11 траўня споўніцца месяц, як каманда арт-пабу «Торвальд» пачала гатаваць ежу для лекараў з чатырох мэдычных установаў Віцебску. Агулам у валянтэрскай працы задзейнічаныя дзевяць супрацоўнікаў калектыву. Часам перавозіць прыгатаваныя абеды і вячэры дапамагаюць віцебскія таксісты.

У вёсцы Прусы Пастаўскага раёна 8 траўня за ўдзел у стрыме Ціханоўскага затрымалі 49-гадовага Андрэя Новікава – былога супрацоўніка МУС РФ. Мужчыну адвезьлі ў Паставы і пасьля складаньня пратаколу паводле арт. 23.34 КаАП зьмясьцілі ў ізалятар часовага ўтрыманьня. Пра гэта паведаміла жонка затрыманага Вольга.