Жыхары Глыбокага змагаюцца за вяртаньне ім права на правядзеньне мітынгаў і пікетаў
Чатыры дзясяткі жыхароў Глыбокага падпісаліся пад калектыўным лістом у Савет Міністраў, дзе выкладзеная просьба аб ініцыяваньні звароту ў Канстытуцыйны суд з мэтай ацэнкі рашэньня Глыбоцкага райвыканкаму №167 “Аб вызначэньні месцаў для правядзеньня мітынгаў і пікетаваньняў” на адпаведнасьць Асноўнаму закону.
Жыхарам Глыбокага нагадалі пра палітвязьня Мікалая Статкевіча
Плякат з патрабаваннем свабоды былому кандыдату ў прэзыдэнты Мікалаю Статкевічу, можна было пабачыць на аўтобусным прыпынку ў Глыбокім у раёне МКК. Паводле словаў відавочцаў, правісёў ён там нядоўга, толькі некалькі гадзін.
Глыбоцкую газэту “Прэфект-інфо” аштрафавалі за парушэньне закону аб рэкляме
Штраф памерам 25 базавых велічынь прысудзіў судзьдзя Глыбоцкага суду Андрэй Тарасевіч. Падставай для спагнаньня стаў пратакол, складзены супрацоўніцай упраўленьня гандлю і паслуг Віцебскага аблвыканкаму Жаннай Лістападавай. У пратаколе пазначана, што ў адным з нумароў газэты за кастрычнік мінулага году былі дапушчаныя некалькі парушэньняў Закону аб рэкляме.
Глыбоцкія ўлады прапануюць бізнэсу заплаціць за добраўпарадкаваньне набярэжнай возера
Днямі кіраўнікі прыватных прадпрыемстваў Глыбокага атрымалі лісты з райвыканкаму, у якіх прадпрымальнікаў ад імя аргкамітэту па сьвяткаваньні 600-годзьдзя Глыбокага просяць пералічваць сродкі на добраўпарадкаваньне берагу возера Вялікага, або Беразьвецкага. Гэта самае вялікае зь пяці азёр, што знаходзяцца ў гарадзкой рысе Глыбокага.
Глыбоцкая газэта “Прэфект-інфо” – на мяжы закрыцьця
Штраф у памеры 25 базавых велічынь (3 млн. 750 тыс.) судзьдзя Глыбоцкага суду Андрэй Тарасевіч прысудзіў прыватнаму прадпрыемству “Прэфект-інфо” за парушэньне закону аб рэкляме. Гэтае прадпрыемства з 2009 году выдавала рэклямную газэту “Прэфект-інфо”, заснавальнікам якой зьяўляецца актывіст кампаніі “Гавары праўду” Яраслаў Берніковіч, а галоўным рэдактарам – сябра аргкамітэту па стварэньні партыі БХД Зьміцер Лупач.
У гімназіі і школах Глыбокага колеры дзяржаўнага сьцягу Ўкраіны — пад забаронаю
Як распавёў гімназіст Данат Бука, тыдзень таму яго сястра прапанавала набыць і павязаць на заплечнікі жоўта-блакітныя стужкі. Некаторыя з вучняў вырашылі падтрымаць гэту ідэю. Так яны хацелі выказаць сваю салідарнасьць з украінскім народам. Падлеткі насілі такія стужкі амаль тыдзень. Але дырэктар гімназіі Людміла Хверанец зрабіла Данату заўвагу.
У Глыбокім забаранілі пікет да Дня Волі
Прычына забароны ўжо традыцыйная: адсутнасьць дамоваў на абслугоўваньне акцыі мэдыкамі, камунальнымі службамі і міліцыяй. Пры гэтым раённае міліцэйскае кіраўніцтва наўпрост заявіла ініцыятарам пікету, што заключаць папярэднія дамовы адмаўляецца.
“Інфармацыйная разнастайнасьць у рэгіёнах” – сэмінар для журналістаў у Глыбокім
Глыбоцкая суполка ГА “Беларуская асацыяцыя журналістаў” разам з калегамі з “Каталіцкага весьніка” зладзіла сэмінар “Інфармацыйная разнастайнасьць у рэгіёнах”. У якасьці трэнэраў былі запрошаныя Аляксандар Коктыш і Аляксандар Класкоўскі. На сэмінары прысутнічалі як пачаткоўцы, так і журналісты зь вялікім досьведам працы з газэты “Вольнае Глыбокае”, сайту “Весткі-інфо”, “Радыё Рацыя”, а таксама каталіцкіх выданьняў.
Пікет да Дня Канстытуцыі забаранілі ў Глыбокім
Прычына забароны, паводле райвыканкаму – адсутнасьць дамоваў на абслугоўваньне акцыі мэдыкамі, камунальнымі службамі і міліцыяй. “Між тым, ні мэдыкі, ні камунальнікі наогул не адказалі на нашу прапанову заключыць дамовы”, - кажа адзін з заяўнікаў акцыі, удзельнік сёлетняй выбарчай кампаніі Зьміцер Лупач.
У Глыбокім затрымалі журналістаў
26 лістапада на ўезьдзе ў Глыбокае затрымалі незалежных журналістаў Вячаслава Пяшко і Насту Рэзьнікаву. Машыну, якой кіраваў Пяшко, спынілі на ўезьдзе ў горад супрацоўнікі ДАІ. Праверыўшы дакумэнты, міліцыянты спачатку сказалі, што іх насьцярожвае нумар кузава машыны. Пасьля праверылі багажнік і папрасілі праехаць зь імі ў РУУС, бо вонкава машына і яе пасажыры нібыта падыходзілі пад апісаньне махляроў у вышуку.