Суды ўзяліся за старое: ад пачатку 2022 году прызналі экстрэмісцкімі 7 інтэрнет-рэсурсаў
За першыя тры тыдні 2022 году рашэннямі судоў Віцебску і Віцебскай вобласці былі залічаныя ў рэспубліканскі спіс экстрэмісцкіх матэрыялаў 7 інфармацыйных рэсурсаў. Пры гэтым суды скарысталіся правам неадкладнага выканання сваіх рашэнняў, паколькі, на думку суддзяў, прамаруджванне ў выкананні рашэнняў можа нанесці значную шкоду дзяржаве або зрабіць немагчымым самое іх выкананне.
За спробу спаліць імітацыю дзяржаўнага сцяга два аршанцы могуць на 3 гады пазбавіцца волі
Двое жыхароў Воршы сталі фігурантамі крымінальнай справы пасля здзеку з дзяржаўных сімвалаў Рэспублікі Беларусь. Следчыя кваліфікуюць дзеянні маладых людзей у межах артыкулу 370 КК РБ, і ў выпадку даказанасці іх датычнасці і пры наяўнасці ў гэтых дзеяннях складу злачынства, суд можа пакараць кожнага да 3-х гадоў пазбаўлення волі.
«Мяне выклікаюць на прафілактычную гутарку». Што гэта такое і як сябе паводзіць?
Пракуратура вынесла больш за восем тысяч афіцыйных папярэджанняў за ўдзел у «несанкцыянаваных» акцыях. Актыўная фаза пратэстаў мінула, а людзей працягваюць выклікаць у міліцыю і пракуратуру на «прафілактычныя гутаркі». Расказваем, што гэта такое і як сябе паводзіць падчас такой размовы. Пра гэта напісала “Наша ніва”.
Навапалачаніна Руслана Слуцкага асудзілі на 11 гадоў калоніі
20 студзеня суд Полацку і Полацкага раёну прысудзіў 38-гадовага Руслана Слуцкага да 11 гадоў пазбаўлення волі ў калоніі ўзмоцненага рэжыму. Мужчына прызнаны вінаватым у акце тэрарызму (ч. 1 арт. 289 КК) і замаху на прывядзенне ў непрыдатнасць чыгуначных шляхоў зносін (ч. 1 арт. 14, ч. 1 арт. 309 КК). Суд цягнуўся больш за месяц, бо пацярпелымі ў справе праходзіла каля 70 чалавек, паведамляе «Вясна».
«Паважаю, ганаруся, чакаю». Валеры Ісаеў пракаментаваў прысуд журналісту Аляксандру Івуліну
Спартовы журналіст, блогер і футбаліст «Крумкачоў» Аляксандр Івулін быў асуджаны 19 лютага на два гады калоніі агульнага рэжыму. Суд Савецкага раёну Менску прызнаў яго вінаватым ва ўдзеле ў дзеяннях, якія груба парушаюць грамадскі парадак (ч.1 арт. 342 КК). Апроч таго, абвінавачанне палічыла, што журналіст на сваім ютуб-канале «ЧестнОК» размяшчаў відэазапісы, заахвочвальнага характару, каб стварыць негатыўную ацэнку дзейнай улады.
Пракурор запатрабаваў 11 гадоў калоніі для навапалачаніна, якога вінавацяць у тэрарызме
18 студзеня ў судзе Полацкага раёну адбылося чарговае паседжанне ў межах крымінальнай справы, распачатай у дачыненні 38-гадовага рамесніка Руслана Слуцкага. Мужчыну абвінавачваюць у акце тэрарызму (ч. 1 арт. 289 КК) і ў замаху на прывядзенне ў непрыгоднасць чыгуначных пуцей (ч. 1 арт. 14, ч. 1 арт. 309 КК). Падчас судовых спрэчак пракурорка Таццяна Шабека запрасіла для мужчыны 11 гадоў калоніі ва ўмовах узмоцненага рэжыму.
У дні абмеркаванняў зменаў у Канстытуцыі ўлады закрылі дзве найстарэйшыя грамадскія арганізацыі
18 студзеня 2022 году суддзя Віцебскага абласнога суду Вікторыя Лешчанка прыняла рашэнне ліквідаваць два грамадскія аб'яднанні – «Віцебскі жаночы клуб» і «Віцебскае абласное таварыства хворых на гемафілію». Ініцыятарам ліквідацыі грамадскіх арганізацый стала галоўнае ўпраўленне юстыцыі Віцебскага абласнога выканаўчага камітэту. Толькі ў студзені 2022 году ўлады ліквідавалі пяць грамадскіх абʼяднанняў.
Прадпрымальніка Уладзіміра Мунякіна асудзілі на 6 гадоў калоніі
17 студзеня суд Віцебскага раёну прызнаў прадпрымальніка Уладзіміра Мунякіна вінаватым у махлярстве ў асабліва буйным памеры (ч.4 арт.209 КК.) і асудзіў на 6 гадоў пазбаўлення волі ў калоніі ўзмоцненага рэжыму са штрафам у памеры 150 базавых велічынь. Паводле прысуду, Мунякін махлярскім чынам прысабечыў маёмасць 124-х пацярпелых на агульную суму каля 146 тысяч рублёў.
Сяргея Васільева з Мёраў прызналі палітвязнем
13 лютага праваабарончая супольнасць Беларусі прызнала жыхара Мёраў Сяргея Васільева палітвязнем. Мужчына быў затрыманы 26 жніўня 2021 году і асуджаны на тры гады абмежавання волі за паклёп на прэзідэнта (арт. 367 КК). Тэрмін адбывае ў пасёлку Круглае Магілёўскай вобласці (ПУАТ №46).
Улады не паведамляюць аб небяспецы заводу вакцын, які будуюць у вёсцы Доўжа
Згодна з прагнозамі навукоўцаў, пандэмія каранавірусу можа скончыцца на пачатку 2023 году. Такое меркаванне выказалі адмыслоўцы з Маскоўскага дзяржаўнага ўніверсітэту на падставе вынікаў, атрыманых пры дапамозе складанай матэматычнай мадэлі. На гэты ж час запланаванае заканчэнне будаўніцтва ў вёсцы Доўжа Віцебскага раёну заводу па вытворчасці вакцыны ад каронавірусу.