Віцебскія суды зноў шчыруюць
За апошнія два дні “экстрэмісцкімі” прызнаны яшчэ некалькі інтэрнэт-выданняў. Да Віцебскай вобласці яны дачынення не маюць, але раённыя пракуратуры зноў дэманструюць звышпільнасць, вышуквыючы на прасцягах Інтэрнэту хоць якую “крамолу”. Суды традыцыйна пагаджаюцца з пракурорскімі работнікамі. Гэтым разам "адзначыўся" суд Кастрычніцкага раёна Віцебска. "Выкрываннем экстрэмізму" там займаліся два працоўныя дні запар.
Справу навапалачаніна Сяргея Ерамеева накіравалі ў суд. Яго вінавацяць у падрыве чыгункі на БАМе
Генпракуратура Расійскай Федэрацыі зацвердзіла абвінавачанне а па крымінальнай справе Сяргея Ерамеева, былога супрацоўніка “Нафтана”, які ў 2020 годзе браў удзел у агульнабеларускім страйку.
Беларуская праваабарончая супольнасць прызнала палітвязнямі двух ураджэнцаў Віцебшчыны
23 ліпеня у пералік палітычных зняволеных уключылі аршанца, настаўніка гісторыі Яўгена Бодрыкава і ўраджэнца Докшыц, айцішніка Андрэя Загорскага.
Палітвязень Мікіта Лосік пакінуў Беларусь
На радзіме яго асудзілі да 3-х гадоў “хіміі” па справе “Беларускага Гаюна” - за здымкі расейскай вайсковай тэхнікі, зробленыя ў Оршы. ў Воршы. 22 ліпеня пра эвакуацыю Мікіты Лосіка паведаміў фонд BySol.
Суды Віцебшчыны зноў заняліся прызнаннем “экстрэмізму”
Пасля нядоўгага перапынку ў Рэспубліканскі спіс экстрэмісцкіх матэрыялаў чарговы раз уключылі інтэрнэт-рэсурсы, прызнаныя “экстрэмісцкімі” судамі нашага рэгіёну. Відавочна, што бальшыня гэтых рэсурсаў не мае ніякага дачынення да Віцебшчыны і з’явіліся ў спісе, “дзякуючы” маніторынгу Інтэрнэта супрацоўнікамі мясцовых пракуратур. Менавіта пракурорскія работнікі займаюцца пошукам "экстрэмізму" і перадаюць такія справы ў суд. Як правіла, рэкамендацыі пракуратуры мясцовыя суды падтрымліваюць безадмоўна.
Яшчэ дваіх жыхароў Віцебшчыны запісалі ў “экстрэмісты”
18 ліпеня на сайце МУС абнавілі спіс асобаў, “датычных да экстрэмісцкай дзейнасці”. У яго ўключылі палачаніна Віктара Іваньковіча і віцябляніна Рамана Канцавога. Вось што пра іх вядома.
“Экстрэмісцкімі” прызналі Youtube-каналы блогера-палітвязня Дзмітрыя Казлова
Дзмітрый Казлоў, жыхар Барані, стаў вядомы на ўсю Беларусь у 2017-м годзе, калі пачаў здымаць ролікі на палітычныя тэмы і інтэрв’ю з вядомымі палітыкамі. Паступова палітыкай хлопец захапіўся і сам, далучыўшыся да апазіцыйнага руху. Некалькі разоў яго судзілі па адміністрацыйных справах за “удзел у несанкцыянаваных мерапрыемствах” . З 10 чэрвеня 2020 года блогер Серый Кот ( такі псеўданім абраў сабе Зміцер Казлоў) знаходзіцца за кратамі па крымінальных абвінавачаннях.
Прыхільніца “русского міра” Эльвіра Мірсалімава нечакана прызнала карысць “экстрэмісцкіх рэсурсаў”
У сваім Тэлеграм- канале яна зазначыла, што дзяржаўныя СМІ да непазнавальнасці прыхарошваюць беларускую рэчаіснасць. І таму “у нас некоторые местные новости можно узнать только из вражеских ресурсов, например, про закрытие какого-нибудь очередного завода или колхоза, про проблемы в каком-то городе или населенном пункте”.
Андрэя Герашчанку, кіраўніка арганізацыі “Русский Дом”, уключылі ў Кнігу Славы Гарадоцкага раёна
Падставай для гэтага стала ўзнагароджанне праміяй «Земляк года», якое адбылося ў Гарадку 1 чэрвеня падчас правядзення свята народнай творчасці, літаратуры і фальклору “Гарадоцкі Парнас”. Традыцыйна яе даюць двум асобам: праслаўленаму ўраджэнцу раёна і чалавеку, які не нарадзіўся на Гарадоччыне, але зрабіў значны ўнёсак у яе развіццё. Якраз другім пераможцам і стаў Андрэй Герашчанка, які нарадзіўся ў Слаўгарадскім раёне Магілёўскай вобласці.
На Талачыншчыне зачыняюць чарговы дзіцячы садок. Незадаволеныя бацькі запісалі відэазварот да Лукашэнкі
Жыхары аграгарадка Гаршчэўшчына просяць не зачыняць дзіцячы садок. Мяркуючы па кадрах з відэазвароту ў ТikТok, гэты дыхтоўны двухпавярховы цагляны будынак, дзе, як сцвярджаюць бацькі, ёсць і прасторныя гульнявыя пакоі, і спартовая, і актавая залы. Алле сад хочуць закрыць, а малых прапануюць вазіць за 18 км у школу ў Абольцах, дзе для дашкольнікаў выдзелена ўсяго два пакоі. Дарэчы, у саміх Абольцах - усяго трое дзяцей дашкольнага ўзросту. А пераводзіць туды збіраюцца 11 маленькіх жыхароў Гаршчэўшчыны.