавіка Віцебскі абласны суд у анлайн-рэжыме разгледзеў скаргу старшыні Свабоднага прафсаюзу Беларускага Міхолы Шараха на пастанову Полацкага суду, які 2 сакавіка аштрафаваў яго на 405 рублёў за парушэньне заканадаўства аб масавых мерапрыемствах (арт. 23.34 КаАП). Скаргу разглядала судзьдзя Сьвятлана Іванова праз Skype.
Барыса Хамайду на Дзень Волі выклікаюць у аддзел прымусовага выкананьня. Навошта?..
Віцебскі апазыцыянэр Барыс Хамайда атрымаў позву з патрабаваньнем зьявіцца ў аддзел прымусовага выкананьня Першамайскага раёну Віцебску 25 сакавіка – на Дзень Волі. Зь яго зьбіраюцца спагнаць штраф у памеры 810 рублёў, прысуджаны за пікет у дзень перапахаваньня Каліноўскага. Але – штраф быў аплачаны яшчэ два тыдні таму…
Судзьдзі не адтэрмінавалі выплату штрафаў, прысуджаных Алене Янушкоўскай
Віцебскую актывістку і блогерку Алену Янушкоўскую шэсьць разоў судзілі за ўдзел і заклікі да ўдзелу ў акцыях за незалежнасьць Беларусі. Агульная сума штрафаў, прысуджаных Янушкоўскай, сягае 4590 рублёў. Актывістка зьвярнулася з просьбай, каб суды дазволілі адтэрмінаваць выплату такіх вялікіх грошай, але атрымала адмовы.
Актывіст Алесь Круткін выйшаў на волю зь віцебскага ІЧУ пасьля 45 сутак арышту
Полацкага актывіста і блогера Алеся Круткіна вызвалілі 12 сакавіка зь віцебскага ізалятара часовага ўтрыманьня (ІЧУ), дзе ён адбываў тры адміністрацыйныя арышты запар – 45 сутак агулам. Перад тым як вызваліць канчаткова, Круткіна адвезьлі ў Чыгуначны РАУС Віцебска для прафіляктычнай размовы.