Дзве гадзіны на тое, каб прайсці камісію на правы кіроўцы
Жыхары Паставаў задаюцца пытаннем, як за 2 гадзіны, якія адводзяць на праходжанне камісіі на правы кіроўцы, можна прайсці ўсіх лекараў, калі яны знаходзяцца нават не ў адным будынку паліклінікі.
За адмову пачаць прымусовае лячэнне ўлады аштрафавалі аршанца
Суддзя суда Аршанскага раёна і Оршы Алеся Дранькова 15 траўня за няяўку на прыём да лекара неўролага аштрафавала на 80 рублёў асуджанага беспрацоўнага Мікалая Кавалёва.
Жыхара Віцебска ўлады ўнеслі ў рэспубліканскі "спіс тэрарыстаў"
Не так даўно палітвязень Арцёма Латышава беларускім Камітэтам дзяржаўнай бяспекі быў унесены ў «спіс асоб, якія маюць дачыненне да тэрарыстычнай дзейнасці». Латышаў быў асуджаны судом за тое, што ён у 2021 годзе з двума іншымі віцябчанамі зладзіў перфоманс на могілках з выкарыстаннем выявы Главы дзяржавы, а таксама закідаў яйкамі з фарбай банэр з фота супрацоўнікаў мясцовага ДАІ.
За сарваны сцяг улады пакаралі жыхара Гарадка двума гадамі пазбаўлення волі
Суддзя суда Гарадоцкага раёна Ганна Гурынава 3 чэрвеня прыгаварыла Уладзіміра Кароткага за здзек з Дзяржаўнага флага Рэспублікі Беларусь (арт. 370 КК РБ) да пакарання ў выглядзе 2 гадоў пазбаўлення волі з адбываннем пакарання ў калоніі строгага рэжыму і прымусоваму лячэнню ад алкагалізму.
Спецдакладчыца ААН па Беларусі прадаставіла новы штогадовы даклад па сітуацыі з правамі чалавека
На сайце міжнароднай арганізацыі апублікаваны чарговы даклад Спецыяльнай дакладчыцы па пытанні аб становішчы ў галіне правоў чалавека ў Беларусі Анаіс Марэн. У ім яна падала агляд асноўных праблем у галіне правоў чалавека ў Беларусі ў перыяд з 1 красавіка 2023 года па 31 сакавіка 2024 года.
«У прыярытэце для нас - чалавечнасць, а не палітыка»
Лепельшчыну напрыканцы траўня наведалі прадстаўнікі Міжнароднага дабрачыннага грамадскага аб'яднання "ЭкаБудаўнік" і грамадскай арганізацыі "Дамы замест Чарнобыля". Нямецкія інвестары прыехалі ў Лепель, каб абмеркаваць новыя праекты. Яны датычаць людзей з інваліднасцю.
За абразу кіраўніка дзяржавы ўлады паўторна асудзілі жыхара Воршы
Судзя суда Аршанскага раёна і Оршы Юлія Вяршыніна 4 чэрвеня разгледзіла крымінальную справу Сяргея Гняўко. Яго абвінавацілі ў абразе А. Лукашэнкі (ч.2 арт. 368 КК), прычым паўторна. Па сукупнасці прысудаў Сяргею было прызначана пакаранне ў выглядзе пазбаўлення волі на тэрмін 4,5 гады з адбываннем у папраўчай калоніі ва ўмовах агульнага рэжыму.
У Мёрах пахваліліся сярэднім заробкам на мясцовым мясакамбінаце - крыху большым за 1500 рублёў
Паводле звестак ад кіраўніка Мёрскага мясакамбіната Івана Сушко, за апошнія гады ўмовы працы работнікаў мясакамбіната палепшыліся, заробак вырас на чвэрць і дасягнуў 1576,6 рублёў сярэднямесячнай зарплаты (брута). Гэта складае каля 450 еўра.
Улады прыступілі да ліквідацыі грамадскай арганізацыі лыжаролераў
Суддзя Віцебскага абласнога суда Вольга Іллюшонак 28 мая пастанавіла ліквідаваць Грамадскае аб'яднанне "Віцебская абласная федэрацыя лыжных гонак", старшынёй якой з'яўляецца былы старшыня абласнога камітэта па працы, занятасці і сацыяльнай абароне Аляксандр Хрыстафораў. Ініцыятарам закрыцця арганізацыі выступіла Галоўнае ўпраўленне юстыцыі Вітаблвыканкама.
У Віцебскай гарадской арганізацыі Чырвонага Крыжа змяніўся кіраўнік
За два гады ўзброенага канфлікту ва Украіне ў Віцебскую гарадскую арганізацыю Беларускага Чырвонага Крыжа звярнуліся па гуманітарную дапамогу 446 грамадзян Украіны, якая была аплачана за кошт узносаў грамадзян, прадпрыемстваў і мясцовымі ўладамі. Пра гэта распавяла СМІ яе новая кіраўніца, былая ідэалагіня «Аўтобуснага парка № 1 г. Віцебска, Алеся Косарава.