Рэдактарка Чашніцкай «раёнкі»:«По Прибалтике шагают легионеры СС»
Галіна Жукава, рэдактарка раённай газеты «Чырвоны прамень» вырашыла выказацца наконт адзначэння Дня Перамогі. А заадно паўшчуваць Украіну за тое, што 9-га траўня там адзначаюць не на савецкі капыл, а «на европейский манер отмечают День победы над нацизмом во Второй мировой войне и День памяти и примирения». Спадарыня Жукава лічыць гэта здрадай памяці загінулых. А што да прыбалтыйскіх краін, то там, маўляў, і ўвогуле ставяць помнікі нацыстам, а па вуліцх маршыруюць «легионеры СС и их поклонники».
У Віцебскай вобласці стартаваў вясновы вайсковы прызыў. Аднак праблема з “ухілістамі” стала вастрэй
Усяго падчас вясновага прызыву рады Узброеных Сіл і іншых воінскіх фарміраванняў папоўняць каля 1,5 тыс. прадстаўнікоў Віцебшчыны. Плануецца, што з абласнога цэнтра і Віцебскага раёна надзенуць ваенную форму каля 500 прызыўнікоў. Аднак з кожным прызывам расце колькасць маладых людзей, хто не жадае служыць у беларускім войску.
"Неспакойна" на ўчастку мяжы Віцебскай вобласці з Латвіяй
У аўторак, 9 траўня, каля латвійскай мяжы на беларускім баку адбылося ўзгаранне на тэрыторыі ў некалькі гектараў, меркавана выкліканае дзеяннямі нелегальных мігрантаў. Указаная тэрыторыя фактычна не заселена, таму пагранахова мяркуе, што прычынай пажару маглі стаць "нелегалы", якія штодня масава спрабуюць трапіць у Латвію, але іх адпраўляюць назад у Віцебскую вобласць.
У чыноўнікаў Чашніцкага выканкама няма кампетэнцый, каб распачаць рамонт маста
Жыхары вёскі Латыгавічы Чашніцкага раёна звярнуліся ў мясцовы райвыканкам з прапановай арганізаваць тэрміновы рамонт маста, які, на іх думку, знаходзіцца ў аварыйным стане. Для таго, каб быць данесці да ўладаў інфармацыю аб небяспечнай сітуацыі, жыхары вёскі стварылі петыцыю на платформе «Зручны горад». Аднак мясцовае кіраўніцтва ўхілілась ад рашэння праблемы.
Цяпер на «прафілактычныя гутаркі» выклікаюць і ў райвыканкамы Віцебску
Як паказвае практыка, «нядобранадзейных» у палітычным сэнсе перыядычна выклікаюць у пракуратуру, следчы камітэт або РАУС. Падчас так званых «прафілактычных гутарак» людзям нагадваюць пра іх «правіны» - як правіла, гэта адміністрацыйныя правапарушэнні, за якія віцяблян судзілі паводле артыкулаў 24.23 КаАП або 19. 11 КаАП. Потым даюць падпісаць афіцыйнае папярэджанне, што іх пазнаёмілі з наступствамі парушэнняў парадку і правядзення масавых акцый або распаўсюду «экстрэмісцкіх матэрыялаў». З нядаўняга часу «на прафілактыку» пачалі выклікаць і ў райвыканкамы – там стварылі адмысловыя групы з ідэалагічных работнікаў «у межах барацьбы з тэрарызмам і экстрэмізмам».
Правабаронцы патрабуюць расследавання абставінаў смерці палітвязня Клімовіча
Праваабарончыя ініцыятывы выступілі з сумеснай заявай у сувязі з чарговай смерцю палітычнага зняволенага, якая днямі адбылася ў калоніі “Віцьба” Віцебскага раёна. Яны звярнулісь да уладаў з патрабаваннем правядзення расследавання па факце смерці Мікалая Клімовіча і адсутнасці належнай медычнай дапамогі ў калоніях.
