У 2023 годзе інтэрнэт-ашуканцы выманілі ў 960-ці даверлівых жыхароў Віцебшчыны 1 млн. рублёў
За апошнія два гады ў Віцебскай вобласці кіберзлачыннасць вырасла ў некалькі разоў, бо значная частка работнікаў міліцыі занята не расследаваннем рэальных злачынстваў, а зарабляе пошукам у сацыяльных сетках удзельнікаў пратэсту 2020 года і выяўленнем фэйкавых нелаяльных грамадзян існуючаму рэжыму. Правальную барацьбу праваахоўных органаў з інтэрнет-махлярствам пацвярджае свежая міліцэйская статыстыка.
Кіраўнік Талачынскай партыйнай структуры «Белай Русі»: «Вакол краіны складаецца пагрозлівая абстаноўка»
Даючы першае інтэрв’ю раённай газеце «Наша Талачыншчына», нядаўна абраны старшыня партыйнай арганізацыі Уладзімір Міхно палохае землякоў «эканамічным, ваеннымі і інфармацыйнымі выклікамі Захада». І ў духу ваеннага часу разважае пра блакаду Беларусі з боку еўрапейскіх краін, заклікаючы «адстаяць яе цэласнасць і нацыянальную незалежнасць». Ролю новай партыі ён бачыць у тым, каб «умела і цвёрда адстойваць дзяржаўныя інтарэсы краіны, несучы партыйную адказнасць за вынік». Праўда, крыху раней, яшчэ да рэгістрацыі партыі і свайго абрання на партыйны пост, ён распавядаў пра задачы Белай Русі зусім іначай: маўляў, гэта будзе партыя для народа, якая ад ягонага імя будзе весці «прынцыповы, дзелавы, рэзультатыўны дыялог з дзяржавай». На сённяшні дзень, падобна, ні ў якім дыялогу дзяржава не зацікаўлена.
Пра палітвязня Статкевіча ўжо чатыры месяца няма звестак
Вядома толькі, што Статкевіч паўгода быў у адзіночнай камеры, а потым, па рашэнні адміністрацыя глыбоцкай калоніі, палітык трапіў у ШІЗА.
Дыджэяў Даніі адмовіўся іграць на фэсце “Viva Braslav”
Дыджэй Марцін Енсэн (Martin Jensen), які не раз станавіўся найлепшым дыджэем Даніі, а ў 2016 годзе трапіў у топ-100 DJ Mag, даведаўшыся, што ў яго запланаваны сэт на фестывалі Viva Braslav у Беларусі, адмовіўся ад удзелу.
Улады пакаралі арыштам ксяндза за герб "Пагоня"
Суддзя суда Міёрскага раёна Ірына Яскевіч 29 мая за распаўсюд «экстрэмісцкіх матэрыялаў і пікетаванне ў сацыяльных сетках пастанавіла пакараць арыштам на 7 сутак пробашча парафіі Найсвяцейшай Панны Марыі Якая Носіць Скапапулярны ў Ідолцы Вячаслава Адамовіча.
Па крымінальнай справе затрымалі Таццяну Пыцько, жонку палітвязня Вячаслава Лазарава
Віцебскага фрылансера-відэааператара ужо чатыры месяцы трымаюць у СІЗА-2, супраць яго высунута абвінавачанне паводле арт. 361-4 Крымінальнага кодэкса («спрыянне экстрэмісцкай дзейнасці») за сувязь з недзяржаўным СМІ, прызнаным у Беларусі экстрэмісцкім фарміраваннем. У дзень затрымання, 9 лютага, сілавікі правялі ператрусы па месцы прапіскі Лазарава і ў кватэры ягонай жонкі, якая жыла асобна. У абодвух забралі аргтэхніку, але пакуль няма пэўных звестак пра тое, ці па адной крымінальнай справе з мужам затрыманая Таццяна Пыцько.
Асабістыя старонкі ў сацсетках браслаўчанкі прызнаныя экстрэмісцкімі
Як стала вядома, суд Браслаўскага раёна 22 траўня 2023 года прызнаў экстрэмісцкай інфармацыйнай прадукцыяй асабістую старонку ў сацыяльнай сетцы “Вконтакте” грамадскай актывісткі з Браслава Ірыны Баравік.
У Паставах пашкодзілі чырвона-зялёную стужку. І яшчэ там шэраг праблем
Напярэдадні фестывалю “Звіняць цымбалы і гармонік” у Паставах пашкодзілі чырвона-зялёную стужку, якая абрамляе сцэну ў гарадскім парку. Піша сайт раённай газеты “Пастаўскі край”. Яна была адрамантаваная год таму да мінулага свята “Звіняць цымбалы і гармонік”, якое лічыцца брэндам горада.
Райвыканкамы публікуюць справаздачы пра патрыятычнае выхаванне моладзі. І лічаць, што дасягнулі поспеху
Прыкладам, у Мёрскім раёне прэтэнзіі ёсць толькі да дзіцячай школы мастацтваў: маўляў, нягледзячы на падрыхтоўку пераможцаў у музычных і мастацкіх конкурсах, педагогі недастаткова актыўна выкарыстоўваюць анлайн-тэхналогіі. Спрабаваць зразумець, як гэта ўплывае на ўласна навучальны працэс і на рашэнне пастаўленай задачы - папулярызаваць беларускае нацыянальнае майстэрства, захоўваць і развіваць культурную спадчыну, проста не выпадае. Справаздача начальніка аддзела ідэалагічнай работы, культуры і па справах моладзі Мёрскага райвыканкаму Аляксандра Тронькіна нагадвае выступ адказнага работніка на сходзе КПСС у самыя застойныя савецкія часы. Тады таксама найважнейшай была колькасць ідэалагічна і палітычна «правільных» мерапрыемстваў, а ці давалі яны станоўчыя вынікі, нікога не цікавіла.
Палітвязень Арцём Латышаў, асуджаны па справе «віцебскіх перфомансаў», падвяргаецца “ціску”
Арцёма, 1 чэрвеня, чацвёрты раз запар змясцілі ў штрафны ізалятар ВК-2 у Бабруйску. Да гэтага ён прабыў там 30 сутак, пасля чаго вярнуўся ў атрад. Перад апошнім памяшканнем у ШІЗА ад Латышава супрацоўнікі калоніі запатрабавалі прыбраць санвузел, тым самым паспрабаваўшы надаць яму "нізкі статус", аднак Латышаў адмовіўся. Гэта, верагодна, і прычынілася накіраванні ў штрафны ізалятар.