25 верасня пройдуць акцыі салідарнасці з Алесем Бяляцкім
Сёлета 25 верасня лідару праваабарончага цэнтра «Вясна» Алесю Бяляцкаму спаўняецца 62 гады. Свой дзень народзінаў ён ізноў сустракае ў зняволенні. Раней ён ужо быў вязнем уладаў за сваю праваабарончую і грамадскую дзейнасць - з 2011 па 2014 год. У ліпені 2021 года яго зноў затрымалі — і з таго часу ён прайшоў праз следчы ізалятар і суд, які прысудзіў яму 10 гадоў пазбаўлення волі. Алесь Бяляцкі адбывае свой тэрмін у папраўчай калоніі №9 у г. Горкі, куды накіроўваюць «рэцыдывістаў».
На тэрыторыі сельсавета, які святкуе 100-гадовы юбілей, не могуць навесці парадак
Адмыслоўцы з аддзела землеўладкавання Дубровенскага райвыканкама правялі праверку на тэрыторыі Пірагоўскага сельсавета. Вывучалі, наколькі эфектыўна выкарыстоўваюцца землі гаспадарак, якая сітуацыя з нежылымі дамамі, ці дбайна падтрымліваецца парадак на тэрыторыях, падведамасных арганізацыям і сельскагаспадарчым прадпрыемствам. Давялося канстатаваць, што праблемы ёсць. Але літаральна праз некалькі дзён пра іх забыліся.
У Браславе з'явіўся «источник патриотизма»
У райцэнтры да Дня народнага адзінства адчынілі "Пляцоўку дзяржаўнай сімволікі" . На ёй размясцілі некалькі інфармацыйных стэндаў і тры флагштокі вышынёй 8 метраў - пад дзяржаўны сцяг, сцяг Віцебкай вобласці і сцяг Браслаўскага раёна. «Новая точка притяжения появилась в Браславе. Источник патриотизма, предмет гордости, место, где будут проводить разного рода тематические мероприятия», -- піша раённая газета "Браслаўскі край".
Віцяблянам паказалі «Валошніка» - талісман горада, які яны нібыта самі абралі
Фотаздымак «Валошніка», або «Васильковый маг» надрукавала газета «Віцьбічы». Аўтарка гэтага персанажа - віцебская студэнтка Настасся Мядзведзева. Яе прапанова перамагла ў конкурсе, які сёлета ў лютым абвясціў гарвыканкам, -- набольш спадабалася камісіі, створанай дзеля зацвярджэння персанажа-талісмана. Цяпер скульптуры «Валошнікаў» ( да 30 см вышынёй) павінны з'явяцца на вуліцах на ўзор гномаў ва Ўроцлаве. Гарвыканкам заклікае, каб прадпрыемствы і ўстановы прыдумлялі і ўсталёўвалі сваіх «Валошнікаў».
Віцебскія энтузіясты адрамантавалі дзесятак вуліц з дапамогай рэсурса petitions.by
І гэта толькі сёлета. А калі казаць больш шырока, то з дапамогай петыцый гарадскія актывісты дамагаліся ліквідавання снегавых заносаў і «векавых» лужын, дамагаліся закрыцця адчыненых каналізацыйных люкаў, звярталі ўвагу на недахопы ў падтрыманні гарадскіх аб'ектаў, выступалі за абнаўленне небяспечных для гульняў дзіцячых пляцовак.
На Лёзненшчыне квітнее хабарніцтва і расце колькасць махлярстваў
Гэта вымушана прызнаць раённая пракуратура пры падсумаванні вынікаў працы за першае паўгоддзе бягучага года. Паводле Пракурора Лёзненскага раёна Аляксея Бузікава, у рэгіёне павялічылася колькасць цяжкіх і асабліва цяжкіх злачынстваў, бо было выяўлена адразу некалькі крымінальных выпадкаў, якія падпадаюць пад арт. 430 Крымінальнага Кодэкса (хабарніцтва). У параўнанні з такім самым перыялам мінулага года (19) колькасць выяўленых выпадкаў хабарніцтва ўзрасла больш як у два разы (39).
Жыхары Паставаў скардзяцца на брыдкі выгляд вуліцы Ленінскай
Гэта адна з самых доўгіх вуліц у мястэчку, якая бярэ пачатак практычна на цэнтральнай плошчы. І зусім недалёка ад яе месціцца дом №32, краявід вакол якога здольны папсаваць самыя пазітыўныя ўражанні турыстаў. Мясцовыя жыхары звярнуліся ў раённую газету, каб «дастукацца» да камунальнікаў, якія забыліся на свае абавязкі.
У Талачыне стварылі «медыцынскі клас». Ахвотных набралася толькі 11 чалавек
З дапамогай прафесійнай арыентацыі падчас навучання ў школе ў Беларусі спрабуюць ліквідаваць кадравы голад. Лекараў у Беларусі бракуе, асабліва ў рэгіёнах. Таму стварэнне «медыцынскіх класаў» стала трэндам: там хочуць выхаваць «заматываваных выпускнікоў». Праўда, цэлы клас ў Талачынскай школе №2 стварыць не атрымалася – выказалі жаданне бліжэй пазнаёміцца са спецыфікай працы медыкаў наважыліся толькі 11 чалавек.
У Віцебску будуць рамантаваць рэзідэнцыю старшыні аблвыканкама. За бюджэтны кошт
Віцебскі абласны выканаўчы камітэт праводзіць закупку з адной крыніцы паслуг па рамонце будынка па адрасе вул. 1-я Даватара, 28. Гэта сучасны дом, пабудаваны ў 2013 годзе. У невялікім па плошчы будынку ёсць басейн, сауна, таксама за кошт дзяржаўнага бюджэту ён абсталяваны побытавай тэхнікай і дарагой мэбляй. Гісторыя стварэння ўласнай рэзідэнцыі для тагачаснага старшыні аблвыканкама Аляксандра Косінца (пазнейшага кіраўніка Адміністрацыі Лукашэнкі) , заслугоўвае таго, каб пра яе нагадаць.
Хто адкажа за сарай? Жыхары віцебскага двара шукаюць дапамогі, каб знесці небяспечны аб'ект
Вуліца Жасткова ў Віцебску – гэта так званы «ціхі цэнтр». Некаторыя дамы пабудаваныя тут яшчэ ў 1930-х, але ў іх зроблены капітальныя рамонты, і мясцовыя жыхары забяспечаны ўсімі сучаснымі дабротамі. Але сляды «старога быту» на гэтай вуліцы засталіся: у прыватнасці, двухпавярховыя цагляныя сараі, дзе насельнікі калісьці захоўвалі дровы для пячнога ацяплення. Пабудовай у двары дома №18 людзі ўжо даўно не карыстаюцца, і з цягам часу яна стала небяспечнай.