У чэрвені 2022 году Магілёўскі абласны суд прызнаў ураджэнца Віцебску, журналіста Андрэя Кузнечыка стваральнікам «экстрэмісцкага фармавання» і прысудзіў яму 6 гадоў зняволення ва ўмовах узмоцненага рэжыму. Палітвязень адбывае пакаранне ў Наваполацкай калоніі № 1, куды яго этапавалі 1 верасня з магілёўскай турмы.

Гэта быў адзін з найстарэйшых журналістаў Віцебска, які некаторы час кіраваў віцебскай суполкай БАЖ, супрацоўнічаў з рознымі выданнямі, пісаў вершы, у канцы 1990-х выдаваў газету «Лад», у 2000-я быў шэф-рэдактарам газеты «Витебский курьер».

На дадзены момант у Беларусі за кратамі знаходзіцца больш за 1400 палітвязняў. Большасці з іх блакуюць ліставанне. Пасылкі ў такой сітуацыі з’яўляюцца надзейным спосаб падтрымкі зняволеных. Распавядаем, хто можа даслаць пасылку, што ў яе можна пакласці і як зрабіць гэта з-за мяжы. 

Пра затрыманне актывіста Беларускай сацыял-дэмакратычнай партыі «Грамада» і былога мытніка Мікалая Куляшова стала вядома з дяржаўных СМІ. Пра абставіны арышту па ягонай крымінальнай справе нічога не гаворыцца, але прапагандыстамі акцэнтуецца ўвага на тым, што ён дапамагаў ахвотным за грошы незаконна пераходзіць беларуска-літоўскую мяжу.

Вядомы віцебскі арт-менеджар і музыка Уладзімір Булаўскі мае ў Telegram акаўнт, які называецца «Паліто Булаўскага». Позна вечарам 14 снежня там з’явіўся допіс «Вітаю шаноўныя. Паліто зноў у шафе». З абмеркаванняў пад гэтым пастом вынікае, што Булаўскага забралі па справе, якую вядзе Дэпартамент фінансавых расследаванняў. Але гэтая інфармацыя ўдакладняецца.

Упершыню ў Наваполацк 13 снежня прыбылі дзеці з горада Лісічанска, які належыць да не прызнанай міжнароднай супольнасцю самаабвешчанай дзяржавы - Луганскай Народнай Рэспублікі. Паездка арганізавана Наваполацкім гарвыканкамам ва ўзаемадзеянні з дабрачынным фондам імя Аляксея Талая. Тым самым беларускія ўлады на мясцовым узроўні прызналі суб'ектнасць ЛНР, да апошняга часу прызнанай толькі Расійскай Федэрацыі. Курыруе знаходжанне луганчан намеснік старшыні Наваполацкага гарадскога выканаўчага камітэта па сацыяльных пытаннях Андрэй Адзіначкін.

Праваабаронцы паведамляюць пра затрыманне Іллі Кульмана і Паўла Пятруніна, заснавальнікаў паба. Вядома таксама, што сярод затрыманых ёсць чалавек па прозвішчы Ларкоў (імя ўдакладняецца), у якога дома зранку прайшоў ператрус. Жыхары Віцебску выказваюць версію, што адміністрацыю паба затрымалі за правядзенне канцэрта спявачкі, якая выступае пад псеўданімам Iva Sativa. Яе сольны канцэрт прайшоў у ROK’I PUBе 10-га снежня.

На сайце ўпраўлення МУС Віцебскага аблвыканкама з’явілася паведамленне пра распачатую міністэрствам пераднавагоднюю акцыю «Ліст І.У.Кубракову» Умовы для ўдзелу наступныя: складальніку ліста мусіць быць менш за 14 гадоў, пры гэтым ён павінны быць падпісчыкам усіх сацыяльных сетак МУС. А таксама марыць стаць міліцыянтам. Арганізатары мяркуюць, што з дапамогай такой акцыі яны змогуць палепшыць імідж сілавога ведамства, які заўжды быў невысокі, а пасля рэпрэсій пасля пратэстных падзеяў 2020г. стаў практычна адмоўным.

На віцебскім тэлеграм-канале сілавікоў з’явілася відэа з трыма жыхарамі Браслава, затрыманымі 7-га снежня. Паводле інфармацыі краязнаўцы Канстанціна Шыталя, у той дзень у Браславе было затрымана каля 15 чалавек. Большасць з іх адпусцілі да суду праз 72 гадзіны. Судзіць браслаўчан будуць паводле артыкула 19.11 КаАП за рэпосты з так званых «экстрэмісцкіх рэсурсаў», або наадварот – за допісы ў «экстрэмісцкія Тэлеграм-каналы».

У Віцебскай вобласці за апошнія 5 гадоў колькасць разгледжаных судамі спраў аб адміністрацыйных правапарушэннях скарацілася больш як удвая. Але ў гэты час ва ўладаў пашырыўся арсенал рэпрэсіўных мераў уздзеяння на правапарушальнікаў у выглядзе пакарання ў выглядзе грамадскіх работ. Аднак гэтае пакаранне не носіць масавым характар, і яно не стала альтэрнатыўнай мерай пакарання для арышту ці штрафу.