Гараджане не разумеюць, што адбываецца: навошта яшчэ адзін, калі ўжо больш за 15 год у абласным цэнтры не могуць дабудаваць гандлёвы цэнтр каля аўтавакзала, наяўныя ГЦ стаяць паўпустыя. Адсутнасць цікаўнасці да такіх аб’ектаў тлумачыцца адным: у Віцебскай вобласці самыя нізкія заробкі ў параўнанні з іншымі рэгіёнамі Беларусі.

Цяпер гараджане шкадуюць будаўнікоў, якім даводзілася працаваць у аўральным парадку. І выказваюць меркаванні, што ўся наспех зробленая “прыгажосць” будзе не надта трывалай. І канешне, разважаюць, наколькі неабходны гораду яшчэ адзін “ідэалагічны” аб’ект інфраструктуры .

Гэтыя могілкі даўно знішчаныя. Доўгі час тэрыторыя на беразе Дзвіны ў раёне праспекта Чарняхоўскага не была забудаваная, і цяпер гарадскія ўлады, не згадваючы гісторыю, абвясцілі яе “пусткай”, якую вырашана запоўніць.

На старонцы  размешчаны відэаролікі, прысвечаныя падзеям на Віцебшчыне, і гэтыя матэрыялы маюць крытычную накіраванасць - распавядаюць пра крызіс у эканоміцы рэгіёна, розныя парушэнні з боку чыноўнікаў і незадавальненне грамадзян праблемамі на месцах.