Футбаліст Аляксей Халецкі: Спартовы чыноўнік адкрыта сказаў: «Так, вас ашукалі»
Былы абаронца футбольнага клюбу “Віцебск” Аляксей Халецкі прыгадаў час, праведзены ў клюбе. І распавёў пра падман чыноўнікаў наконт спартыўнай Віцебскай вобласьці: “Непрыемна зьдзівіла, што ашукалі ўвесь калектыў наконт грошай. І была абыякавасьць да каманды з боку мясцовых уладаў. Гэткай чынавенскай абыякавасьці да футбола я не сустракаў у ніводнай камандзе, дзе гуляў. Корань праблем віцебскага спорту ў тым, што працаўнікі аблвыканкаму і гарвыканкама абыякавыя да гульнявых відаў. А замест дапамогі футболу яны прыкрываюцца нейкімі мэдалямі па відах спорту, якія мала каму цікавыя”.
Віцебскі абаронца грамадзянскіх правоў зьвярнуўся па абарону да спэцдакладчыка ААН
Віцябчук Пётар Іваноў накіраваў скаргу на дзеяньні службовых асоб дзяржаўных органаў Рэспублікі Беларусь на адрас спадарыні Маргарат Сэкаг’і, спэцдакладчыка Арганізацыі Аб’яднаных Нацыяў па пытаньні аб сытуацыі з праваабаронцамі. Ён просіць прызнаць, што службовыя асобы дзейнічалі ў адносінах да яго як праваабаронцы недапушчальным чынам, супярэчачы духу і літары «Дэклярацыі аб праве і абавязку пэўных асоб, груп і органаў грамадзтва падтрымліваць і абараняць агульнапрызнаныя правы чалавека і асноўныя свабоды».
Прадстаўніцтва Эўразьвязу ў Беларусі патрабуе адкрытага разгляду апэляцыі Гайдукова
Прадстаўніцтва Эўразьвязу ў Менску выступіла з заклікам да беларускіх уладаў правесьці адкрыты і адпаведны міжнародным стандартам разгляд апэляцыі Андрэя Гайдукова, асуджанага за спробу кантактаў з прадстаўнікамі замежнай спэцслужбы. “У сувязі з надыходзячым разглядам апэляцыі А. Гайдукова прадстаўніцтва ЭЗ заклікае Беларусь правесьці сумленныя, справядлівыя і адкрытыя судовыя паседжаньні з выкананьнем усіх міжнародных стандартаў і забавязаньняў”, - гаворыцца ў звароце прадстаўніцтва ЭЗ. Гэты зварот ухвалены кіраўнікамі дыпляматычных місіяў краін ЭЗ у Менску.
Доктара Пастнова будуць лячыць ад «маніі перасьледу з боку ўладаў»
21 жніўня ў другой палове дня судзьдзя Дзегцярова суду Віцебскага раёну на падставе рашэньня ўрачэбна-кансультацыйнай камісіi (УКК) і са згоды Віцебскай гарадзкой пракуратуры ў прысутнасьці намесьніка галоўнага ўрача па мэдычнай частцы па псыхіятрыі УАЗ Віцебскага абласнога клінічнага цэнтру псыхіятрыі і наркалёгіі І. Панамарова вынесла пастанову аб прымусовым псыхіятрычным лячэньні Ігара Пастнова. Паседжаньне суду праходзіла без удзелу грамадзкасьці, прадстаўніка пракуратуры, законнага абаронцы, самога спадара Пастнова і яго блізкіх сваякоў.
Дэпартамэнт выкананьня пакараньняў баіцца галоснасьці?
Дэпартамэнт выкананьня пакаранняў МУС Рэспублікі Беларусь ня даў дазволу незалежнаму журналісту наведаць установы пэнітэнцыярнай сыстэмы. З адпаведнай заявай зьвярнуўся ў дэпартамэнт віцебскі сябра Беларускай асацыяцыі журналістаў Кастусь Мардзьвінцаў. «Кіраўніцтва дэпартамэнту лічыць немэтазгодным наведваньне Вамі папраўчых калёніяў крымінальна-выканаўчай сыстэмы МУС Рэспублікі Беларусь», – паведаміў заяўніку першы намесьнік начальніка ДВП С.І. Працэнка.
У доктара Пастнова ў вар’ятні забралі тэлефон
Журналіст Уладзімер Жыгулоў распавёў пра ўмовы знаходжаньня лекара Ігара Пастнова ў закрытым другім аддзяленьні Віцебскага абласнога псыхіятрычнага шпіталя:
Віцебская міліцыя адсьвяткавала сваё 95-годзьдзе
У Віцебску на плошчы Перамогі 15 жніўня супрацоўнікі праваахоўных органаў адзначалі 95-годзьдзе з дня ўтварэньня Віцебскай губэрнаскай міліцыі. Жыхары абласнога цэнтру змаглі пабачыць узоры міліцэйскай тэхнікі і ўзбраеньняў мінулых дзесяцьцігодзяў. Дапаўнялі карціну міліцыянты, апранутыя ў форму савецкіх часоў.
Рашэньне № 881 застанецца бязь зьменаў
Хрыстафор Жаляпаў, каардынатар руху “За свабоду” па Віцебскай вобласьці, атрымаў адказ на калектыўны ліст ад намесьніка старшыні аблвыканкаму А. Дзівуліна. Больш як 40 мясцовых жыхароў прасілі адмяніць рашэньне гарвыканкаму наконт парадку правядзеньня масавых акцыяў. Адказ чыноўнікаў аблвыканкаму – адмоўны.
Вярхоўны суд разгледзіць скаргу Гайдукова 27 жніўня
Касацыйная скарга асуджанага за спробу ўсталяваць кантакты з прадстаўнікамі замежнай спэцслужбы Андрэя Гайдукова будзе разгледжаная ў Вярхоўным судзе 27 жніўня. Пачатак суду – а 9:30. Андрэй Гайдукоў асуджаны паводле часткі 1 артыкулу 14 і артыкулу 356-1 Крымінальнага кодэксу Рэспублікі Беларусь на 1,5 года пазбаўленьня волі.
Павал Севярынец: Айцец Лазар - чарговы закладнік
Сустаршыня партыі “Беларуская хрысьціянская дэмакратыя” Павал Севярынец распавёў, для чаго Лукашэнка ўзяў у закладнікі пробашча парафіі Спасланьня Сьвятога Духа ў Барысаве Ўладзіслава Лазара: “Пасьля справы Андрэя Гайдукова ніякай веры шпіёнскім справам КДБ няма. Гэта відавочна ўсім. Пасьля выбухаў і справы аб тэракце відавочна, што ўсе закрытыя справы - гэта альбо фальсыфікацыя, альбо спосаб ціску на грамадзтва. Думаю, у гэтым выпадку мы маем і тое і другое”.