Дэпутат Ягораў не паведамляе выбаршчыкам аб сваёй працы ў парламенце
Дэпутат Палаты прадстаўнікоў Нацыянальнага сходу РБ па Віцебскай-Кастрычніцкай выбарчай акрузе № 20 Аляксей Ягораў 22 траўня правёў асабісты прыём выбаршчыкаў. Аднак ні ў мясцовых СМІ, ні на ягоным асабістым сайце справаздачы аб гэтай сустрэчы не паведамляецца.
Улады пачалі ўжо рыхтаваць да вайны і выхаванцаў дзіцячых садкоў
У Глыбокім 20 траўня для выхаванцаў старэйшых груп дзіцячага сада №4 зладзілі ваенна-спартыўную гульню "Зарніца". Глыбоцкія дашкаляты здзейснілі маршкідок праз балота, распальвалі вогнішча і спявалі ваенныя песні.
Пры вяртанні з Расіі ў Оршы быў затрыманы журналіст
У Оршы міліцыя затрымала 26-гадовага жыхара Мінску Канстанціна Баяндзіна. Верагодна, ён вяртаўся ў Масквы, дзе мае працу. Гэта стала магчымым дзякуючы адзінай базе дадзеных, якой карыстаюцца расейскія і беларускія сілавыя ведамствы.
На Віцебшчыне аднаўляюць яшчэ адну савецкую традыцыю – закладанне капсул з лістамі да нашчадкаў
Напісаць ліст да наступнікаў, які яны змогуць прачытаць гадоў праз 50, было даволі папулярным мерапрыемствам у 1950-70 гады. Ліст закладалі ў капсулу і замуроўвалі ў сцяну пад таблічкай, дзе пазначалі дату прачытання. Пра што маглі пісаць савецкія грамадзяне, у тым ліку школьнікі, звяртаючыся да сваіх равеснікаў праз дзясяткі гадоў? Вядома, пра перамогу камунізму: маўляў, мы зайздросцім вам, бо вы жывяце ў той час, пра які мы сёння толькі марым... Агучваць такія пасланні ў 21-м стагоддзі, пасля развалу СССР, было ўжо смешна і няёмка. Аднак старую савецкую завядзёнку вырашылі аднавіць сучасныя ідэаолагі. Пра што пішуць школьнікі, дый дарослыя людзі, цяпер, звяртаючыся да наступных пакаленняў?
Заява праваабарончых арганізацый Беларусі ў Дзень палітвязняў
Мы, беларускія праваабаронцы, нагадваем, што 21 траўня 2021 года ў ПКТ шклоўскай папраўчай калоніі № 17 загінуў палітвязень Вітольд Ашурак; аб'ектыўнага незалежнага расследавання яго смерці ўладамі не праведзена. Гэта трагічная падзея ў сукупнасці з крымінальнымі рэпрэсіямі, якія працягваюцца ў Беларусі па палітычных матывах, далі падставу да таго, каб у першую гадавіну падзеі, 21 траўня 2022 года зноў нагадаць пра больш за 1200 палітвязняў, якія знаходзіліся тады ў няволі, многія з якіх таксама сталі ахвярамі катаванняў і жорсткага, бесчалавечнага, зневажальнага абыходжання, абвясціўшы гэты дзень Днём палітвязняў у Беларусі.
У жыхароў Дабрамысляў праблемы з гарачай вадой, але гэты аграгарадок – у пераможцах дзяржаўнага спаборніцтва
Жыхарам аграгарадка Дабрамыслі, што ў Лёзненскім раёне, адмовілі ў падачы гарачай вады ў неацяпляльную пару году (прыблізна з сярэдзіны красавіка да сярэдзіны кастрычніка). Камунальныя службы заявілі, што жыхарам шматкватэрных дамоў варта паклапаціцца пра ўласны дабрабыт самім, кошт пытання з 950 рублёў. За гэтыя грошы месцічам прапанавана самастойна набыць і ўсталяваць бойлеры, бо цэнтралізаванага забяспячэння гарачай вадой на працягу амаль паўгода чакаць не даводзіцца.
Адміністрацыйныя справы наваполацкіх лекараў скончылася арыштамі і штрафам
Чатырох дактароў Наваполацкай цэнтральнай гарадской лякарні 20 траўня асудзілі да розных тэрмінаў арышту па адміністрацыйных «палітычных» артыкулах, аднаго медыка пакаралі вялікім штрафам. Справы разглядала суддзя г. Наваполацка Зінаіда Балаболава.
Зарапартаваліся. Гарадоцкая газета пераблытала акцябратаў з піянерамі
Імкнучыся асвятляць усе ідэалагічныя мерапрыемствы ў рэгіёне, газета «Гарадоцкі веснік» паведаміла, што ў райцэнтры школьнікаў урачыста прымалі ў акцябраты. Але адбылося гэта ў так званы Дзень піянерскага сяброўства 19 траўня ( у СССР гэтая каляндарная дата лічылася «Днём піянерыі»). І як вынікае з фотарэпартажу, школьнікам у гэты дзень урачыста павязвалі чырвона-зялёныя гальштукі. Між тым «акцябрацкім» сімвалам лічыцца адмысловы значок, які выдаецца вучням пачатковых класаў.
Губернатар Пскоўскай вобласці заявіў аб рэзкім павелічэнні колькасці мерапрыемстваў з удзелам беларускай моладзі
Паводле інфармацыі губернатара Пскоўскай вобласці РФ Міхаіла Ведэрнікава ў 2023 годзе стала больш спроб уцягвання беларускай моладзі ў арбіту расійскіх грамадска-палітычных працэсаў. За 4 месяцы колькасць праведзеных мерапрыемстваў толькі ў Пскове з удзелам маладых беларусаў і беларусак павялічылася ў 2 разы, у параўнанні з мінулым годам. Пра гэта губернатар расказаў пад час двухдзёнага IV Форума маладзёжных выбарчых камісій, у якім прынялі ўдзел беларускія студэнты, у іх ліку і студэнты віцебскіх ВНУ.
Юля Цімафеева – Леаніду Судаленку: "Я ўдзячная за вашу працу і веру ў новую Беларусь"
З нагоды Дня палітвязняў Беларусі “Вясна“ публікуе серыю адкрытых лістоў нашым калегам у турмы. У час, калі для тысячаў зняволеных беларусаў ствараюцца штучныя перашкоды ў ліставанні з роднымі і сябрамі, гэтая акцыя павінна паказаць і беларускаму грамадству, і тым служкам рэжыму, якія выконваюць сваю брудную ролю, што ніводзін з палітвязняў не забыты, што людзі памятаюць пра ўсіх, каго ўлада пазбавіла волі за свае перакананні. Гэтым разам публікуем ліст паэткі і перакладчыцы Юлі Цімафеевай праваабаронцу, старшыні Гомельскага аддзялення ПЦ "Вясна" Леаніду Судаленку, якога асудзілі да трох гадоў пазбаўлення волі ў калоніі агульнага рэжыму.