- Вы тут:
-
Галоўная
- Суд
Сталі вядомыя імёны работнікаў наваполацкага «Паліміра», асуджаных Зінаідай Балаболавай
9 судовых працэсаў прайшло ў гарадскім судзе Наваполацка ў адзін дзень, 7-га верасня. Напярэдадні ў мясцовым тэлеграм-канале, блізкім да сілавікоў, у здзеклівай форме паведамлялася пра «фестываль «Хапун» на наваполацкім прадпрыемстве «Палімір», падчас якога былі затрыманыя некалькі работнікаў праектна-канструктарскай службы і іншых структурных падраздзяленняў – сілавікі праверылі ў іх тэлефоны і знайшлі падпіскі на так званыя «экстрэмісцкія» інтэрнэт-рэсурсы.
Паўтара гады калоніі агульнага рэжыму прысудзіў глыбоцкі суд фітнес-трэнеру і бодзібілдару Аляксандру Шарабайку
Глыбоцкага актывіста, фітнес-трэнера і бодзібілдара судзіў у Глыбокім два дні 13-14 верасня суддзя Андрэй Тарасевіч. Ён вядомы сваімі палітычнымі прысудамі, яго імя ўнесенае ў санкцыйныя спісы.
За падпіску на «экстрэмісцкі» інфарэсур улады пакаралі аршанца арыштам
Суддзя суду Аршанскага раёна і г. Оршы Святлана Кузьмічонак 30 жніўня за падпіску ў сацыяльнай сетцы на “экстрэмісцкія” рэсурсы арыштавала на 7 сутак жыхара Оршы Аляксея Іванова.
Пратэстанцкага пастара з Дзісны асудзілі за несанкцыянаваны доступ да інфармацыі
28 жніўня старшыня Мёрскага райсуду Ірына Яскевіч асудзіла жыхара Дзісны Дзмітрыя Шавякова да штрафу памерам 20 базавых велічыняў (740 рублёў), прызнаўшы яго вінаватым паводле арт. 23.4 КаАП (Несанкцыянаваны доступ да кампутарнай інфармацыі). Дзмітрый Шавякоў – пастар евангельскай царквы «Возрождение».
Жыхара Віцебска затрымалі на мяжы і аштрафавалі за распаўсюд «экстрэмісцкіх матэрыялаў»
Справу Івана Шаўчэнкі разбіраў суддзя Лёзненскага суда Аляксей Лапушынскі. Dіцябляніна затрымалі на мяжы з Расейскай Федэрацыяй – на памежным пераходзе Завольша, што ў Лёзненскім раёне -- і склалі пратакол пасля праверкі мабільнага тэлефона. Суд, у выніку якога жыхара Віцебска аштрафавалі на 20 базавых велічынь ( 1110 рублёў), адбыўся 25 жніўня.