31 сакавіка беларускі КДБ прызнаў “экстрэмісцкім фармаваннем” грамадскую структуру Fundacja brama dziedzictwa, зарэгістраваную ў Польшчы ў траўні 2024 года. Як узельнікі фармавання на сайце МУС пазначаны гісторыкі Алякей Лукашэвіч і Віктар Якубаў.  

З сайта газеты «Витебские вести» знікла рубрыка «Рэдакцыя". Раней там былі размешчаны партрэты мясцовых прапагандыстаў і іх прозвішчы, прычым пачынаўся гэта пералік з пустога месца: з восені мінулага года ў выдання няма галоўнага рэдактара. Ці то не знаходзіцца  ахвотных кіраваць прапагандысцім СМІ, ці то абласное ўпраўленне ідэалогіі ніяк не можа падабраць адпаведную кандыдатуру.

На сайце ведамства гаворыцца, што Дзяніса Ліхалета і Мікіту Зюзікава (абодва 2003 г.н.) судзілі ў Віцебскім абласным судзе і прызналі вінаватымі паводле ч.2 арт.361-1 (стварэнне экстрэмісцкага фармавання або ўдзел у ім). Пазначана таксама, што “судзімасць не пагашана” – гэта можа азначаць, што суд прызначыў пакаранне ў выглядзе “хатняй хіміі”.