Канстытуцыйны суд ухіліўся ад абароны правоў, гарантаваных Канстытуцыяй
Канстытуцыйны суд ня стаў разглядаць пытаньне, пастаўленае перад ім віцебскім сябрам КХП-БНФ Янам Дзяржаўцавым. Апошні прасіў суд разабрацца з рашэньнем Віцебскага гарвыканкаму № 881 «Аб масавых мерапрыемствах у горадзе Віцебску». На думку палітыка, згаданае рашэньне мясцовых уладаў супярэчыць нормам Канстытуцыі, бо, фактычна, пазбаўляе грамадзян права на мірныя сходы.
У Віцебску страйкавалі будаўнікі
Рабочыя Віцебскага домабудаўнічага камбінату адмовіліся распачынаць працу з-за затрымкі заробкаў. У сеціве зьявіўся зьняты на мабільны тэлефон відэаролік, які зафіксаваў спрэчку будаўнікоў з кіраўніцтвам. Высьветлілася, што прычынай незадаволенасьці працоўных, як і на заводзе буйнапанэльнага домабудаваньня ў чэрвені 2012 году, стала затрымка зарплаты.
Сьледчы камітэт ня стаў узбуджаць крымінальную справу па заяве былога марскога афіцэра
Заяву на імя старшыні сьледчага камітэту Рэспублікі Беларусь Валянціна Шаева жыхар Віцебску Пётар Іваноў дасылаў наконт падзеяў, што адбыліся больш за год таму. Ён прасіў узбудзіць у дачыненьні да асоб у цывільным, якія зьдзяйсьнялі незаконны, на яго думку, агляд яго жытла, крымінальную справу паводле артыкулаў 202 («Парушэньне недатыкальнасьці жытла і іншых законных уладаньняў грамадзян») і 426 («Перавышэньне ўлады ці службовых паўнамоцтваў») крымінальнага кодэксу.
У Глыбоцкім раёне заробкі выдаюць кілбасой
“Хочам падзяліцца навіной пра абуральнае беззаконьне. Мы - тры зь лішнім сотні чалавек - працуем у ААТ “Глыбоцкі аграсэрвіс”, - зьвярнуліся па дапамогу ў рэдакцыю finance.tut.by чытачы. - Зарплаты ў нас і так невялікія, але з гэтых бедных сум мы абавязаныя купіць прадукцыю мясцовага мясакамбінату. У выпадку адмовы грошы не вяртаюцца! Нам патрэбныя тыя капейкі, якія мы зарабілі, а ня іх нясмачная кілбаса!”
Ад Любові Кавалёвай утойваюць, хто расстраляў яе сына
Маці расстралянага Ўладзіслава Кавалёва, абвінавачанага ў тэрарызьме пасьля выбуху ў менскім мэтро, хоча ведаць падрабязнасьці пра апошнія хвіліны сына, якога лічыць неправасудна пакараным сьмерцю. Яна спрабуе высьветліць, якая структура выканала сьмяротны прысуд, вынесены Вярхоўным судом у дачыненьні да яе сына.
Віцебскія актывісты просяць азнаёміць іх з плянам мерапрыемстваў у гарадзкім паркy
Пасьля адмовы Першамайскай раённай адміністрацыі на правядзеньне мітынгу ў Дзень Волі ў сувязі з «занятасьцю» Парка імя 30-годзьдзя ВЛКСМ пад спартовыя мерапрыемствы, дэмакратычныя актывісты Хрыстафор Жаляпаў і Аляксей Гаўруцікаў просяць пазнаёміць іх з усім гадавым плянам выкарыстаньня гэтага парку. З такой просьбай яны зьвярнуліся ў Віцебскі гарвыканкам. А ў адміністрацыю Першамайскага раёну падалі яшчэ 2 заяўкі на масавыя мерапрыемствы. 12 красавіка яны мяркуюць правесьці мітынг супраць зьбядненьня беларускага народу і ў падтрымку палітвязьняў, а 26 красавіка – мітынг з нагоды 27-х угодкаў аварыі на Чарнобыльскай АЭС.
КПЧ ААН прыняў да разгляду чарговыя звароты віцебскага праваабаронцы
Камітэтам па правох чалавека ААН за № 2235/2013 і № 2236/2013 зарэгістраваныя два новыя звароты праваабаронцы Паўла Левінава. У гэтых зваротах Павал Левінаў просіць камітэт прызнаць Рэспубліку Беларусь парушальнікам шэрагу артыкулаў Міжнароднага пакту аб грамадзянскіх і палітычных правох.
Падарунак уручаны. Праз 5 гадоў пасьля першай спробы
Падчас сёлетняга сьвяткаваньня Дня Волі Антаніна Піванос нарэшце змагла ўручыць падарунак віцебскаму распаўсюдніку незалежнай прэсы Барысу Хамайду. Габэлен, на якім актывістка вышыла словы малітвы «Ойча наш», падобны да габэлену, які яна зьбіралася падарыць спадару Хамайду яшчэ ў 2008 годзе, на 90-я ўгодкі абвяшчэньня незалежнасьці БНР. Але тады спроба зрабіць гэта аказалася няўдалай: Антаніну Піванос схапілі міліцыянты, габэлен адабралі, а саму актывістку судзілі нібыта за парушэньне закону «Аб масавых мерапрыемствах у Рэспубліцы Беларусь».
У дзіцячых садках Віцебшчыны знаходзіцца небясьпечна?
Пракуратура выявіла шэраг парушэньняў у працы дзіцячых садкоў Віцебскай вобласьці, паведаміла памочнік пракурора Віцебскай вобласьці па наглядзе за выкананьнем заканадаўства аб непаўналетніх і моладзі Ірына Крукоўская. Па выніках праведзенай праверкі пракурорамі гарадоў і раёнаў вобласьці было ўнесена 19 прадстаўленьняў, 5 прадпісаньняў, 1 пратэст. У дачыненьні да васьмі службовых асобаў накіраваны патрабаваньні аб узбуджэньні адміністрацыйных працэсаў.
Сяргея Каваленку суд аштрафаваў на мільён
Судзьдзя Першамайскага райсуду аштрафавала сябра КХП-БНФ на падставе міліцэйскага пратакола, дзе было напісана, што ўвечары 25 сакавіка Сяргей Каваленка быў “у стане алькагольнага ап’яненьня”, ды яшчэ “нецэнзурна выказваўся” і “размахваў рукамі”. Актывіст ніводнага з гэтых абвінавачаньняў не прызнаў. Судовы працэс над Сяргеем Каваленкам 26 сакавіка распачала судзьдзя Натальля Карабліна, а пасьля перапынку на тры дні – 29 сакавіка – судзіць актывіста прызначылі іншай судзьдзі, Валянціне Кісьмярошкінай. Чаму так адбылося, прысутным не патлумачылі.