Гэта ўжо другі ідэалагічны аб’ект, які сёлета адчыняецца “для блага аршанцаў”. Першым стала плошча дзяржаўных сімвалаў, на якую выдаткавана больш за 2 мільёны рублёў. Цяпер мае з’явіцца стэла – памятны знак, прысвечаны наданню Оршы звання “Горад працоўнай славы 1941-1945”.  І гісторыя яго з’яўлення выклікае шмат пытанняў, прычым не толькі фінансавых.

Віцебскі абласны суд 5 лістапада пачне разгляд завочнай справы ў дачыненні да Алены Жылачкінай (Жываглод), Зарыны Сарокінай, Алега Давыдчыка і Цімафея Малахоўскага. Ім інкрымінаваны шэраг артыкулаў Крымінальнага кодэксу, сярод якіх "дыскрэдытацыя Беларусі" (арт. 369-1 КК), "распальванне іншай сацыяльнай варожасці ці варажнечы" (ч. 3 арт. 130 КК); "абраза і паклёп на Лукашэнку" (ч. 2 арт. 368, ч. 1 арт. 367 КК); "заклікі да санкцый супраць Рэспублікі Беларусь" (ч. 3 арт. 361 КК) і іншыя.

З канца верасня  для працы ў абласной газеце «Витебские вести»  шукаюць чалавека на пасаду галоўнага рэдактара ( заробак 2 396 – 2 667 руб.). Таксама вольныя пасады карэспандэнта ( заробак 750 – 970 руб.), вядучага карэспандэнта (заробак 1 425 – 1 660 руб.), аператара электроннага набора і версткі (заробак 1 145 – 1 200 руб.).  

Трохпакаёвая кватэра агульнай плошчай  72,9 м² прадаецца разам з усёй мэбляй і тэхнікай, якая там знаходзіцца. У пералік маёмасці, выстаўленай на аўкцыён на сайце “Берюробеспечение» трапілі нават свяцільнікі, дываны  і шторы на вокнах. Абвешчаны пачатковы кошт - 141 710 рублёў.