Участак чыгункі Полацак-Дзьвінск будзе электрыфікаваны
Беларуская чыгунка і ДАТ “Латвійская чыгунка” заключылі пагадненьне аб супрацоўніцтве ў сфэры электрыфікацыі напрамку Полацак — Дзьвінск (Даўгаўпілс). Паводле інфармацыі прэс-цэнтра БЧ, асноўнымі мэтамі дакумэнту зьяўляюцца павышэньне экалягічнай бясьпекі і канкурэнтаздольнасьці чыгуначнага транспарту, разьвіцьцё інфраструктуры прымежных участкаў на згаданым напрамку.
Міністар сельскай гаспадаркі і харчаваньня: Разьвіцьцё АПК Віцебскай вобласьці тармозяць няякасныя кармы і нізкая падрыхтоўка кадраў
Няякасныя кармы і нізкая прафэсійная падрыхтоўка кадраў не дазваляюць Віцебскай вобласьці дасягаць добрых эканамічных паказчыкаў у жывёлагадоўлі. Пра гэта заявіў у Віцебску міністар сельскай гаспадаркі і харчаваньня Леанід Заяц, які 23 траўня ўзяў удзел у працы абласнога сэмінару па пытаньнях нарыхтоўкі кармоў.
Палітвязень Ігар Аліневіч пазбаўлены магчымасьці вучыцца ў калёніі
Маці палітвязьня Ігара Аліневіча, які адбывае пакараньне ў Наваполацкай калёніі, распавяла пра няўдалыя спробы сына пачаць навучаньне ў калёніі: «Адразу ён спрабаваў працаваць па спэцыяльнасьці, якая блізкая да ягонай адукацыі, а ён закончыў радыётэхнічны. Але яго ня бралі ні на якую. А летась узялі ў ПТВ на краўца, але празь месяц адхілілі ад вучобы. Ведаю, што ён падаваў заяву на навучаньне на краўца, але зноў не ўзялі».
На Віцебшчыне адключаюць аналягавае тэлебачаньне
Згодна з графікам паэтапнага адключэньня аналягавага тэлевізійнага вяшчаньня на тэрыторыі Віцебскага раёну з 1 чэрвеня 2014 году спыняецца вяшчаньне дзяржаўных праграм аналягавай тэлевізіі «СТБ» (41 частотны канал), «НТВ-Беларусь» ( 26 частотны канал), «Беларусь-2» (31 частотны канал) з радыётэлевізійнай перадаючай станцыі (РТПС) у г. Віцебску.
Доктар Пастноў прапануе жыхарам Віцебску разам зьбіраць фотафакты
Віцебскі “лекар-праўдалюб” лічыць, што кепскія бытавыя ўмовы ў гарадзкіх шпіталёх зьневажаюць людзей. Асабліва з улікам таго, што “доўгабуды” і зацягнутыя на дзесяцігодзьдзі рамонты фінансуюцца зь дзяржаўнага бюджэту, а па вялікім рахунку – за кошт падаткаў тых самых пацыентаў. Таму ён прапануе зьбіраць падобныя фотадоказы і рабіць іх здабыткам галоснасьці.
«Мова нанова» — цяпер і ў Віцебску
Больш за 60 чалавек прыйшлі ў Віцебску на першы занятак бясплатных курсаў беларускай мовы «Мова нанова». Вядоўцамі выступілі стваральнікі менскіх курсаў Алеся Ліцьвіноўская і Глеб Лабадзенка. У сталіцы курсы праходзяць са студзеня 2014 году. Канцэпцыя заняткаў - неакадэмічнае вывучэньне беларускай мовы.
Кіраўнік Беларусі прыстрашыў губэрнатара Косінца адстаўкай
Кіраўнік дзяржавы папярэдзіў старшыню Віцебскага аблвыканкама аб адказнасьці за невыкананьне ўзятых на сябе забавязаньняў. Адпаведныя заявы былі зробленыя Лукашэнкам 27 траўня на выязной нарадзе па праблемах кормавытворчасьці і павышэньня эфэктыўнасьці жывёлагадоўлі.
Папраўчую калёнію ў Наваполацку ліквідуюць. На яе базе створаць ЛПП
Дзьве папраўчыя калёніі будуць ліквідаваныя ў Беларусі, на іх базе будуць створаныя ЛПП. Такое рашэньне зьмяшчаецца ва ўказе кіраўніка беларускай дзяржавы №242 “Аб удасканаленьні дзейнасьці крымінальна-выканаўчай сыстэмы Міністэрства ўнутраных спраў”, падпісаным 28 траўня, паведамляе прэс-служба прэзыдэнта.
Пан Скіргайла Палянэцкі-Мацкевіч пазнаёміў віцебчукоў з батлейкай
Эўрапейскі клюб на вуліцы Сеньненскай наладзіў чарговую цікавую імпрэзу для зацікаўленых віцебчукоў. Цяпер гэта быў выступ менскага Тэатру пана Скіргайлы Палянэцкага-Мацкевіча. Уласна самому выступу папярэднічала грунтоўная дзьвюхгадзінная лекцыя пра гісторыю батлейкі, прыёмы маніпуляцыі нашае сьвядомасьцю, а таксама пра найбольш пашыраныя памылкі пры вырабе ўласных батлеек і лялек для іх.
Камунальнікі Віцебскага раёну не даюць рады бадзяжным катам і сабакам
У Віцебскім раёне яшчэ канчаткова ня вырашанае пытаньне з адловам безнаглядных жывёл у населеных пунктах. Спэцаўтабаза г. Віцебску, якая ажыцьцяўляе яго, ня ў стане задаволіць усе заяўкі, што паступілі ў сувязі з адсутнасьцю заключаных дамоваў непасрэдна зь сельскімі саветамі. Вось і атрымліваецца, што не гаспадары ў адказе за тых, каго яны прыручылі, а жыльлёва-камунальная і іншыя службы.