Не так даўно ў газеце “Новополоцк сегодня” з’явілася рубрыка “Уголовная правда”. Там сабраны інтэрв’ю з тымі, хто быў асуджаны за крымінальныя злачынствы. Усе гэтыя аповеды вельмі  аптымістычныя: героі “усвядомілі свае памылкі” і “выправіліся” або ўжо стяць на “шляху выпраўлення”.  Але тое-сёе ў іх аповедах насцярожвае: некаторыя з іх раптам сталі шчодрымі спонсарамі  і ахвярадаўцамі для "дабрачынных фондаў".

Падчас рэйдаў у жыхароў не пыталіся згоды на здымкі, а на спробы задаць пытанні людзі сутыкаліся з ціскам і патрабаваннямі назваць свае дадзеныя. У атмасферы страху многія аддаюць перавагу маўчаць, нават калі іх правы відавочна парушаюцца.