Рэдактар глыбоцкай «раёнкі» зноў накінуўся на недзяржаўныя інтэрнэт-рэсурсы, палітэмігрантаў і Украіну
Чарговы опус Андрэя Панкрата выйшаў на сайце «Глыбоцкага весніка». Гэтым разам галоўны рэдактар прыгадаў навіну пра тое, што ў Курскай вобласці быў заўважаны танк з узнятым бел-чырвона-белым сцягам. І заявіў, што «вся эта шумиха больше отражает иное: скудность положительных новостей как на украинских фронтах, так и в стане беглых предателей, у которых не осталось ничего, кроме подающей руки дядюшки Сэма». Прычым гэта адно з самых лагодных выказванняў прапагандыста на адрас сваіх апанентаў.
Жыхара Глыбоччыны асудзілі да двух гадоў «хіміі» за абразу Лукашэнкі
31 жніўня суд Глыбоцкага раёна разбіраў справу мясцовага жыхара Дзмітрыя Васюковіча, абвінавачанага паводле ч.1 арт. 368 Крымінальнага Кодэкса. Суддзя Андрэй Тарачевіч прыгаварыў земляка да пакарання ў выглядзе двух гадоў абмежавання волі з накіраваннем у папраўчую ўстанову адкрытага тыпу. Таксама суд пастанавіў канфіскаваць тэлефон асуджанага як сродак здзяйснення злачынства.
Рэдактар глыбоцкай раёнкі напісаў пра смецце ў горадзе. А потым пашкадаваў
16 ліпеня ў газеце «Веснік Глыбоччыны» выйшаў артыкул «Так не должно быть! Как, например, на набережной озера Кагальное в Глубоком». Аўтар Андрэй Панкрат апісаў і сфатаграфаваў «ужасное зрелище: вокруг двух установленных неподалёку друг от друга лавочек были разбросаны пустые и битые бутылки из-под спиртного, пачки от сигарет, чипсов». Заўважыў рэдактар і яшчэ некалькі падобных фактаў. У той самы дзень ягоныя фотаздымкі перадрукаваў «оппо-ресурс».
Віцебскія сілавікі пахваліліся, што выкрылі «экстрэмісцкае кубло» ў Глыбокім
На Telegram-канале "Северная столица", блізкім да віцебскіх сілавікоў, выйшлі два відэаролікі з затрыманнямі чатырох мужчын за так званыя «экстрэмісцкія» падпіскі. Таксама ў гэтых роліках выкарыстаны так званыя «пакаяльныя відэа», запісаныя міліцыянтамі. Адзін з затрыманых дадае, што меў на старонках у сацсетках не толькі падпіскі га «экстрэмісцкія інтэрнэт-рэсурсы, але і выяву бел-чырвона-белага сцяга.
Скрала больш за 37 тыс. рублёў і атрымала 5 год з адтэрміноўкай
Як стала вядома, у Глыбокім 17 лістапада адбыўся суд над галоўным бухгалтарам дзяржаўнай установы сацыяльнага абслугоўвання “Глыбоцкі псіханеўралагічны дом-інтэрнат для састарэлых і інвалідаў” Юліяй Чарвяковай. Жанчыну судзіў па частцы 4 артыкула 210 КК РБ (Крадзеж шляхам злоўжывання службовымі паўнамоцтвамі) суддзя Андрэй Тарасевіч, вядомы ў раёне сваімі палітычнымі прысудамі.
Члены грамадскай назіральнай камісіі наведалі папраўчую калонію ў Глыбокам. Парушэнняў з боку адміністрацыі яны не знайшлі
Віцебская абласная грамадская наглядальная камісія пры галоўным упраўленні юстыцыі Віцебскага аблвыканкама 14 лістапада наведала папраўчую калонію №13 упраўлення Дэпартамента выканання пакаранняў МУС Рэспублікі Беларусь па Віцебскай вобласці. Гэтая калонія “знакамітая” тым, што ў яе сценах адбываюць пакаранне толькі два палітвязні: апазіцыйны палітык Мікалай Статкевіч і “рэйкавы партызан” Віталь Мельнік. З імі "грамадскія інспектары" сустрэцца не пажадалі.
Пра метады “дэструктыўнага інфармацыйна-псіхалагічнага ўздзеяння” на насельніцтва гаварылі ў Глыбокім
Як піша мясцовая раёнка, у Глыбокім у рамках адукацыйнага праекта "Адкрытая кафедра" прайшла сустрэча на тэму "Захаванне і ўмацаванне беларускай дзяржавы - у адзінстве беларускага народа". Сустрэча адбылася па ініцыятыве Віцебскай абласной арганізацыйнай структуры дзяржаўнага аб'яднання "Беларускае таварыства "Веды".
Турэмныя ўлады засакрэцілі інфармацыю пра стан здароўя Мікалая Статкевіча
Жонцы палітвязня да гэтага часу не ўдалося атрымаць інфармацыю аб стане здароўя палітвязня Мікалая Статкевіча, які ў калоніі пасля трох перанесеных кавідаў захварэў на пнеўманію. Яго маглі пакінуць без неабходных лекаў, паведаміла Марына Адамовіч.
Мікалай Статкевіч этапаваны ў Глыбокае
Вядомы беларускі палітык Мікалай Статкевіч быў асуджаны да 14-ці гадоў зняволення ў калоніі асаблівага рэжыму паводле ч. 1 арт. 293 Крымінальнага кодэксу (Арганізацыя масавых беспарадкаў). Да 23 чэрвеня Статкевіча трымалі ў Гомельскім СІЗА. Стала вядома, што яго этапавалі ў Глыбоцкую ПК №13.
5 сутак арышту за фота ў нямецкай форме – тэатральным касцюме. Прысуд набыў законную моц
Суд Глыбоцкага раёну асудзіў 48-гадовага Андрэя Кулікоўскага на 5 сутак адміністрацыйнага арышту за публічную дэманстрацыю фашысцкай сімволікі і атрыбутыкі (ч.1 арт. 19.10 КаАП). Мужчына – аматар гістарычнай рэканструкцыі, а нямецкая форма – тэатральны касцюм, у якім збіраўся здымацца ў кіно. Віцебскі абласны суд 17 лістапада адхіліў ягоную скаргу, а значыцца прысуд набыў законную моц. На разглядзе скаргі мужчына не прысутнічаў.