Юрый Гладчук, рэдактар спецпраектаў аўтамабільнага парталу «Аўтабізнэс», у снежні мінулага году быў асуджаны да двух з паловай гадоў пазбаўлення волі ў калоніі агульнага рэжыму паводле арт. 342 Крымінальнага кодэксу (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) і арт. 368 Крымінальнага кодэксу (Абраза прэзідэнта Рэспублікі Беларусь). У Наваполацкую калонію яго этапавалі напрыканцы сакавіка.

26 сакавіка, падчас таго як Сяргей ішоў на прабежку, на яго быў здзейснены напад. Абараняючы сваё жыцьцё, Каваленка атрымаў чатыры нажавых раненні, быў шпіталізаваны з глыбокімі парэзамі ногі сярэдняй цяжкасці, якія прывялі да частковай страты працаздольнасці.

Затрыманаму ў Глыбокім бодзібілдару Аляксандру Шарабайка следчыя інкрымінуюць крымінальнае злачынства згодна арт. 368 (Абраза Прэзідэнта РБ) Крымінальнага кодэкса РБ.  Да гэтага, 13 сакавіка, Аляксандр быў арыштаваны судом да адміністратыўнага арышта на 10 сутак.

Праваабарончая супольнасць прызнала палітычным зняволеным 27-гадовага жыхара Оршы, якога вінавацяць у садзейнічанні экстрэмісцкай дзейнасці паводле ч. 1 арт. 361-4 Крымінальнага кодэкса. Санкцыя гэтага артыкула прадугледжвае максімальнае пакаранне ў выглядзе шасці гадоў пазбаўлення волі. 30 сакавіка ў Віцебскім абласным судзе над Яраславам Казакевічам распачаўся суд. Працэс у закрытым рэжыме вядзе Галіна Бондал.