У Віцебску прайшоў «Кірмаш праектаў» (відэа)
Крэатыўныя аўтары, патэнцыйныя партнэры і прадстаўнікі адкрытага для супрацы чынавенства ў адной залі. Магчыма? Так, у Віцебску магчыма ўсё! 28 лістапада адбыўся Віцебскі “Кірмаш праектаў”, арганізаваны кампаніяй “Будзьма!” ужо другі раз.
Ізноў забаранілі канцэрт Зьмітра Вайцюшкевіча. Цяпер - у Воршы
Выступ знакамітага сьпевака ўваходзіў ў шэраг мерапрыемстваў, прысьвечаных Дню нараджэньня Ўладзімера Караткевіча і мусіў адбыцца ў музэю пісьменьніка 27 лістапада. Адпаведна, і сьпевы, якія павінны былі выконвацца на канцэрце, плянаваліся пераважна на тэксты Ўладзімера Сямёнавіча. Але напярэдадні стала вядома, што канцэрту ня будзе.
У Лёзьне паставілі бюст Марку Шагалу
Калісьці менавіта Лёзна называлі радзімай мастака. Цяпер дакладна вядома, што Марк Шагал нарадзіўся ў Віцебску, а ў Лёзьне жылі яго шматлікія сваякі, у тым ліку і дзядуля з бабуляй. Майстар пэндзьля ў аўтабіяграфічнай кнізе “Маё жыцьцё” пісаў: “Як я любіў прыязджаць у Лёзна, у твой дом, прапахлы сьвежымі каровінымі шкурамі! Барановыя мне таксама падабаліся. Уся твая амуніцыя вісела звычайна пры ўваходзе, каля самых дзьвярэй: вешалка з адзеньнем, капялюшамі, пугай і ўсім іншым глядзелася на фоне шэрай сьценкі, як нейкая фігура - ніяк не разгледжу яе як сьлед. І ўсё гэта мой дзядуля”.
Акупацыя? Расейцы змусілі міністра культуры Беларусі размаўляць на іх мове
На прэс-канфэрэнцыі, якая прайшла 11 ліпеня ў Віцебскім аблвыканкаме і прысьвячалася адкрыцьцю XXII Міжнароднага фэстывалю мастацтваў “Славянскі базар у Віцебску”, міністар культуры Беларусі Барыс Сьвятлоў зьвярнуўся да журналістаў па-беларуску. Гэта не спадабалася прадстаўнікам расейскіх СМІ, акрэдытаваным на форуме. Пасьля ўступнага слова міністра ў першых шэрагах залі, дзе ў асноўным сядзелі супрацоўнікі расейскіх СМІ, пачуліся незадаволеныя галасы: “А зараз перакладзіце нам тое, што вы сказалі!”.
На радзіме Васіля Быкава ўшанавалі ляўрэатаў прэміі «За свабоду думкі»
У вёсцы Бычкі на Ўшаччыне 19 чэрвеня, у дзень народзінаў Васіля Быкава, былі ўганараваныя ляўрэаты прэміі “За свабоду думкі”. Ляўрэатамі прэміі, якая носіць імя Быкава, сёлета сталі Алесь Марачкін і Зьміцер Вайцюшкевіч. Імпрэзу, арганізаваную рухам “За свабоду”, наведалі літаратары, мастакі, музыкі, палітыкі, экспэрты, журналісты, актывісты зь Менску і Віцебшчыны, прадстаўнікі Ўшацкага райвыканкаму. Агульны добры настрой і цудоўнае надвор’е зрабілі гэты дзень сапраўды сьвяточным і незабыўным.