Паводле рашэння КДБ ад 31 сакавіка “экстрэмісцкім фармаваннем” прызнаны Беларускі Хельсінскі Камітэт - адна з найстарэйшых беларускіх праваабарончых няўрадавых арганізацый. 6 красавіка інфармацыю пра гэта апублікаваў сайт Міністэрства ўнутраных спраў. У якасці ўдзельнікаў “экстрэмісцкага фармавання” у рашэнні КДБ згаданы Дзмітрый Маркушэўскі і Павел Левінаў.