У Віцебску 9 жніўня ўручылі пасведчанні аб дзяржаўнай рэгістрацыі 25 раённым аддзяленням Беларускай партыі "Белая Русь". Аднак на сайце Віцебскага абласнога выканаўчага камітэта, раённыя арганізацыі БП "Белая Русь" адсутнічае ў спісе, у якім пералічаны ўсе 200 дзейныя або ліквідаваныя арганізацыйныя структуры беларускіх палітычных арганізацыяй.

З пачатку 2023 года ў дзяржаўных СМІ Віцебскай вобласці была арганізаваная прапагандысцкая істэрыка з нагоды стварэння наменклатурнай, па сутнасці, палітычнай партыі «Белая Русь». Гэтую кампанію праводзіў у жыццё цвёрдай бюракратычнай рукой кіраўнік абласной грамадскай арганізацыі “Белая Русь" і па сумяшчальніцтве старшыня аблсавета дэпутатаў Уладзімір Цярэнцьеў. Аднак насельніцтва вобласці паставіліся індыферэнтна да чарговага праекту ўладаў змяніць пратэстныя настрой грамадства шляхам стварэння масавай пра-рэжымнай партыі. Такі вынік можна лічыць рэпутацыйнай паразай Уладзіміра Цярэнцьева і паставіць, хутчэй за ўсяго, крыж на яго далейшай палітычнай кар'еры.

Старшыня Віцебскай абласной арганізацыі ЛДПБ Ігар Цеплякоў падзяліўся сваім меркаваннем пра законапраект «Аб зменах у законах па пытаннях дзейнасці палітычных партый і іншых грамадскіх аб’яднанняў». На ягоную думку, дзейнасць палітычных партый не павінна дэстабілізаваць абстаноўку ў краіне, «як адбылося ў 2020-м годзе». Без спасылак на хоць якія крыніцы і не называючы канкрэтных грамадскіх утварэнняў, Цеплякоў заяўляе, што «шэраг партыяў, якія займалі радыкальную ў адносінах да ўладаў пазіцыю, спрабавалі «расшатаць рэжым», а фактычна ішлі супраць дзяржаўнага ладу», падпарадкуючыся «замежным «замоўнікам» смуты».

Напярэдадні Новага года ўрад Беларусі ўнёс у парламент законапраект аб змяненні законаў “Аб грамадскіх аб’янаннях" і "Аб палітычных партыях”. Гэты праект значна ўскладняе ўмовы існавання палітычных партый (у тым ліку прадугледжаная іх перарэгістрацыя). Для грамадскіх аб’яднанняў праект уводзіць як некаторыя пазытыўныя тэхнічныя новаўвядзенні, так і некаторыя новыя негатыўныя нормы (але агульная перарэгістрацыя грамадскіх аб’яднанняў не абвяшчаецца).