Салдату, які ў красавіку ўцёк на грузавіку ў самаволку, прысудзілі 7 гадоў калоніі
Суд Глыбоцкага раёну 12 кастрычніка агучыў вырак 19-гадоваму вайскоўцу тэрміновай службы Аляксандру Караткевічу, які на пачатку красавіка 2021 году на службовым грузавіку з'ехаў з вучэбнага палігону ў Берасцейскай вобласці, каб наведаць маці на Віцебшчыне. Меў пры сабе аўтамат. Суд прызнаў яго вінаватым адразу па пяці артыкулах Крымінальнага кодэксу і прысудзіў да 7 гадоў пазбаўлення волі ў калоніі ўзмоцненага рэжыму.
Віцебскі суд прызнаў суполку «Глыбокае для жыцця!» «экстрэмісцкай»
Суд Чыгуначнага раёну Віцебску 6 кастрычніка прызнаў чарговы інтэрнэт-рэсурс «экстрэмісцкімі матэрыяламі». На гэты раз – тэлеграм-чат «Глубокое для жизни!». Рашэнне прымала суддзя Святлана Варатынская. Прычым спачатку яна называла рэсурс «тэлеграм-групай», а потым – «тэлеграм-каналам». Суполка «Глыбокае для жыцця» у «Тэлеграме» мае 1129 удзельнікаў.
Тры суды за адзін дзень: Змітра Лупача аштрафавалі агулам на 3045 рублёў
25 лютага над глыбоцкім журналістам-фрылансерам Змітром Лупачом прайшлі адразу тры суды. У выніку за адзін дзень журналіст атрымаў штрафаў на 3045 рублёў (105 базавых велічынь). Лупача вінавацілі ў парушэнні Закона аб СМІ паводле ч. 2 арт. 22.9 КаАП (незаконны выраб і распаўсюд прадукцыі СМІ) за супрацу з тэлеканалам “Белсат”, паведамляе служба маніторынгу Беларускай асацыяцыі журналістаў.
Журналіст Зьміцер Лупач пасьля арышту і суду трапіў у рэанімацыю
Журналіста з Глыбокага Зьмітра Лупача, якога пасьля суду забрала хуткая дапамога, паклалі ў рэанімацыю. 11 траўня судзьдзя Глыбоцкага суду Дзьмітрый Тарасевіч прысудзіў яму 10 сутак арышту і 45 базавых велічынь штрафу – за ўдзел у несанкцыянаваным мерапрыемстве (ч.1 арт. 23.34 КаАП) і за незаконны выраб і распаўсюд прадукцыі СМІ (ч.2 арт. 22.9), паведамляе «Белсат».
Нечаканка: у Глыбокім спынілі справу, заведзеную на журналіста Зьмітра Лупача
19 лютага адбылося другое пасяджэньне суда па адміністрацыйнай справе журналіста з Глыбокага Зьмітра Лупача. Яго вінавацілі ў парушэньні Закону аб СМІ за супрацу з тэлеканалам «Белсат». У выніку Глыбоцкі раённы суд вынес пастанову аб спыненьні справы ў сувязі з недаказанасьцю, паведамляе служба маніторынгу «Беларускай асацыяцыі журналістаў»
На Глыбоцкім МКК будуць выплачваць заробкі згушчонкай?..
Працаўнікі Глыбоцкага малочнакансэрвавага камбінату даслалі на тэлеграм-канал NEXTA распараджэньне кіраўніцтва заводу аб выплаце заробкаў у жніўні-сьнежні 2019 году “часткова ў натуральнай форме” – сьмятанай ды малаком. На камбінаце сьпее бунт…
У хуткасным рэжыме. Абласны суд пакінуў скаргі Зьмітра Лупача без задавальненьня
Паўтары хвіліны спатрэбілася судзьдзі Віцебскага абласнога суду Сьвятлане Івановай, каб разгледзець скаргі журналіста-фрылянсэра Зьмітра Лупача на рашэньні Глыбоцкага і Шаркоўшчынскага судоў. Судзьдзя пастанавіла пакінуць скаргі без задавальненьня.
Журналіст Зьміцер Лупач атрымаў 1020 рублёў штрафу ў Глыбоцкім судзе
Агулам па дзьвюх адміністрацыйных справах на 40 базавых велічыняў аштрафаваў Глыбоцкі раённы суд незалежнага журналіста Зьмітра Лупача, паведамляе Беларускае Радыё Рацыя.
Будуць судзіць Зьмітра Лупача – за “незаконнае пікетаваньне” на Дзень Волі ў Глыбокім
На глыбоцкага журналіста-фрылянсэра Зьмітра Лупача міліцыянты склалі адміністрацыйны пратакол за парушэньне заканадаўства аб масавых мерапрыемствах (арт. 23.34 КаАП РБ). “Незаконнае пікетаваньне шыюць”, – паведаміў на сваёй старонцы ў Facebook журналіст. Суд адбудзецца 11 красавіка.
Журналістаў Зьмітра Лупача і Тацяну Смоткіну выклікалі ў міліцыю
Увечары 27 сакавіка незалежныя журналісты з Глыбокага Зьміцер Лупач і Тацяна Смоткіна атрымалі позвы з Шаркоўшчынскага райаддзелу міліцыі. Спачатку міліцыянты даслалі ім позвы праз мэсэнджары Viber і WhatsApp, а потым патэлефанавалі і яшчэ раз запрасілі на так званую “гутарку” на 29 сакавіка, паведамляе “Беларуская асацыяцыя журналістаў”.