Затрыманую ранкам віцебскую журналістку паспелі апытаць у міліцыі і нават адвезці ў ІЧУ. Аднак адтуль яе вызвалілі праз складанасці са здароўем і неабходнасць прымаць лекі, якіх у ІЧУ няма. Адпусцілі жанчыну пад падпіску пра тое, што яна добраахвотна з’явіцца ў суд Першамайскага раёну, дзе яе будуць судзіць па артыкуле 24.23 КоАП за несанкцыянаванае пікетаванне.

Каляндар з малюнкамі, зробленымі за кратамі, выдадзены дзякуючы высілкам жонкі палітзняволенага, Вольгі Севярынец. Ён называецца «Беларусь – гэта святое». У календары змешчаныя цытаты на кожны месяц, малюнкі вядомых беларускіх храмаў Гародні, Нясвіжа, Мінска, Сынкавічаў, Мураванкі, Паставаў, Магілёва, Сарʼі, Слабодкі, Сталовічаў, Берасця і каляндарная сетка па месяцах. На кожны месяц прадугледжаны новы малюнак і новая цытата.

На 1 лістапада больш за 7,4 тыс. вакансій прапануюць жыхарам Віцебскай вобласці наймальнікі рэгіёну. Аднак 97% вакансій можна аднесці да катэгорыі «няякасных», бо аплата працы ў гэтых прапановах значна ніжэйшая за сярэднюю налічаную зарплату работнікаў рэгіёну, якая склала ў верасні 1402,4 рубля. 

15 лістапада яе праз тэлефон выклікалі на гутарку ў райаддзел Першамайскага раёну. На пытанне, ці браць з сабой нейкія рэчы, міліцыянт  параіў:  “Вазьміце на ўсялякі выпадак”. З гэтага Жанна Жалевіч яшчэ напярэдадні зрабіла выснову, што пасля візіту на волі яна можа апынуцца на адразу. З карткай тэлефоннай размовы жанчыне стала зразумелым, што ў яе сацыяльных сетках знайшлі  допісы “са сцягам” і “з надпісамі” – так патлумачыў супрацоўнік міліцыі.