Суд Браслаўскага раёна Андрэй Вязіцкі 30 лістапада за распаўсюд “экстрэмісцкіх” публікацый у сацыяльнай сетцы арыштаваў на 10 сутак бацьку траіх малалетніх дзяцей, які працуе пакавальнікам-фасоўшчыкам Браслаўскай вытворчасці ААТ «Віцебскхлебпрам» Аляксандра Шаршнёва. Акрамя таго, суддзя вырашыў канфіскаваць ва ўласнасць дзяржавы тэлефон, які належаў "правапарушальніку".