Гарадзенскі музыка Ігар Банцэр, які адбывае крымінальны тэрмін паводле арт. 339 КК («Хуліганства») у віцебскай папраўчай установе адкрытага тыпу №9, мусіў сёння выйсці з ШІЗА пасля 20 сутак пакарання. Аднак гэтага не адбылося. Паводле атрыманай з розных крыніц інфармацыі, палітвязню дадалі яшчэ 10 сутак. У ШІЗА Ігар Банцэр быў змешчаны адміністрацыяй пасля двух парушэнняў рэжыму.