Катэгорыя: Вясна

У Мінскім гарадскім судзе 24 кастрычніка да чатырох гадоў калоніі ва ўмовах агульнага рэжыму асудзілі 35-гадовага палітзняволенага кіраўніка ўпраўлення сувязяў з грамадскасцю кампаніі A1 Мікалая Брэдзелева. Яго абвінавацілі ў "фінансаванні дзейнасці экстрэмісцкага фармавання" (арт. 361-2 Крымінальнага кодэкса) за тое, што нібыта блогер Антон Матолька на сваім канале піярыў A1 са жніўня па снежань 2020 года. Хаця тэлеграм-канал "МотолькоПомоги" быў прызнаны "экстрэмісцкім фарміраваннем" толькі 17 сакавіка 2022 года. Пасля затрымання Мікалая ў снежні 2021 года стала вядома, што сілавікі яго збівалі, але не былі вядомыя падрабязнасці. Сукамернік Мікалая з Цэнтра ізаляцыі правапарушальнікаў на Акрэсціна (яго імя не раскрываецца ў мэтах бяспекі) распавёў "Вясне", у якім стане Брэдзелеў трапіў у камеру. Мікалай Брэдзелеў з сябрам Аляксеем быў затрыманы 10 снежня 2021 года супрацоўнікамі ГУБАЗіКа. Яго былы сукамернік распавядае, што Мікалая ў ЦІП прывезлі ўсяго збітага:

Катэгорыя: Вясна

Гомельскі абласны суд У Гомельскім абласным судзе 28 кастрычніка да двух гадоў калоніі асудзілі Уладзіслава Вайну. Яго прызналі вінаватым ў "сайдзейнічанні экстрэмісцкай дзейнасці" паводле ч. 1 арт. 361-4 Крымінальнага кодэкса. У чым канкрэтна яго абвінавацілі — невядома. Справу разглядаў суддзя Алег Харашко.

Катэгорыя: Вясна

У Мінскім гарадскім судзе 3 лістапада вынеслі жорсткі прысудаднаму з топ-мэнэджараў мабільнага аператара life:) Арцёму Воўне — восем гадоў калоніі ва ўмовах узмоцненага рэжыму. Яго асудзілі па трох артыкулах Крымінальнага кодэкса: ч. 3 арт. 130 (распальванне іншай сацыяльнай варожасці), ч. 1 арт. 179 (незаконныя збіранне альбо распаўсюд інфармацыі аб прыватным жыцці), арт. 352 (неправамернае завалоданне камп'ютарнай інфармацыяй). Падрабязнасці справы невядомыя, бо суд праходзіў у закрытым рэжыме. Вядома толькі, што яшчэ з Воўны спагналі на карысць пацярпелым (меркавана, сілавікам і чыноўнікам) агулам 13000 рублёў. Прысуд вынесла суддзя Валянціна Зянькевіч. Пад вартай у СІЗА-1 Арцём знаходзіцца з 8 лютага гэтага года. Пра затрыманне Арцёма Воўны стала вядома з "пакаяльнага" відэа, апублікаванага на адным з праўладных тэлеграм-каналаў 8 лютага 2022 года. На ім чалавек прадставіўся начальнікам аддзела распрацоўкі маркетынгу — пазней стала вядома, што яго завуць Арцём Воўна. На відэа мужчына сказаў, што "восенню 2020 года зліваў дадзеныя пра супрацоўнікаў праваахоўных органаў і суддзяў у телеграм-чаты, таксама прымаў удзел у акцыях пратэсту".

Катэгорыя: Вясна

Ілюстрацыйнае фота. Праваабарончы цэнтр" Вясна " на працягу кастрычніка фіксаваў тэндэнцыю крымінальнага пераследу і асуджэння грамадзян па палітычных матывах. Праваабаронцам вядома пра не менш як 114 асуджаных у кастрычніку грамадзян, з якіх 36 складаюць жанчыны і – 78 мужчыны.

Катэгорыя: Вясна

Сумесная заява прадстаўнікоў беларускай праваабарончай супольнасці 5 лістапада 2022г.

Катэгорыя: Вясна

Дзмітрый Лагодзіч. Фота з сацыяльных сетак. У Брэсцкім абласным судзе 4 лістапада завяршыўся разгляд крымінальнай справы Дзмітрыя Лагодзіча, якога абвінавацілі ў абразе прэзідэнта (ч.1 арт. 368 Крымінальнага кодэкса) і распальванні іншай сацыяльнай варожасці (ч.1 арт 130 Крымінальнага кодэкса).

Катэгорыя: Вясна

1 лістапада ў судзе Чыгуначнага раёна Віцебска вынеслі прысуд 22-гадоваму грузчыку кандытарскай фабрыкі “Віцьба” Аляксею Грыгаровічу. Суддзя Вольга Шапавал прызнала яго вінаватым паводле арт. 369 Крымінальнага кодэкса і асудзіла да пазбаўлення волі тэрмінам шэсць месяцаў з умоўным непрымяненнем пакарання, згодна з арт. 78 Крымінальнага кодэкса. Гэта значыць, што калі цягам года ён, знаходзячыся пад надзорам, не здзейсніць нічога, што ўладзе падасца “злачынным”, яго не пазбавяць волі, а таксама здымуць судзімасць.

Катэгорыя: Вясна

У судзе Цэнтральнага раёна Мінска ў закрытым рэжыме разглядзелі крымінальную справу за падпал аўтамабіля старшыні Дзяржаўнага камітэта судовых экспертыз Беларусі Аляксея Волкава ў кастрычніку мінулага году. Вінаватымі прызналі двух хлопцаў — 19-гадовага Захара Таразевіча і 23-гадовага Антона Лысова. Вядома, што адразу супраць іх распачалі крымінальныя справы за "тэрарызм", аднак потым іх дзеянні перакваліфікавалі на "знішчэнне маёмасці" (арт. 218 Крымінальнага кодэкса). 2 лістапада суддзя Таццяна Акавітая асудзіла Захара да сямі з паловай гадоў калоніі, а Антона — да 10 гадоў калоніі ва ўмовах узмоцненага рэжыму. Інфармацыя пра падпал машыны старшыні Дзяржаўнага камітэта судовых экспертыз Беларусі Toyota Land Cruiser Аляксея Волкава з'явілася ў СМІ 1 кастрычніка 2021 года. Гэта адбылося ў Мінску на вуліцы Лапаровіцкай. Праз два тыдні інфармацыю падцвядзілі ў самім Камітэце.

Катэгорыя: Вясна

У судзе Баранавіцкага раёну 12 кастрычніка асудзілі Яўгена Шайбака паводле арт. 341 (Апаганьванне будынкаў і псаванне маёмасці) Крымінальнага кодэкса. Справу разглядала Іна Паўлоўская. Суд Баранавіцкага раёна і горада Баранавічы

Катэгорыя: Вясна

Сяргей Грыбовіч. Фота з сацыяльных сетак. У Віцебскім абласным судзе 4 лістапада пачаўся разгляд крымінальнай справы жыхара Докшыц, 53-гадовага Сяргея Грыбовіча, якога абвінавачавюць па шэрагу пратэcныі і дыфамацыйнах артыкулаў.