На час «Славянскага базару» бяздомных і дэбашыраў ізалююць, а Віцебск нашпігуюць міліцыяй
Як будзе забясьпечаная ахова парадку падчас чарговага фэстывалю мастацтваў «Славянскі базар у Віцебску», які адкрываецца на наступным тыдні ў Віцебску, — распавёў начальнік Віцебскай міліцыі Ігар Яўсееў: «Забясьпечваць ахову парадку будуць каля 600 супрацоўнікаў міліцыі і ваеннаслужачых унутраных войскаў. Для ўзмацненьня сіл Віцебскага гарнізону міліцыі будуць запрошаныя калегі з Гарадзенскай, Гомельскай і Менскай абласьцей».
Сяргей Каваленка: Я не выключаю, што мяне затрымаюць перад “Славянскім базарам”
Актывістам апазыцыі пагражае прэвэнтыўнае затрыманьне перад «Славянскім базарам». Гэтак былы палітвязень Сяргей Каваленка пракамэнтаваў беспрэцэдэнтныя захады ўладаў па навядзеньні парадку ў Віцебску перад фэстам.
Міжнародная фэдэрацыя правоў чалавека выказвае занепакоенасьць з прычыны прысуду Гайдукову
Міжнародная фэдэрацыя правоў чалавека (FIDH) выказвае занепакоенасьць з нагоды прысуду, вынесенага ў дачыненьні да 23-гадовага моладзевага актывіста Андрэя Гайдукова, які 1 ліпеня 2013 г. быў прысуджаны да 1,5 гадоў пазбаўленьня волі за спробу “усталяваньня супрацоўніцтва са спэцслужбамі замежнай дзяржавы” (артыкул 14, частка 1 і артыкул 356-1 Крымінальнага кодэксу Беларусі).
На віцебскім ААТ “КІМ” ужо два месяцы ня плацяць заробкі
ААТ “КІМ” - адно з найбуйнейшых прадпрыемстваў трыкатажнай галіны Беларусі. Прынамсі, гэтак напісана на афіцыйным сайце. Але пра тое, што ў завода сёньня назапасіліся вялікія даўгі, у тым ліку і перад сваімі супрацоўнікамі, там стараюцца не казаць: “На віцебскім ААТ “КІМ”, некалі флягмане лёгкай прамысловасьці, ня выплачаная заработная плата яшчэ за красавік”, - паведаміў на гарачую лінію TUT.BY адзін з працаўнікоў прадпрыемства Ігар.
Суд адмовіў прафсаюзу РЭП у задавальненьні пазову супраць «Белдзяржстраху»
Беларускі прафсаюз работнікаў радыёэлектроннай прамысловасьці ў інтарэсах сябра прафсаюзу юрыста Валера Місьнікава і яго дачкі Тацьцяны Місьнікавай зьвярнуўся ў суд з грамадзянскім пазовам супраць «Белдзяржстраху». Аднак судзьдзя Чыгуначнага райсуду Віцебску Сьвятлана Варатынская вырашыла справу не на карысьць пазоўніка: згодна зь яе пастановай згаданае дзяржаўнае страхавое прадпрыемства можа не выконваць свае забавязаньні па доўгатэрміновым страхаваньні 1991 году.
“Вясна” і БХК прызналі Андрэя Гайдукова палітвязьнем
Асуджэньне Андрэя Гайдукова зьяўляецца неабгрунтаваным і палітычна матываваным. Пра гэта гаворыцца ў сумеснай заяве Беларускага Хэльсынскага камітэту і закрытага ўладамі праваабарончага цэнтру “Вясна”. Праваабаронцы зазначаюць, што асуджэньне Гайдукова “ў значнай ступені мела на мэце павышэньне ролі і значнасьці КДБ у дзяржаве непрымальнымі ў дэмакратычным грамадзтве мэтадамі, а пазбаўленьне волі было прымененае з парушэньнем права на справядлівы судовы разбор, іншых правоў і свабод, гарантаваных Міжнародным пактам аб грамадзянскіх і палітычных правох, працягласьць пазбаўленьня волі яўна непрапарцыянальная (неадэкватная) правапарушэньню, у якім асоба была прызнаная вінаватай”.
На сьвінакомплекс пад Віцебскам перакрытыя ўсе дарогі
Недалёка ад Віцебску на сьвінакомплексе побач зь вёскай Копці паводле слоў мясцовых жыхароў зьнішчаюць усё пагалоўе сьвіней у сувязі з успышкай афрыканскай чумы сьвіней. Крыніца ў Віцебскім райвыканкаме паведаміла, што падрыхтоўка да мерапрыемства па ліквідацыі сьвіней распачалася яшчэ перад выходнымі. Першапачаткова для гэтага меркавалася прыцягнуць супрацоўнікаў устаноў культуры раёну - жанчыны мусілі забіваць жывёл, а мужчыны грузіць, але пазьней ад гэтай ідэі адмовіліся. Магчыма нават, што замест работнікаў культуры зараз задзейнічаныя вайскоўцы.
Павел Севярынец: Кандыдат у прэзыдэнты павінен быць з па-за нашых структураў
Кандыдат у прэзыдэнты на выбарах у 2015 годзе павінен быць фізычна і маральна моцны і не ўваходзіць у ніводную дэмакратычную партыю ці грамадзкую арганізацыю, лічыць палізьняволены Павал Севярынец: “Каб нікому не было крыўдна, кандыдата ў прэзыдэнты бярэм такога, каб яго было ў лоб ня ўзяць. Гэта павінен быць моцны чалавек, які вытрымае лабавы ўдар - фізычнае зьбіцьцё і пагрозу сьмерці, бярэм яго з па-за нашых структураў”.
Футбалісты клюбу “Віцебск” пратэставалі супраць нізкіх заробкаў
У суботу, 29 чэрвеня, перад хатняй гульнёй з клюбам “Менск-2” віцебскія футбалісты затрымалі гульню на 15 хвілін. І зьбіраліся выйсьці на поле ў саколках з надпісам “Мы гуляем бясплатна”. Такое рашэньне гульцоў зьвязанае зь нізкімі заробкамі (1,5-3 мільёны) і несвоечасовай выплатай грошай.
Віцебскія прадпрымальнікі зноў страйкуюць
Страйк прадпрымальнікаў, што гандлююць таварамі, на якія неабходная сертыфікацыя, праходзіць у Віцебску. На Смаленскім рынку зачынена каля 80% ралетных шапікаў, прыкладна столькі ж - на Паўднёвым, больш за палову - на Полацкім. Патрабаваньне - адмяніць сэртыфікацыю тавараў, якая прынясе прадпрымальнікам велізарныя страты і прымусіць многіх сысьці з дробнага бізнэсу.