Віцебскія гарадскія актывісты з петыцыяй звярнуліся да кіраўніцтва горада і ў пракуратуру з просьбай да выканаць замену перыльнай агароджы моста ім. Блахіна ў г. Віцебску. На думку жыхароў агароджу падвергнулася карозіі, таму яго эксплуатацыя стала траўманебяспечнай і патэнцыйна здольнай прывесці да тэхнагеннай катастрофы.

Па рашэнні старшыні суда Сенненскага раёна суддзі Іны Досавай, лабарант аднаго прадпрыемстваў Сянно за здзек над дзяржаўным сцягам Рэспублікі Беларусь (арт.370 КК Рэспублікі Беларусь) быў пакараны абмежаваннем волі тэрмінам на 1 год 6 месяцаў без накіравання ў папраўчую ўстанову адкрытага тыпу. Прысуд быў агучаны 25 студзеня і ўступіў у сілу.

У адпаведным спісе МУС з’явілася згадка пра тое, што 9 сакавіка суд Маладзечанскага раёну прызнаў экстрэмісцкай інфармацыйнай прадукцыяй відэаролік да песні «Чэрці», размешчаны на YouTube.com. Год таму, 24 лютага, суд Маладзечанскага раёну прызнаў экстрэмісцкім артыкул пра гэтую песню, надрукаваны ў мясцовай недзяржаўнай «Рэгіянальнай газеце». Аўтарам словаў і музыкі з’яўляецца Ігар Палынскі – жыхар Полацку, які цяпер вымушана знаходзіцца ў эміграцыі.

Пра гэта распавяла жанчына, якая сядзела разам з Вольгай. Яна кажа, што была ўражаная стойкасцю Вольгі Ялцэвіч. Паводле слоў былой палітзняволенай, у берасцейскім СІЗА Воля некалькі разоў трымала галадоўку на знак пратэсту супраць цяжкіх умоў. З-за гэтага яе садзілі ў карцар. А потым увогуле пасадзілі ў падвальнае памяшканне. Яно выглядала як камера, але фактычна — падвал. Воля правяла ў ім каля 50 сутак. Умовы там жудасныя: толькі халодная вада, вельмі вільготна. Там нават печыва або вафлі немагчыма было есці, бо ўсе прадукты адразу ж рабіліся вільготнымі. Праз гэта ў Волі вельмі пагоршылася здароўе. Але яна трымаецца.

Праваабаронцам стала вядома, што на актывіста незалежнага СПБ склалі два адміністрацыйныя пратаколы. Адзін з іх, найверагодней, па 24.23 КаАП – за фотаздымкі, размешчаныя ў сацыяльных сетках. Другі, магчыма, за падпіску на BySol– паводле ч.2 артыкула 19.11 КаАП. Паводле гэтага ж артыкула за падпіску на ByPol і ByHelp тыдзень таму быў затрыманы і асуджаны  жыхар Полацку, сябар і калега Віктара Стукава, старшыня Свабоднага прафсаюзу Беларускага Мікалай Шарах. Цяпер ён адбывае 15-суткавы арышт.

Затрыманне Вячаслава адбылося месяц таму, 9 лютага, на наступны дзень пасля прыезду з Польшчы. Спачатку Лазарава павезлі ў Следчы камітэт, і амаль суткі следчыя на казалі родным дзе журналіст знаходзіцца, што з ім адбываецца. У Вячаслава на волі засталася маці- пенсіянерка і маленькая дачка. Цяпер яго ўтрымліваюць у Віцебскім абласным следчым ізалятары.

Паводле статыстычных дадзеных за 2022 год адбыўся рост захворвання па пранцы на 42.5% (116 выпадкаў), трыхаманіяз на 7,3% (928 выпадкаў). Праўда намецілася і зваротная тэндэнцыя, звязаная са зніжэннем выпадкаў па хламідійной інфекцыі на 7.4%. Менш сталі хварэць ганарэяй на 2.3% (143 выпадкі) і аногенітальной герпетычнай інфекцыяй на 38.4%. Усе гэтыя захворванні з'яўляюцца індыкатарамі наяўнасці сацыяльна-эканамічнага крызісу ў грамадстве і дзяржаве.

Вярхоўны суд 06 сакавіка 2023 прыняў рашэнне ліквідаваць Беларускую грамадскую арганізацыю "Асацыяцыя алерголагаў і клінічных імунолагаў". Ініцыятарам ліквідацыі медычнай арганізацыі выступіла ўпраўленне па пытаннях некамерцыйных арганізацый Міністэрства юстыцыі Рэспублікі Беларусь. Офіс арганізацыі знаходзіўся ў Віцебску і асноўнымі заснавальнікамі і сябрамі з'яўляліся, ў асноўным, работнікі Віцебскага дзяржаўнага медыцынскага ўніверсітэта.

Паводле супрацоўніка інспекцыі па справах непаўналетніх Бешанковіцкага РАУС Аляксандра Мамойкі, у рэгіёнах супрацоўнікам міліцыі загадана праглядаць сацыяльныя сеткі не толькі на прадмет «экстрэмізму», але і шукаць прыхільнікаў моладзевых субкультур. Асабліва пільна сочаць міліцыянты за развіццём падзеяў вакол «ЧВК Родан» – супольнасці аматараў анімэ Hunter x Hunter, а таксама за групоўкамі футбольных фанатаў. І хаця ў правінцыйных Бешанковічах пра супрацьстаянне гэтых субкультур вядома толькі са СМІ, мясцовыя «эксперты», як іх назвала мясцовая «раёнка», спрабуюць папярэдзіць скандальныя інцыдэнты.

Як паведамляе Наталля Гагалінская, намеснік дырэктара па вучэбна-выхаваўчай рабоце, у Мёрах прайшла ваенна-патрыятычная гульня «Школа будучага салдата». Каманды 10 і 11 класаў і зборная «Юны пажарны» спаборнічалі ў гэтым мерапрыемстве, якое адбылося ў СШ №3 горада.