Старшыню пярвічнай арганізацыі Беларускага Незалежнага прафсаюзу на ААТ «Нафтан» затрымалі 1 лістапада. Назаўтра з войска вярнуўся яе сын Ягор, які прадстаўляў інтарэсы маці на судзе 3 лістапада. Вольгу Брыцікаву пакаралі арыштам нібыта за распаўсюд экстрэмісцкіх матэрыялаў.

Санкт-Пецярбургскі гарадскі суд 9 лістапада прыняў рашэнне задаволіць запыт беларускага боку на экстрадыцыю з Расіі ўраджэнца Оршы псіхолага Андрэя Рускіх. Яго падазраюць у двух злачынствах па так званых «народных крымінальных артыкулах», здейсненых ім на тэрыторыі Беларусі. 

69-гадовую пенсіянерку, былую настаўніцу беларускай мовы абвінавачваюць паводле двух артыкулаў Крымінальнага кодэксу: арт. 368 (Абраза Лукашэнкі) і арт. 369 (Абраза прадстаўніка ўлады). Справу разбірае суддзя Ірына Яскевіч, працэс ідзе ў закрытым рэжыме.

Па «справе Рабочага Руху» судзяць адразу 10 палітвязняў, сярод іх Аляксандр Капшуль, былы юрысконсульт ААТ «Нафтан», і ягоны калега Ігар Мінц. Капшуля вінавацяць па трох артыкулах Крымінальнага Кодэксу: па ч.2 арт. 295 (Незаконныя дзеянні ў адносінах да агнястрэльнай зброі), ч.1 арт. 356  (здрада дзяржаве), ч.3 арт.361-1  (стварэнне экстрэмісцкага фарміравання і ўдзел у ім). Мінца – па двух артыкулах Крымінальнага Кодэксу: па ч.1 арт. 356  (здрада дзяржаве), ч.3 арт.361-1 (стварэнне экстрэмісцкага фарміравання і ўдзел у ім). Старшынюе на працэсе суддзя Аляксандр Піскуноў.

Сёння, 09 лістапада, спаўняецца 59 гадоў палітвязню Віктару Бабарыка. Суд пазбавіў яго волі тэрмінам на 14-ць гадоў. Цяпер ён адбывае пакаранне ў Новаполацкай ПК №1 ва ўмовах узмоцненага рэжыму. Пад час суда Бабарыка не прызнаў за сабою віны. 

Палітвязень аршанец Аляксей Коршун, вывезены з Расеі, знаходзіцца ў Баранавічах. Яму патрэбна маральная і фінансавая дапамога.

Цяпер улады імкнуцца як мага хутчэй унесці змены ў Выбарчы кодэкс Рэспублікі Беларусь. Як паказвае аналіз ужо агучаных уладных "хацелак" можна зрабіць адназначную выснову, што гэтыя змены кодэксе з'яўляецца максімальна эфектыўным спосабам рэпрэсіўнага рэжыму знішчыць наяўныя ў цяперашнім выбарчым законе дэмакратычныя працэдуры.

У судзе Віцебскага раёна 10 лістапада суддзя Наталля Траццякова павінна пачаць разгляд крымінальнай справы ў дачыненні да 68-гадовага жыхара в. Хатоля Віцебскага раёна палітвязня Аляксандра Патапава. Следства і пракуратура сышліся на тым, што Аляксандр здзейсніў злачынную дзею, якая падпадае пад усе прыкметы злачынства, у рамка ч.1 арт. 368 (Абраза Прэзідэнта Рэспублікі Беларусь) КК РБ. Пачатак судовага пасяджэння прызначаны на 14-30, але разгляд справы будзе адбывацца ў закрытым для публікі рэжыме.

Святкаванне каля помніка Леніну больш за ўсё нагадвала мерапрыемства «для галачкі». Нават кветкі ў прысутных былі аднолькавыя – чырвоныя гваздзікі, верагодна, закупленыя цэнтралізавана і раздадзеныя перад імпрэзай. Аднолькавымі былі і некалькі чырвоных сцягоў з сярпом і молатам. Дый прысутных было не шмат – пару дзясяткаў, прычым сярод іх яўна заабавязаныя з’явіцца школьнікі ды студэнты.

Ляльку ўласнымі рукамі пашыла тэхнічная работніца ясляў-садка №25 Наталля Гвоздзева. Гэта выява хлопчыка ў ільняных нагавіцах, белай кашулі і камізэльцы. Лялька стала «сімвалам аўтарскай адукацыйнай праграмы, накіраванай на фармаванне патрыятызму і нацыянальнай самасвядомасці»,—піша наваполацкая “Новая газета”. Паводле мясцовых журналістаў, цягам году “новы казачны герой” наведае ўсе групы дзіцячай установы з пазнавальнымі заняткамі.