За апошні час Пастаўшчыне пашырыла супрацу з блізкім і далёкім замежжам. У прыватнасьці, умацаваліся пабрацімскія сувязі зь Віесіцкім краем (Латвія).

Эўрапейскі зьвяз фінансава падтрымае і будзе прасоўваць наперад малы і сярэдні бізнэс у Мёрскім раёне. Сума дапамогі – недзе 16 тысяч эўра.

Як вызначыць, ці прыдатны ходнік для руху раварыстаў? Якія нарматыўна-прававыя акты гэта рэглямэнтуюць? Па якіх ходніках у Віцебску можна рухацца на ровары, а па якіх – не? Ліст з такімі пытаньнямі накіраваў у абласную ДАІ жыхар Віцебску Ўладзімер Несянюк пасьля таго, як быў аштрафаваны супрацоўнікамі дарожнай інспэкцыі.

Экалягічныя актывісты зь ліку фанатаў футбольнага клюбу «Ворша» прыбралі левы бераг Дняпра.

Нацыянальны статыстычны камітэт апублікаваў дадзеныя пра сацыяльна-эканамічнае разьвіцьцё абласьцей за восемь месяцаў 2016 году, у тым ліку і ў сельскай гаспадарцы. У параўнаньні зь мінулым годам Віцебшчына аказалася ў мінусе па шмат якіх паказчыках.

Суд над Віталём Паўлавым, актывістам партыі БНФ, распачаўся 12 кастрычніка. Спадара Паўлава абвінавачваюць у дробным хуліганстве паводле падзеяў 11 верасьня, асноўнага дня галасаваньня ў часе мінулай выбарчай кампаніі, калі ён прысутнічаў на выбарчым участку ў якасьці назіральніка.

Выгляд будучага шпіталя ў Мёрах не зьмяняецца ўжо шмат гадоў: сёлета будоўля адзначае трыццацігодзьдзе.

8 кастрычніка ў Віцебску ў «Эўрапейскім доме» прайшлі адразу дзьве канфэрэнцыі руху «За свабоду». Спачатку рухаўцы ўсходняй часткі Віцебшчыны абралі сваіх дэлегатаў на рэспубліканскую канфэрэнцыю, а пасьля на абласной канфэрэнцыі прадстаўнікі з рэгіёнаў вызначыліся з новым каардынатарам ўсёй вобласьці.

У панядзелак, 10 кастрычніка, грамадзкія актывісты Віцебску цягам гадзіны зьбіралі подпісы ля помніка Караткевічу. Яны выступаюць супраць зьнішчэньня парку, пераносу помніка беларускаму пісьменьніку і зносу гістарычнага будынка музэю Міная Шмырова. Усё гэта адбудзецца, калі будзе рэалізаваны генэральны плян забудовы гораду пры будаўніцтве Паўночнага моста.

Ліквідацыйная вытворчасьць прадпрыемства пачалася ў жніўні 2015 году, за гэты час удалося выплаціць толькі 10% запазычанасьці па заробках.