Грамадзяне патрабуюць расказаць праўду пра месцазнаходжанне і стан здароўя Віктара Бабарыка
Для гэтага на платформе "Зручны горад" была размешчана петыцыя № 5619, у якой грамадзяне звяртаюцца да кіраўніцтва пракуратуры Віцебскай вобласці і Дэпартамента выканання пакарання прадаставіць ім інфармацыю аб стане здароўя і месцазнаходжанні асуджанага Бабарыка Віктара Дзмітрыевіча. Цяпер калектыўны зварот падпісала 39 чалавек.
Выкладчыцу полацкага ўніверсітэта Алену Храмцову асудзілі на 10 сутак
Наваполацкі гарадскі суд прызнаў жанчыну вінаватай у распаўсюдзе экстрэмісцкіх матэрыялаў – за падпіску на тэлеграм-канал «Беларусь галаўнога мозга». Учора, 23 траўня дома ў Алены Храмцовай правялі ператрус у межах крымінальнай справы і забралі ўсё аргтэхніку. Падчас размовы ў міліцыі высветлілася, што выкладчыца ПДУ мае статус сведкі ў справе, распачатай следчым камітэтам «за экстрэмізм». Пакуль вядома, што адбываць арышт яна будзе ў наваполацкім ЦІПе (Цэнтры ізаляцыі правапарушальнікаў).
Віцебскі абласны суд адмяніў 30 сутак Валянціне Болбат
22 траўня Віцебскі абласны суд адмяніў рашэнне Суда Верхнядзвінскага раёна адносна грамадскай актывісткі Валянціны Болбат. Рашэнне прыняла суддзя Святлана Іванова. Але будзе новы суд і перагляд справы.
У Полацкім універсітэце будзе вайсковая кафедра
ПДУ стане трэцяй у вобласці вышэйшай навучальнай установай, дзе на вайсковай кафедры будзе рыхтаваць малодшых камандзіраў і афіцэраў запасу. Адпаведную пастанову Савет Міністраў РБ прыняў 18 траўня №318, хаця пра такую патэнцыйную мажлівасць гаворкі вяліся яшчэ летась. Вайсковая кафедра пачне працаваць з наступнага навучальнага году, першы набор плануецца арганізаваць у лютым 2024 года.
У Лепелі “Еўраопт” прадаваў пратэрмінаваную прадукцыю
У адпаведнасці з запытам ДУ "Рэспубліканскі цэнтр гігіены, эпідэміялогіі і грамадскага здароўя", а таксама па даручэнні Міністэрства аховы здароўя Беларусі праводзяцца наглядныя мерапрыемствы гандлёвых аб'ектаў, якія ажыццяўляюць рэалізацыю кандытарскіх, хлебабулачных вырабаў і кулінарнай прадукцыі ўласнай вытворчасці.
За правядзенне пікету ў сацыяльных сетках суд арыштаваў на 10 сутак ветэрынара і качагара
У пачатку красавіка суддзя суда Браслоўскага раёна Аляксандр Вязіцкі разгледзеў адміністрацыйныя справы па ч. 1 арт.24.23 (Парушэнне парадку арганізацыі або правядзення масавых мерапрыемстваў) у дачыненні да вядучага ветэрынарнага ўрача ДЛПУ "Браслаўская раённая ветэрынарная станцыя" Сяргея Мядзведзева і качагара Торфабрыкетнага завода Сяргея Рыбака. Суддзя палічыў мужчын вінаватымі ў тым, што яны без дазволу ўладаў правялі ў інтэрнэце пікетаванне і пакараў парушальнікаў адміністрацыйным арыштам на 10 сутак кожнага.
Ва Ушацкай ЖКГ улады стварылі пярвічку "Белай Русі"
Яна з’явілася нядаўна і стала ўжо 38-й па ліку на Ушаччыне. Да яе далучылася 25 работнікаў на чале з дырэктарам Андрэем Сідзюком.
Супрацоўнікі міліцыі затрымалі трох супрацоўнікаў Полацкага дзяржаўнага ўніверсітэта
Раніцай 23 траўня ў Наваполацку і Полацку затрымалі вядучага выкладчыка кафедры сусветнай літаратуры і замежных моў ПДУ Алену Храмцову, кандыдата гістарычных навук, дацэнта кафедры гісторыі і турызму ПДУ Віктара Чараўко і супрацоўніцу рэпазітарыя Лідзію Зуеву. Супраць затрыманых сілавікі распачалі адміністрацыйныя справы.
У Глыбокім чыноўнікі шукаюць магчымасці эфектыўна змагацца з пажарамі
За мінулы год у Глыбоцкім раёне адбылося 38 пажараў, на якіх загінулі чатыры чалавекі. Усе гэтыя пажары, так ці інакш звязаныя з неасцярожным абыходжаннем з агнём, парушэннем правіл пры прыладзе і эксплуатацыі пячнога ацяплення. У бягучым годзе, за чатыры месяцы ў агні ўжо загінула не менш як 5 жыхароў раёна.
У Браслаўскай гімназіі стварылі міліцэйскі вайскова-патрытычны клуб «МаршБрасОК»
Стварэнне вайскова-патрыятычных клубаў у беларускіх установах адукацыі ўжо даўно перастала быць навіной. Але «МаршБрасОК» - выключэнне ў шэрагу падобных аб“яднанняў: гэты клуб для падлеткаў быў створаны па ініцыятыве раённай міліцыі. Першымі выхаванцамі сталі 12 васьмікласнікаў «з актыўнай грамадзянскай пазіцыяй», гаворыцца на сайце МУС Віцебскага аблвыканкама. Начальнік Браслаўскага РАУС Аляксандр Мядзёлка падкрэсліў, што клуб будзе цесна ўзаемадзейнічаць з райаддзелам міліцыі, а ў кіраўніцтва гімназіі з“явіліся спадзевы, што заняткі ў клубе дапамогуць вызначыцца з абраннем прафесіі.