Для барацьбы з растучай нарказалежнасцю ў моладзевым асяроддзі ў Віцебску адкрыта «Антынаркатычная пляцоўка»
Згодна са статыстыкай, у 2022 годзе ў сферы незаконнага абароту наркотыкаў праваахоўнікі Віцебскай вобласці выявілі 408 злачынстваў, 180 з іх былі ўчынены з мэтай збыту. У тым жа годзе судамі за злачынствы, звязаныя з наркотыкамі, былі асуджаныя 236 жыхароў вобласці. Аналіз правапрымяняльнай практыкі паказаў, што праблему з распаўсюджваннем і ўжываннем наркотыкаў немагчыма вырашыць узмацненнем жорсткасці пакарання за падобныя злачынствы. Для гэтага патрэбная доўгатэрміновая стратэгія.
За пікет і “экстрэмізм” суд пакараў арыштам віцебскага інжынера
Суддзя суда Першамайскага раёна Віцебску Міхаіл Юрчанка 17 траўня пастанавіў арыштаваць на 15 сутак інжынера Аляксея Касабуцкага за правядзенне віртуальнага пікету ў сацыяльных сетках і за распаўсюд «экстрэмісцкіх» матэрыялаў. У якасці абаронцы ў судзе прысутнічаў адвакат Дзяніс Ястраб, які не змог абараніць канстытуцыйныя правы свайго кліента на свабоду мірных сходаў і распаўсюд інфармацыі.
У Віцебск з Расеі прывезлі фотавыставу пра разбураны Марыупаль
Выстава ўдзельнікаў Марыупальскага фотаклуба адкрылася ў культурна-гістарычным комплексе «Золотое кольцо города Витебска «Двина». У складзе экспазіцыі «Мариуполь: жить, несмотря ни на что» прадстаўлены 45 фотаздымкаў 19-ці аўтараў. У сацыяльных сетках фотаклуба паведамляецца, што правядзенне фотавыставы ў Віцебску стала магчымым, дзякуючы спрыянню жыхара Масквы, фатографа Андрэя Бялова і ягонай жонкі Наталлі. Да слова, фотавыстава ягоных прац «Фотопрогулки по Москве и Подмосковью» таксама два гады таму экспанавалася ў віцебскім культурна-гістарычным комплексе. Мабыць, тады і завязалася супрацоўніцтва масквіча з віцебскай культурніцкай установай, дзе цяпер паказваюць здымкі ўдзельнікаў Марыупальскага фотаклуба
За няпоўныя два гады ў Віцебскай вобласці ўлады ліквідавалі больш за 30% грамадскіх аб'яднанняў
З верасня 2021 года з ініцыятывы дзяржаўных органаў паўночнага рэгіёну Беларусі судамі прымусова былі закрыты 78 грамадскіх аб'яднанняў і іншых арганізацыйных структур грамадзянскай супольнасці.
Рамонт сельскіх дарог, брудныя аўтобусы, пытанні лячэння родных
Пра такія надзённыя праблемы распавядалі жыхары Докшыцкага раёна на асабістым прыемё ў Андрэйчанкі. Як мы ўжо адзначалі, у Докшыцкім і Глыбоцкім раёнах напярэдадні выбараў у так званую Палату прадстаўнікоў пачалі піярыць цяперашняга яго кіраўніка. Бо ён ужо каторы раз запар “абіраецца” менавіта па Докшыцкай выбарчай акрузе, куды ўваходзіць і Глыбоцкі раён.
За распаўсюджванне "экстрэмізму" ўлады Дуброўна пакаралі штрафамі прадпрымальніцу і інжынера
Суддзя суда Дубровенскага раёна Ігар Татаеў 16 мая і 19 мая за распаўсюджванне экстрэмізму ў сацыяльных сетках пастанавіў аштрафаваць на 1110 рублёў індывідуальнуюа прадпрымальніцу з Мінска Ірыну Новік і інжынера-канструктара жыхара Дуброўна Пятра Патлатага.
У Глыбокім разважалі над значэннем слоў "мір і стварэнне"
У Глыбокім мясцовыя ўлады да Міжнароднага дня дзяцей правялі так званую дыялогавую пляцоўку "Моладзь за мір і стварэнне". Яна адбылася на базе Глыбоцкага дзяржаўнага каледжа ў рамках абласнога фестывалю "Моладзь за мір і стварэнне".
Полацкаму святару Аляксандру Шаўцову падоўжылі арышт на 30 сутак
Грэка-каталіцкаму святару Аляксандру Шаўцову давядзецца адбыць за кратамі 45 сутак агулам: да першага арышту на 15 сутак суд Полацку і Полацкага раёну дадаў яшчэ 30, абвінаваціўшы мужчыну паводле артыкулаў 19.11 КаАП (распаўсюд «экстрэмісцкіх матэрыялаў» і 24.23 КаАП (несанкцыянаванае пікетаванне). Першы раз – пасля затрымання і ператрусу 25 траўня -- настаяцеля парафіі Святога пакутніка Язафата таксама прызналі вінаватым паводле артыкула 19.11 КаАП за «лайкі» і рэпосты матэрыялаў незалежных СМІ у сацыяльнай сетцы «Вконтакте».
Улады абмежавалі правы таварыстваў і ўзмацнілі кантроль за іх арганізацыйнай і фінансавай дзейнасцю
Гэтую выснову можна зрабіць, прачытаўшы Указ № 155 "Аб садоўніцкіх таварыствах", які 1 чэрвеня ўступіў у законную сілу. На думку ўлад, дакумент накіраваны на ўдасканаленне адносін у сферы дзейнасці садоўніцкіх таварыстваў, стварэнне ўмоў для развіцця іх інфраструктуры, рэгуляванне асобных праблемных пытанняў землекарыстання. Насамрэч Указам дзяржава значнай меры пазбавіла таварыства ўнутранай дэмакратыі.
Што вядома пра ўмовы ўтрымання ў карцары, штрафным ізалятары і ў памяшканні камернага тыпу
Зараз у чатырох папраўчых калоніях, размешчаных у межах Віцебскай вобласці, адбываюць крымінальнае пакаранне ў выглядзе пазбаўлення волі 265 палітычных зняволеных. У Віцебскім абласным следчым ізалятары №2 знаходзяцца пад следствам ці ўжо асуджаныя крыху больш за 20 палітвязняў. Знаходзячыся ў зняволенні ў дачыненні да ўсіх "палітычных" раз по раз могуць прымяняцца дысцыплінарныя пакаранні ў выглядзе памяшкання на розныя тэрміны ў карцэр, штрафны ізалятар (ШІЗА) або ў памяшканне камернага тыпу (ПКТ).