- Вы тут:
-
Галоўная
- Вясна
- Катэгорыя: Вясна
У сераду, 13 траўня, Вярхоўны суд Кыргызстана разгледзіць касацыйную скаргу журналіста і праваабаронцы Азімжана Аскарава на прысуд Чуйскага абласнога суда ад 24 студзеня 2017 года, які пакінуў у сіле пажыццёвы тэрмін, вынесены актывісту. Аскараў быў арыштаваны па сфабрыкаванай справе ў 2010 г. Сярод абвінавачванняў, высунутых супраць яго, былі распальванне міжнацыянальнай варожасці і саўдзел у забойстве супрацоўніка міліцыі. Нягледзячы на рашэнне Камітэта па правах чалавека ААН ад 2016 года, які запатрабаваў неадкладнага вызвалення Аскарава, а таксама пандэмію каранавіруса, ён застаецца ў турме, а яго здароўе пагаршаецца.
- Катэгорыя: Вясна
У Брэсце працягваюцца суды над праціўнікамі завода АКБ, якія кожную нядзелю выходзяць на цэнтральную плошчу на акцыю па "кармленні галубоў". Таксама сёння, 12 траўня, мусяць судзіць праваабаронцаў Рамана Кісляка і Уладзміра Вялічкіна. Абодва былі затрыманы 10 траўня пасля нядзельнай акцыі, і пра іх месцазнаходжанне не было дакладна вядома больш за суткі. Жонка праваабаронцы "Вясны" Маргарыта Вялічкіна звярнулася ў пракуратуру з заявай аб знікненні чалавека. Тое самае зрабіла і маці Рамана Кісляка.
- Катэгорыя: Вясна
А ў гэты час за тоўстымі мурамі Валадаркі кіпелі вострыя жарсьці. Пытаньне перадачы маіх банкаўскіх дадзеных беларускім уладам у Польшчы і Літве абмяркоўвалася на высокім узроўні. Прэм’ер-міністр Літвы Андрус Кубілюс выказаўся наступным чынам: “Даводзіцца шкадаваць аб такім непаразуменьні і выбачыцца перад Бяляцкім і яго сямейнікамі”.
- Катэгорыя: Вясна
У аўторак, 12 траўня, у Магілёве працягваюцца суды над журналістамі і грамадскімі актывістамі. У панядзелак суд Кастрычніцкага раёна адправіў "на суткі" сем чалавек. Сёння суды чакаюцца над журналістам Алесем Асіпцовым, каардынатара ініцыятывы "За здаровы Магілёў" Андрэя Бодзілева, другі суд асуджаннага ўчора на 10 сутак блогера Міхаіла Аршынскага, а таксама чакаецца рашэнне па справе праваабаронца і журналіста "Магілёўскай вясны" Аляксандра Буракова. 
- Катэгорыя: Вясна
Маці затрыманага ў Брэсце праваабаронцы Рамана Кісляка 11 траўня падала заяву ў абласную пракуратуру аб гвалтоўным знікненні сына.
- Катэгорыя: Вясна
Журналісту з Глыбокага Змітру Лупачу, якога 11 траўня асудзілі да 10 сутак арышту паводле арт. 23.34 КаАП і на 45 базавых велічынь штрафу паводле арт. 22.9 КаАП стала дрэнна ў будынку суда.
- Катэгорыя: Вясна
Падчас ізноў распачаўшыхся у дачыненні да актывістаў рэпрэсій і судовых канвеераў раім паслухаць наш пяты выпуск праваабарончага падкаста — пра ЦІП, ІЧУ і людзей, якія там сядзелі і сядзяць. Хто трапляе ў Цэнтр ізаляцыі правапарушальнікаў і Ізалятар часовага ўтрымання? Перш за ўсё, туды можна патрапіць выпадкова. Часта туды накіроўваць палітычных актывістаў і праваабаронцаў у межах палітычна матываванага пераследу, калі суды выносяць пакаранне менавіта арыштам. Яшчэ адна частка людзей — тыя, каго ловяць за знаходжанне ў нецвярозым стане, хто здзяйсняе дробныя хуліганствы ды іншыя адміністрацыйныя парушэнні. Многія з гэтых людзей трапілі нібы ў замкнёнае кола – яны вяртаюцца ў ЦІП па некалькі разоў і сядзяць там амаль месяцамі. Чаму? Ці можна з гэтага кола выйсці?
- Катэгорыя: Вясна
Як паведамялецца ў суполцы dissidentby у фэйсбуку, палітзняволены Мікіта Емяльянаў з 7 траўня змешчаны ў памяшканне камернага тыпу.
- Катэгорыя: Вясна
Як паведмаляецца ў твітары ЗБС, супрацоўнікі міліцыі ў судзе Савецкага раёна затрымалі актывіста Пятра Маркелава. Ён затрыманы па арт. 23.4 КаАП (Непавінавенне законнаму патрабаванню). Вязуць у РАУС Савецкага раёну. Як паведамляюць актывісты ЗБС, яго затрымалі нібы за тое, што ён ляжаў у судзе на лаўцы і не хацеў даваць дакументы.
- Катэгорыя: Вясна
Прэс-канферэнцыя, прысвечаная пачатку назірання за прэзідэнцкімі выбарамі ў Беларусі адбудзецца ў сераду, 13 траўня ў 10 гадзін. Сёлетняя электаральная кампанія будзе адбывацца ў асаблівых умовах пандэміі COVID-19. Гэта накладае адбітак і на спосаб правядзення канферэнцыі – яна адбудзецца ў відэафармаце на адмысловай пляцоўцы Zoom. Каб прыняць удзел неабходна папярэдне зарэгістравацца на электроннай пошце Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., пакінуўшы там свае кантакты і атрымаць спасылку для ўваходу ў праграму. Zoom таксама можна спампаваць на свой тэлефон.