Суддзя суда Міёрскага раёна Ірына Яскевіч 5 студзеня за распаўсюджванне ў сацыяльнай сетцы відэароліка з «экстрэмісцкай» інфармацыяй аштрафавала прыбіральшчыцу службовых памяшканняў у Фізкультурна-спартыўным клубе "Міёры" Таццяну Дзямешку.

Аршанскі райвыканкам вызначыў 18 месцаў на тэрыторыі раёна, дзе кандыдатам у дэпутаты можна ладзіць сходы, мітынгі і пікеты. Два месцы для агітацыі – у самой Оршы, у іншых населеных пунктах – па адным, і ў асноўным гэта пляцоўкі перад установамі культуры. Полацкі райвыканкам прыняў досыць арыгінальнае рашэнне: канкрэтных месцаў не вызначана, і арганізатарам ёсць, з чаго выбраць. Тым болей, што цяпер не трэба вылічваць адлегласць ад месца правядзення імпрэзы да выканкамаў, вакзалаў, пастарункаў і гд.

Рашэнне пра гэта прыняў 12 студзеня Пастаўскі раённы суд. Пра Алену Барсук вядома няшмат – яна не належала ні да якіх апазіцыйных партый, але заўсёды мела прынцыповую грамадскую пазіцыю і не баялася казаць праўду ў вочы начальству. Так яе характарызуюць знаёмыя. Паводле звестак ад землякоў, 9 студзеня жанчыну затрымалі, і, як яна паспела паведаміць, на яе быў складзены пратакол за «распаўсюд экстрэмізму». Прычым спадарыня Барсук сцвярджае, што старонкі ў «Одноклассниках» у яе няма.

У спіс экстрэмісцкіх матэрыялаў дадалі YouTube-каналы «Пра Віцебск / Новости Витебска» і «Маяк Беларускі \ Навіны рэгіёнаў», з якіх гледачы маглі даведацца рэгіянальныя навіны без ідэалагічнай цэнзуры. Рашэнне пра тое, што інфармацыйная прадукцыя гэтых рэсурсаў цяпер будзе лічыцца экстрэмісцкай, прыняў 15 студзеня суд Кастрычніцкага раёна Віцебска.

Старшыня суда суддзя суда Докшыцкага раёна Вячаслаў Елісеенка 21 снежня за распаўсюд у сацыяльнай сетцы «экстрэмісцкіх» публікацый пастанавіў пакараць грамадскімі працамі на тэрмін 40 гадзін і канфіскацыяй тэлефона работніка прадпрыемства «Раённыя электрычныя сеткі» Сяргея Салянку.

Апошнім часам жыхарамі Віцебску зафіксавалі масавая высечка ляснога масіву напрыканцы вул. Шмырова. На думку гарадскіх актывістаў, віцябляне занепакоеныя тым, што знішчэнне дрэў адбываецца пры парушэнні дзейнага заканадаўства. Таму для вырашэння пытання па сутнасці, яны стварылі на інфармацыйнай пляцоўцы "Зручны горад" петыцыю №5763 для таго, каб звярнуцца ў Віцебскую гарадскую інспекцыя прыродных рэсурсаў і аховы навакольнага асяроддзя.

Старшыня суда Докшыцкага раёна суддзя Вячаслаў Елісеенка за падпіскі ў сацыяльнай сетцы на «экстрэмісцкія» інфармацыйныя рэсурсы прысудзіў пакаранне ў выглядзе грамадскіх работ на тэрмін 40 гадзін рабочаму дзяржаўнага прадпрыемства Сяргею Карыпанаву.

У цэлым дзякуючы рабоце ўладаў і дабрачынных арганізацый з нядобранадзейнымі сем'ямі ў рэгіёне назіраецца ўстойлівая дынаміка зніжэння колькасці дзяцей-сірот і дзяцей, якія засталіся без апекі бацькоў: з 2007 года іх агульная колькасць знізілася з 4808 да 2381 у 2022 годзе, г.зн. іх колькасць скарацілася крыху больш чым на 50%.

Суддзя суда Наваполацка Таццяна Хрыпач 30 снежня за распаўсюд у сацыяльнай сетцы «экстрэмізму» пастанавіла арыштаваць на 13 сутак працаўніка «Нафтана» Максіма Гарбачова.

Завяршылася падача дакументаў для рэгістрацыі на кандыдатаў у дэпутаты Парламента і мясцовыя саветы. Паводле інфармацыі абласной выбарчай камісіі, на Віцебшчыне неабходна абраць 14 дэпутатаў Палаты прадстаўнікоў, на якія прэтэндуюць 35 чалавек. Сярод іх 20 актывістаў палітычных партый, у асноўным гэта члены Беларускай партыі "Белая Русь" (9) і ЛДП (9). Прычым на чарговы тэрмін вырашылі балатавацца трое дзейных дэпутатаў Парламента. Працэдура рэгістрацыі кандыдатаў працягнецца па 30 студзеня ўключна, пасля чаго тыя, хто пройдзе яе паспяхова, атрымаюць пасведчанні кандыдатаў і пачнуць агітацыю.