Жыхароў Гарадоччыны заклікаюць паведамляць у міліцыю пра «небяспечны кантэнт»
Які менавіта кантэнт варта лічыць «небяспечным», мясцовая раённая газета «Гарадоцкі веснік» не паведамляе. Але наўрад ці ў рэдакцыі разлічваюць на тое, што зламыснікі на ўласных старонках будуць абмяркоўваць рабаўніцтва банка ці захоп райвыканкама. Найверагодней, маюцца на ўвазе «апазіцыйныя» допісы з нацыянальнай сімволікай або каментары на палітычныя тэмы. Інтэрнэт-карыстальнікам, калі яны заўважаць «небяспечны кантэнт», прапанавана паскардзіцца адміністрацыі ў сацыяльных сетках, а потым звярнуцца ў міліцыю.
Судовая сістэма Віцебскай вобласці працуе ў рэпрэсіўнай парадыгме
У 2022 года раённымі судамі Віцебскай вобласці было разгледжана 48,9 тыс. спраў з вынясеннем пастаноў у рамках крымінальных, адміністратыўных і грамадзянскіх законаў. У параўнанні с 2021 годам, колькасць разгледжаных спраў павялічылася на 1 тыс. ці на 2%.
На льнозаводах Віцебшчыны не хапае сыравіны належнай якасці
Камітэт дзяржкантролю Віцебскай вобласці праверыў выкананне зацверджаных яшчэ ў студзені 2021 года мерапрыемстваў па развіцці льняной галіны. Як паведамляе ведамства, у 2022 годзе заданне па валавым зборы льновалакна ў вобласці выканалі толькі на 75 % (тры з шасці льнозаводаў).
Дзяўчыну забралі з працы і пасадзілі на трое сутак за выяву герба “Пагоня”
Як стала вядома, 11 красавіка суддзя суда Глыбоцкага раёна Віцебскай вобласці Андрэй Тарасевіч разгледзеў адміністрацыйную справу ў дачыненні да Валерыі Васюковіч. Дзяўчыну, якая родам з Докшыц, судзілі па частцы 1 артыкула 24.23 КаАП (парушэнне парадку арганізацыі і правядзення масавых мерапрыемстваў).
Віцебскія чыноўнікі 14 гадоў марна спрабуюць дабіцца ўмацавання грамадскай бяспекі і дысцыпліны
Улады канстатуюць, што выкананне Дырэктывы №1 "Аб мерах па ўмацаванню грамадскай бяспекі і дысцыпліны" сутыкнулася з негатыўнымі працэсамі з беларускім грамадствам. Праўда кіраўніцтва вобласці не прызнае, што разгул п'янства і алкагалізму ў Віцебскім рэгіёне звязана з сацыяльна-эканамічным і палітычным крызісамі, які працягваецца пасля драматычных падзей 2020 года.
Навукоўцу Ігара Бортніка асудзілі яшчэ на 15 сутак
Гэта ўжо трэці арышт запар, прысуджаны Наваполацкім гарадскім судом, дагэтуль Ігар Бортнік ужо адбыў у няволі два арышты за адміністрацыйныя правапарушэнні (10 і 13 сутак). Атрымліваецца, што агулам кандыдат філасофскіх навук мае правесці за кратамі 38 сутак. Выносячы апошнюю пастанову, суд не ўлічыў, што мужчына мае праблемы са здароўем і некалькі дзён таму перанёс у зняволенні гіпертанічны крыз.
У Віцебску будзе ажно тры Алеі жаночай славы. Але што маецца на ўвазе?
Першая такая алея ўжо зявілася: падчас апошняга суботніка удзельніцы віцебскай структуры ГА «Беларускі саюз жанчын» пасадзілі тры елкі ў скверы па вуліцы Касманаўтаў, непадалек ад помніка камсамольцам-падпольшчыкам, што загінулі падчас Вялікай Айчыннай вайны. Паводле газеты «Витьбичи», якая размясціла фотаздымкі 13-ці жанчын і трох пасаджаных імі елак, Алеі жаночай славы павінны з“явіцца ва ўсіх трох раёнах абласнога цэнтру.
У праект рэстаўрацыі будынка, дзе мясціўся абласны КДБ, укладуць 150 тысяч рублёў
Але грамадскасці так і не паведамілі, што плануюць зрабіць у помніку архітэктуры 18-га стагоддзя – былым Палацы губернатара. КДБ размяшчаўся ў гэтым гістарычным будынку па вул. Савецкай (былой Дварцовай) з 1950-х гадоў – як толькі былы губернатарскі палац быў адрэстаўраваны пасля вайны. Два гады таму абласное ўпраўленне КДБ атрымала новую рэзідэнцыю ў цэнтры Віцебску: на вуліцы Калініна быў адмыслова для гэтый структуры быў пабудаваны новы сучасны гмах.
У Навалукомлі асудзілі на 15 сутак пастара Аляксандра Зарэцкага
Ён быў затрыманы ў мінулы чацвер, суд прызнаў пастара Царквы Хрысціян Веры Евангельскай вінаватым паводле арт. 19.11 КаАП за «лайкі» і каментары да матэрыялаў з інтэрнэт-рэсурсаў, прызнаных экстрэмісцкімі. Пра затрыманне пастара распавялі мясцовыя жыхары.
Докшыцкія ўлады стварылі рэзерв са 100 працоўных месцаў для грамадзян, якія маюць патрэбу ў патранажы з боку дзяржавы
Мясцовы раённы выканаўчы камітэт загадаў кіраўніцтву 25-ці прадпрыемстваў і ўстаноў Докшыцкага раёна стварыць браню для прыёму на працу ста жыхароў рэгіёну, якія асабліва маюць патрэбу ў сацыяльнай абароне і не здольныя на роўных умовах канкурыраваць на рынку працы, а таксама для бацькоў, якіх суд абавязаў кампенсаваць расходы, затрачаныя дзяржавай на ўтрыманне іх дзяцей.