На гэтым тыдні на Віцебшчыне прайшлі 10 судоў па «экстрэмісцкіх» адміністрацыйных справах
Звесткі пра іх вядомыя з адкрытых крыніц. Але не выключана, што наш пералік – далёка не поўны. Бо іншым разам прозвішчы затрыманых «за распаўсюд экстрэмізму» на трапляюць у судовыя расклады, і іх судзяць на працягу 72 гадзін проста ў ізалятары часовага ўтрымання. Ведаюць пра гэта толькі найбліжэйшыя сваякі. І мы раім ім скарыстацца бяспечнай магчымасцю, каб падзяліцца такой інфармацыяй з праваабаронцамі.
Telegram-канал «Книга guBAZA» распавёў пра «хапун» у Глыбокім
Затрыманні адбыліся напрыканцы мінулага тыдня і працягваліся некалькі дзён. Па звестках землякоў, затрымана 12 чалавек, у тым ліку краязнаўца і даўні грамадскі актывіст Павел Лаўрыновіч. Частку затрыманых адразу адвезлі ў Віцебскі следчы ізалятар. Ім інкрымінуюць арт. 342 КК (арганізацыя, падрыхтоўка або ўдзел у дзеяннях, якія груба парушаюць грамадскі парадак).
Віцебскую праваабаронцу Ірыну Траццякову «павіншавалі» на Telegram-канале віцебскіх сілавікоў.
18 верасня ў Ірыны дзень нараджэння. І якраз у гэты дзень на Telegram-канале «Северная століцы» з'явіўся абраззлівы допіс пра праваабаронцу. Выглядае, што праца Ірыны Траццяковай не засталася незаўважанай, раз аўтары Telegram-канала вырашылі скарыстацца самымі бруднымі метадамі. У допісе жанчыну ўпікнулі тым, што яна ратуе жыццё сваёй мамы, збіраючы для яе грошы на аперацыю на сэрцы.
17 верасня на Віцебшчыне прайшлі два суды па «народных» адміністрацыйных артыкулах
Гэта вынікае з інфармацыі судовых раскладаў. Насамрэч падобных адміністрацыйных спраў магло быць і болей, бо не ўсе суды Віцебскай вобласці падаюць звесткі пра сваю працу для размяшчэння на сайце Вярхоўнага суда. Таксама часта здараюцца выпадкі, калі суды па «народных» адміністрацыйных артыкулах у раскладах не згадваюцца ўвогуле, а працэсы праводзяцца «явачным парадкам» - цягам 72 гадзін пасля затрымання «правапарушальніка». Але прынамсі пра гэтыя два выпадкі вядома дакладна.
Рэдактар глыбоцкай «раёнкі» зноў палівае брудам журналістаў, якія працуюць за мяжой
Гэтым разам Андрэй Панкрат вырашыў схітраваць: абражаць апанентаў, не называючы іхных імёнаў і прозвішчаў. У артыкуле «Замежную дзейнасць глыбачаніна прызналі экстрэмісцкай» вядзецца пра «М.» і «Л.». Але па гэтых літарах ды геаграфічных арыенцірах лёгка пазнаць вядоўцаў праграмы «Обычное утро» Канстанціна Місуна (Каверына), які паходзіць з Глыбокага, і Людмілу Лабунскую (Міласлаўскую), якая нарадзілася ў вёсцы Крулеўшчына суседняга, Докшыцкага раёна.
«Спиной к спине». Віцебская арганізацыя РГА «Белая Русь» ініцыявала гуманітарны збор для Курскай вобласці з такой назвай
Першыя зборы гуманітарнай дапамогі для жыхароў Куршчыны, «пацярпелых ад добра падрыхтаваных атрадаў ВСУ» прайшлі ў Віцебскай вобласці яшчэ ў жніўні. Іх праводзілі ў Полацку і Наваполацку – гэта гарады-пабрацімы Курска. Арганізатарам быў Фонд Аляксея Талая. Цяпер ініцыятыву перахапіла Віцебская арганізацыя РГА «Белая Русь». Абвешчаную акцыю назвалі «Спиной к спине». Гэта цытата са словаў Лукашэнкі «придёт время, когда будем стоять спиной к спине и отстреливаться вдвоём», сказаных на знак падтрымкі расійскай агрэсіі ва Ўкраіне і супольнага супрацьстаяння «недружалюбнаму Захаду».
Як знос старой прыбіральні ў Віцебску прымеркавалі да Дня народнага адзінства
Цаглянае збудаванне з дзюркамі ў падлозе, якое ў Парку культуры і адпачынку чагуначнікаў з'явілася яшчэ ў 60-я гады мінулага стагоддзя, нарэшце знеслі. Жыхары Віцебска патрабавалі гэтага ўжо даўно, але гарвыканкам ніяк не знаходзіў грошай, каб замяніць гэты «дапатопны» аб'ект больш сучасным. Аж пакуль сёлета не наспела неабходнасць зладзіць у парку «народныя гулянні» напярэдадні дзяржаўнага свята. І тады вырашылі, што прыбіральню знясуць у межах Патрыятычнага марафона «Мы вместе – мы едины!»
Дваіх віцяблян справакавалі на «экстрэмісцкія» выказванні ў чат-рулетцы
Паводле Telegram-канала "Северная столица" абодва мужчыны затрыманыя. На пакаяльных відэа яны распавядаюць, што «выкрыківалі экстрэмісцкія лозунгі ў сацыяльнай сетцы «Чат-рулетка». З відэароліка, вырабленага аўтарамі Telegram-канала, відавочна што нябачны суразмоўца мужчын гукае «Жыве Беларусь!», «Слава Ўкраіне!» і чакае ад іх адпаведных адказаў. А потым распытвае, якім чынам яны гатовыя змагацца за вольную Беларусь.
Віцябляніна Паўла Іванова будуць судзіць за абразу Лукашэнкі і прадстаўніка ўлады
Суд над ім адбудзецца ў панядзелак, 16 верасня. Разбіраць справу жыхара Віцебска прызначаны суддзя Першамайскага раёна Дзяніс Аляксеенка. Пра затрыманне Паўла Іванова стала вядома сёлета ў чэрвені: Telegram-канал, блізкі да віцебскіх сілавікоў, апублікаваў кадры затрымання мужчыны ўзброенымі людзьмі ў бронекамізэльках. А таксама відэазапіс, дзе Павел Іваноў прызнаецца, што «на эмоцыях пісаў каментары» і прымаў удзел « у масавых беспарадках».
На Віцебшчыне працягваецца практыка прымусовага працаўладкавання
Гэтымі днямі ў вобласці праходзяць пасяджэнні адмысловых камісій, створаных дзеля працаўладкавання асобаў, што стяць на ўліку ў крымінальна-выканаўчай інспекцыі. У камісіях вымушаны канстатаваць, што людзі адмаўляюцца ад прапановаў працаўладкавання па мала аплочваемыемых спецыяльнасцях і ўладкоўваюцца на працу самі або лічаць за лепшае заставацца беспрацоўнымі.