Эльвіра Мірсалімава прыйшла на парад 9 траўня з вялікай “Z” на вопратцы
Ідэйная прыхільніца «русского мира» не толькі раздавала так званыя «георгіеўскія» стужкі ў калоне «Бессмертного полка». На ейнай куртцы была вялікая “Z” у тых самых колерах, а ніжэй надпіс #СвоихНеБросаем - адзін з лозунгаў, пад якім быў здзейснены напад на Украіну расейскімі войскамі. Прэзідэнт РФ Уладзімір Пуцін тлумачыў змест гэтых словаў як «готовность бороться за своих людей», і казаў, што гэта «ведет к сплоченности общества». З кім выйшла змагацца Эльвіра Мірсалімава, у Віцебску добра ведаюць: спадарыня з адкрытай нянавісцю ставіцца да беларускай мовы і культуры. Асабіста сябе яна называе «русской», і ў Дзень Перамогі яна вырашыла гэта яшчэ раз прадэманстраваць, прыкалоўшы побач з “Z”стужку ў колерах расейскага сцяга.
25 тысяч рублёў выдзелілі ўлады на знос пустых дамоў у Браслаўскім раёне сёлета
У 2022 годзе за адну базавую велічыню ў Браслаўскім раёне былі прададзеныя толькі два пустыя дамы. Знесена ж у дзесяць разоў больш. Пра гэта расказала галоўны спецыяліст аддзела архітэктуры і будаўніцтва, жыллёва-камунальнай гаспадаркі райвыканкама Вераніка Яблонская. І гэта прытым, што Браслаўскі раён лічыцца прывабным для турызму і адпачынку.
Беларускія ўлады прылічылі да спісу "экстрэмістаў" сябра партыі "Адзіная Расія"
На падставе прыгавору суда Круглянскага раёна Магілёўскай вобласці, які ўступіў у законную сілу, 14 красавіка ў спіс датычных да экстрэмісцкай дзейнасці быў уключаны грамадзянін Расійскай федэрацыі, які мае від на жыхарства ў Віцебску прарасійскі палітычны актывіст Пётр Іваноў. Амбасада Расіі, куды ён чатыры разы звяртаўся па консульскую и прававую дапамогу, кінула расіяніна на водкуп беларускім уладам. Работнік пасольства толькі адзін раз наведаў 64-гадовага Іванова, 15 чэрвеня 2022 года, калі той знаходзіўся ў СІЗА. Цяпер Іваноў, у мінулым марскі афіцэр, сябр партыі "Адзіная Расія" адбывае пакаранне ў Магілёве. У 2014 годзе ў Віцебску сумесна з адстаўнымі вайскоўцамі заснаваў і спрабаваў зарэгістраваць міжнародную грамадскую арганізацыю "За сумленную ўладу".
У былым будынку КДБ будуць прымаць афіцыйныя дэлегацыі. Музея ў помніку архітэктуры не будзе
Амаль 70 гадоў віцебскае абласное ўпраўленне КДБ займала гістарычны будынак - былы губернатарскі палац на былой вуліцы Дварцовай, а цяпер – Савецкай. Пасля таго, як адмыслова для гэтай структуры быў ўзведзены новы гмах у цэнтры Віцебску на вуліцы Калініна, грамадскасць пачала ўздымаць пытанне пра далейшы лёс помніка архітэктуры 18 стагоддзя. Гарадскія ўлады таксама ініцыявалі апытанне, якое новае прымяненне гараджане бачаць для колішніх апартаментаў віцебскага губернатара. Нават паабяцалі, што самае папулярнае меркаванне будзе ўвасоблена ў жыццё. Але вельмі мала падобна да праўды, што бальшыня ўдзельнікаў апытання выказалася за стварэнне «шматфункцыянальнага компексу з заламі для прыёму высокіх гасцей і ўрачыстых абрадаў».