Патэнцыйны кандыдат у дэпутаты Віцебскага аблсавета і дзейны дэпутат гарсавета ўгаворвае землякоў ісці на выбары
Абласная газета «Витебские вести» апублікавала меркаванне Дзмітрыя Казака, дырэктара мясцовага філіяла РУП «Белтэлекам» пра тое, што «каждый гражданин Беларуси должен принять участие в выборах – выполнить свой гражданский долг, понимая, что это реальная возможность обеспечить безопасность и мирное будущее страны». Было б цікава даведацца, што для ўсяго вышэй названага зрабіў асабіста Дзмітрый Казак – ён ужо практычна адпрацаваў цэлы дэпутацкі тэрмін у якасці намесніка старшыні Віцебскага гарсавета 28 склікання. А цяпер хоча трапіць у абласны савет, балатуючыся па Віцебскай Пралетарскай акрузе №2 як вылучэнец ад Беларускай партыі «Белая Русь».
Палачанку Людмілу Анашкевіч арыштавалі на 15 сутак за «экстрэмісцкую» спасылку ў прыватнай перапісцы
65-гадовая спадарыня Людміла трапіла пад «хапун» 23 студзеня. Супрацоўнікі КДБ забралі ў яе мабільны тэлефон і лісты Вольгі Брыцікавай, лідаркі незалежнага прафсаюза "Нафтана", якая была звольнена з прадпрыемства з асвае грамадскія погляды. Брыцікаву трымаюць у віцебскім СІЗА, супраць яе распачата крымінальная справа паводле арт. 361 (заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь). Супраць Людмілы Анашкевіч у дзень затрымання распачалі адміністрацыйную справу.
Таццяну Севярынец аштрафавалі на 5.400 рублёў
Суддзя Першамайскага райсуда Віцебска Міхаіл Юрчанка асудзіў маці вядомага палітыка і пісьменніка Паўла Севярынца па двух адміністрацыйных артыкулах: ч.2 арт.19.11 (распаўсюд "экстрэмісцкіх" матэрыялаў" і ч.1 арт. 24.23 (несанкцыянаванае пікетаванне). Абодва пратаколы пра правапарушэнні складзены паводле вывучэння старонак спадарыні Таццяны ў сацыяльных сетках.
Жыхара Лёзненскага раёна асудзілі да трох гадоў зняволення за абразу Лукашэнкі і прадстаўнікоў улады
Былога «афганца» Уладзіміра Лісіцу асудзіў суддзя Лёзненскага раёна Аляксей Лапушанскі, судовы працэс распачаўся 19 снежня мінулага года. Паводле судовага выраку, спадар Лісіца мае адбыць тры гады ў папраўчай калоніі ва ўмовах агульнага рэжыму, а таксама сплаціць 7 400 рублёў штрафу і кампенсацыю маральнай школы двум пазоўнікам – Генеральнаму пракурору Рэспублікі Беларусь А. Шведу і дэпутату Наваполацкага гарадскога Савета дэпутатаў І. Мядзведскаму – па 3 000 рублёў кожнаму.
Трэці раз запар улады арыштавалі ўдзельніка нафтанаўскай стачкі
Суддзя суда Наваполацка Зінаіда Балаболава 9 студзеня за распаўсюд «экстрэмісцкіх» матэрыялаў у сацыяльнай мэсэнджэры арыштавала на 15 сутак работніка ААТ «Нафтан Аляксандра Ляшкова. Гэта трэцяя запар адміністрацыйная ізаляцыя ўдзельніка стачкі 2020 года, якая вылічаецца 44-мя суткамі.
На Віцебшчыне зарэгістравана толькі 20% назіральнікаў ад неабходных
У Віцебскай вобласці тэрытарыяльныя і акруговыя выбаркамы ўжо акрэдытавалі крыху больш за 280 наглядальнікаў (20 працэнтаў ад мінімальна неабходнага) з грамадзян, якія пражываюць у межах рэгіёну. Для таго каб у кожным выбарчым участку, а іх у рэгіёне створана 693, было хаця б па два назіральнікі, неабходна знайсці яшчэ як мінімум 1100 грамадзян з актыўнай палітычнай пазіцыяй.
За падпіску ў сацсеткі на «экстрэмісцкі» інфарэсурс ўлады пакаралі буйным штрафам беспрацоўнага
Суддзя суда Лёзненскага раёна Аляксей Лапушынскі 4 студзеня за падпіску ў сацыяльнай сетцы на «экстрэмісцкі» інфармацыйны рэсурс аштрафаваў на 1200 рублёў і канфіскаваў телефонны апарат у беспрацоўнага мясцовага жыхара Аляксандра Мінчанкава.
Петыцыя, як спосаб звярнуць увагу віцебскіх чыноўнікаў на дрэнны стан гарадской інфраструктуры
У студзені месяцы на рэсурсе “Зручны горад” гарадскія актывісты стварылі чатыры петыцыі, праз якія звяртаюцца да Віцебскага гарвыканкаму з тым, каб улады звярнулі ўвагу на дрэнны стан дарожнай і гарадской інфраструктуру. Петыцыі ўжо падпісалі больш за 60 чалавек і збор подпісаў працягваецца.
Затрыманы Барыс Хамайда
Сёння ранкам сілавікі правялі ператрус у 76-гадовага віцебскага грамадскага актывіста і затрымалі яго самога. Прычына затрымання пакуль не вядомая. Не выключана, што ў ягоным тэлефоне будуць шукаць прыкметы адміністрацыйнага правапарушэння паводле ч.2 арт. 19.11 – распаўсюд так званых «экстрэмісцкіх» матэрыялаў.
Праз 45 гадоў ізноў гучыць савецкая рыторыка пра тое, што ўдзел СССР у Афганскай вайне быў неабходны
У гэтым праз дзяржСМІ спрабуюць пераканаць жыхароў Віцебскай вобласці – рэгіёна, дзе памяць пра афганскую вайну надзвычай балючая. «Введение советских войск в Афганистан было правильным ходом, оправданным шагом, который помог предотвратить вторжение в пограничные с ним республики Советского Союза», - заяўляе ў інтэрв'ю газеце «Витебские вести» жыхар Полацка Сяргей Пузікаў, былы «афганец». На загад ідэалагічных службаў ён, мусіць, мог бы і паказаць, «откуда на нас готовилось нападение»...