Дзяржава ўмешваецца ў дзейнасьць арганізацыі рабочых
Дзяржаўны орган выканаўчай улады прыпыніў з 1 сакавіка апэрацыі па банкаўскім рахунку Свабоднага прафсаюзу работнікаў ААТ «Полацак-Шкловалакно». Прафсаюз падаў скаргу ў пракуратуру, бо лічыць гэта парушэньнем беларускага заканадаўства. «Супрацьдзеяньне дзяржаўных органаў ня можа прыпыніць дзейнасьць свабоднага прафсаюзу», - заяўляюць прафсаюзныя лідэры.
Пётар Іваноў: Перамога Пуціна асаблівых сумненьняў не выклікае
Старшыня незарэгістраванага міжнароднага аб’яднаньня “За сумленную ўладу” Пётар Іваноў прызнаўся, што галасаваў за Пуціна – “чалавека, які ў свой час станоўча адказаў на прапанову супрацоўнічаць у справе ўладкаваньня ў сьвеце сумленнай улады”. Мы паразмаўлялі з актывістам літаральна на парозе віцебскага выбарчага ўчастку па выбарах прэзыдэнта РФ.
У Віцебску зноў засудзілі журналістаў за відэасюжэт на «Белсаце»
16 сакавіка судзьдзя суду Віцебскага раёну Міхаіл Зубеня разгледзеў справу аб адміністрацыйным правапарушэньні ў дачыненьні да віцебскіх журналістаў Вячаслава Лазарава і Алены Шабуні, абвінавачаных паводле часткі 2 артыкулу 22.9 КаАП РБ (незаконны выраб і (або) распаўсюд прадукцыі сродкаў масавай інфармацыі).
Вінцук Вячорка сустрэўся з жыхарамі Полацку
У полацкай кавярні «Разлог» 13 сакавіка прайшла сустрэча палачан зь беларускім палітыкам і мовазнаўцам, лідэрам партыі БНФ з 1999 па 2007 гады Вінцуком Вячоркам. Сустрэча адбылася ў межах падрыхтоўкі да сьвяткаваньня стагодзьдзя абвяшчэньня незалежнасьці Беларускай Народнай Рэспублікі 25 сакавіка 1918 году. Арганізавала сустрэчу грамадзянская ініцыятыва палачан, аматараў беларускай мовы «Жывая мова».
“Тут і здароваму чалавеку цяжка”. Ці магчыма ў Віцебску знайсьці працу чалавеку з псыхічнымі парушэньнямі
Ці можа чалавек з псыхічнымі парушэньнямі знайсьці працу ў Віцебску, каб жыць самастойна і адчуваць сябе паўнавартасным грамадзянінам? На гэтае пытаньне спрабавалі адказаць удзельнікі круглага стала, які адбыўся 14 сакавіка ў Тэрытарыяльным цэнтры сацыяльнага абслугоўваньня насельніцтва Першамайскага раёну Віцебску.
У сацыяльных сетках – чарговы выкід «кампрамату» на праваабаронцу зь Віцебшчыны
Аб’ектам «творчасьці» невядомых асобаў стаўся аршанскі сябра БХК Васіль Берасьнеў. У сеціве зьявіўся відэаролік зь нібыта «кампраматам» на актывіста, які распаўсюджваюць з фэйкавых акаўнтаў.
Пікет ля амбасады Беларусі ў Лёндане: Bring Human Rights to Vićba IK 3
12 сакавіка каля беларускай амбасады ў Лёндане прайшоў пікет у падтрымку грамадзяніна Вялікай Брытаніі Алана Сьміта, які адбывае тэрмін у папраўчай калёніі №3 пад Віцебскам па абвінавачаньні ў арганізацыі нелегальнай міграцыі.
Ганна Канапацкая дала ў Віцебску старт кампаніі за зьмены ў артыкул 328 КК РБ
У Віцебску стартавала кампанія па зборы подпісаў за рэфармаваньне судовай сыстэмы і зьмены у артыкуле 328 КК РБ (незаконны абарот наркатычных рэчываў). Пачатак кампаніі быў абвешчаны падчас круглага стала, які адбыўся ў Віцебску з удзелам дэпутаткі ПП РБ Ганны Канапацкай і сваякоў асуджаных паводле “антынаркатычнага” артыкулу.
Віцебскія ўлады – супраць сьвяткаваньня Дня Канстытуцыі
Намесьнік старшыні адміністрацыі Чыгуначнага раёну Віцебску Аляксандар Ільмовіч забараніў мітынг, які мусіў адбыцца 15 лютага. Заяўку на мерапрыемства з мэтай адсьвяткаваць Дзень Канстытуцыі падаваў у раённую адміністрацыю праваабаронца Леанід Сьвецік.
Яну Дзяржаўцаву не ўдалося адстаяць сваю правату ў судзе касацыйнай інстанцыі
7 сакавіка судзьдзя Віцебскага абласнога суду Андрэй Прэйс разгледзеў скаргу кіраўніка грамадзкай ініцыятывы “Хайсы” Яна Дзяржаўцава на рашэньне суду Віцебскага раёну. Месяц таму судзьдзя Натальля Трацьцякова абвінаваціла грамадзкага актывіста ў самавольным пахаваньні чалавечых парэшткаў у месцы, не прадугледжаным для такіх мэтаў заканадаўствам (артыкул 23.43 Кодэксу аб адміністрацыйных правапарушэньнях), і аштрафавала яго на пяць базавых велічыняў.