За пікет праведзены ў сацсетак улады арыштавалі ксяндза
Суддзя суда Першамайскага раёна Віцебска Наталля Карабліна 10 траўня за правядзенне не санкцыянаванага ўладамі пікетавання ў інтэрнэце арыштавала на 15 сутак ксяндза касцёла Маці Божай Фацімскай Анджэя Юхневіча.
Улады Віцебскай вобласці правядуць мерапрыемствы па ўмацаванні працоўнай дысцыпліны
Чыноўнікі Камітэт па працы, занятасці і сацыяльнай абароне Віцебскага аблвыканкама паведамілі аб тым, што з 10 чэрвеня будзе праведзены месячнік гарантавання бяспекі ўмоў і аховы працы. Неабходна адзначыць, што з пачатку 2024 года было арганізавана як мінімум два падобныя кампаніі. У выніку рэйдаў маніторынгавых груп было выяўлена больш за 4 тыс. грубых парушэнняў заканадаўства.
За «экстрэмізм» у сацсетцы ўлады аштрафавалі работніцу культуры
Суддзя суда Аршанскага раёна і Оршы Алеся Дранькова 19 траўня за распаўсюд «экстрэмізму» ў сацыяльнай сетцы аштрафавала на 400 рублёў кіраўніцу цыркавой студыі «Фантазёры» Аршанскага раённага цэнтра культуры Святлану Раўкоўскую.
У Глыбокім прайшоў праваслаўны хрэсны пад назвай «Царква і армія»
Як піша сайт глыбоцкай раёнкі «Веснік Глыбоччыны», яго прысвяцілі 80-годдзю вызвалення Рэспублікі Беларусь ад нямецка-фашысцкіх захопнікаў. Праводзіўся ён па блаславенні мітрапаліта Мінскага і Заслаўскага, Патрыяршага Экзарха ўсяе Беларусі Веніяміна.
Хто падпішацца на «Витебские вести», можа разлічваць на зніжку ў пахавальнай канторы
Гэта зусім не жарт: падрабязнасці можна прачытаць у віцебскай абласной газеце. Там за паўгадавую падпіску абяцаюць падарыць бонусную карту, уладальніка якой чакаюць зніжкі на паслугі некаторых прыватных фірм і індывідуальных прадпрымальнікаў. Прыкладам, фірма «Идейка», якая вырабляе мэблю, абяцае ўладальніку карты ад «Витебских вестей» зніжку на 4%, а фірма рытуальных паслуг «Аура» - ажно на 20%.
За несанкцыянаваны пікет улады арыштавалі жыхара Шуміліна
Суддзя суда Шумілінскага раёна Іна Грабоўская 18 траўня за парушэнне парадку арганізацыі або правядзення пікетавання ў сацыяльнай сетцы арыштавала на 15 сутак кіроўцы мясцовага прадпрыемства Дзмітрыя Васільева.
Хату віцебскай актывісткі прадалі з аўкцыёну за пазыкі па штрафах і падатках
Аўкцыён па продажы хаты Алены Янушкоўскай у вёсцы Суйкава Віцебскага раёна адбыўся 30 траўня. Актывістка, якая была вымушана пакінуць Беларусь у 2021 годзе, рыхтуе зварот у пракуратуру з просьбай даць прававую ацэнку дзеянням тых, хто пазбавіў яе адзінага жытла. Сума запазычанасці актывісткі ў беларускі бюджэт складае 1436 рублёў 60 капеек. Яе жытло ацанілі ў 10 700 рублёў, а прадалі амаль у два разы даражэй. У гэтай хаце Алена Янушкоўская з сям'ёй пражыла больш за 15 гадоў.
За распаўсюд «экстрэмізму» ўлады аштрафавалі рэдактара незалежнага СМІ
Суддзя суд Першамайскага раёна Віцебска Вераніка Барысава 20 траўня за распаўсюд «экстрэмісцкіх» матэрыялаў аштрафавала на 800 рублёў рэдактара сайта «Віцебскі кур'ер News» Аляксандра Корнышава. Суд праходзіў у адсутнасць «правапарушальніка, з прычыны таго, што Аляксандр пакінуў Беларусь на прыканцы 2020 года.
Гараджане не толькі дамагліся адмены будаўніцтва ў сваім двары - ім паабяцалі абнавіць дзіцячыя пляцоўкі
Сёлета ў красавіку жыхары дамоў 12 і 12А па праспекце Будаўнікоў рашуча выступілі супраць будаўніцтва новага квартала ў сваім двары. Бо «ўшчыльненне» фактычна пазбавіла б іх дваравой тэрыторыі, у тым ліку дзіцячых пляцовак. Пра намер узвесці тры жылыя дамы ў іхным двары людзі даведаліся з аб'яваў ад імя ўпраўлення капітальнага будаўніцтва, развешаных на пад'ездах. Грамадскае абмеркаванне гэтага праекта гарадскія ўлады чамусьці вырашылі не праводзіць, хаця яно неабходнае ў такіх выпадках. Цяпер яны вырашылі пераканаць жыхароў, што так атрымалася нават лепей.
За пікет сацсетак улады арыштавалі каталіцкага святара
Суддзя суда Першамайскага раёна Віцебска Алена Жук 10 траўня за правядзенне не санкцыянаванага ўладамі пікетавання ў інтэрнэце арыштавала на 10 сутак памочніка пробашча касцёла Касцёл Маці Божай Фацімскай у Шуміліна Паўла Лемяха.