Набліжаюцца выбары. У Віцебску пайшлі агітаваць студэнтаў
Старшыня абласнога Савета дэпутатаў Уладзімір Цярэнцьеў сустрэўся са студэнтамі ВДУ. Гаворка вялася пра тое, чаму ім неабходна абавязкова прыйсці на выбарчы ўчастак і прагаласаваць. Зразумела, што спадар Цярэнцьеў на сказаў праўду – маўляў, для масавасці, каб у скрынях для галасавання была ўнушальная колькасць бюлетэняў. Удзел у выбарах ён назваў «іспытам на грамадзянскую спеласць». Але на змену рыторыцы пра тое, што падчас выбараў кожны грамадзянін вырашае далейшы лёс краіны, прыйшла іншая. «Ваша будучыня і будучыня краіны залежыць ад тых, хто займаецца законатворчасцю», заявіў старшыня аблСавета.
Вяскоўца з Докшыцкага раёну асудзілі на 10 сутак за «распаўсюд экстрэмісцкіх матэрыялаў»
Паводле судовай пастановы, Валер Яцкоўскі «захоўваў у адкрытым доступе з мэтай распаўсюду» інфармацыйную прадукцыю, уключаную ў рэспубліканскі спіс экстрэмісцкіх матэрыялаў - «выяву лагатыпа у выглядзе шчыта з гербам П. І незарэгістраванай бел-чырвона-белай сімволікай» і некалькі лагатыпаў інфармацыйных рэсурсаў, таксама прызнаных экстрэмісцкімі матэрыяламі. Старшыня Дошыцкага райсуда Вячаслаў Елісеенка прысудзіў вяскоўцу 10 сутак арышту, прызнаўшы яго вінаватым паводле ч.2 арт.19.11 КаАП.
Дзяржкантроль выявіў парушэнні пры арганізацыі школьнага харчавання ў Полацку
Полацкі міжраённы камітэт дзяржаўнага кантролю спыніў парушэнні, якія выявіў пры арганізацыі школьнага харчавання.Так, выяўленыя недахопы ў арганізацыі харчавання навучэнцаў і парушэнні санітарных норм і правілаў у дзвюх школах Полацкага раёна.
З пачатку новага года стане прасцей патрапіць на прымусовае лячэнне ад алка- і нарказалежнасці
З 26 студзеня 2024 года ў сілу ўступіць новыя палажэнні Закона па пытаннях прымусовага лячэння і медыка-сацыяльнай рэадаптацыі. Новая рэдакцыя заканадаўчага акта ў значнай ступені спросціць уладам працэдуру накіравання грамадзян з алкагольнай і наркатычнай залежнасцю на лячэнне ў спецыяльную рэзервацыю, якія называюцца лячэбна-працоўнай прафілакторый.
У Лепельскім раёне ўлады правялі заняткі па мабілізацыйнай гатоўнасці
На іх прысутнічаў начальнік аддзела ўпраўлення тэрытарыяльнай абароны Генеральнага штаба Узброеных Сіл Беларусі палкоўнік Максім Паеўскі. Як піша сайт лепельскай раёнкі, з 3 па 6 кастрычніка пад кіраўніцтвам старшыні райвыканкама Міхаіла Кісялевіча ў Лепельскім раёне праводзіліся заняткі па мабілізацыйнай гатоўнасці.
“Чалавека года Браслаўшчыны» асудзілі на 7 сутак за «распаўсюд экстрэмізму»
Міхаіл Кумпінь усё жыццё працаваў у сельскай гаспадарцы, быў героем публікацый у раённай газеце, а ў 2022 г. яго ўганаравалі званнем «Чалавек года Браслаўшчыны». За адну-адзіную падпіску ў СС «Одноклассники», інфармацыйная прадукцыя якой прызнана экстрэмісцкімі матэрыяламі, 62-гадовага кіраўніка аддзялення СПК «Маяк» асудзілі да 7 сутак арышту. Таксама суддзя Аляксандр Вязіцкі пастанавіў канфіскаваць тэлефон асуджанага.
Хто здолеў за 9 месяцаў выкрасці ў жыхароў вобласці больш за 1,75 млн. рублёў? Адказ - кібермахляры
Толькі за 5 дзён кастрычніка ў Віцебскім рэгіёне афіцыйна прызнаны 34 пацярпелым ад падобных дэліктаў. Справіцца з валам гаджэт-злачынстваў ці хаця б збіць іх дынаміку «сілавікі» не ў стаянні. А наперадзе, на пачатку 2024 года, павінны адбыцца дзве агульнанацыянальныя палітычныя кампаніі, і ўлады не могуць сабе дазволіць увайсці ў іх без перамогі над кібермахлярамі.
Палітвязня з Оршы Васіля Бераснева змясцілі ў шпіталь, яму патрэбна перасадка ныркі
Палітзняволенага па «справе незалежных прафсаюзаў» Васіля Бераснева, які адбывае пакаранне ў магілёўскай ПК № 15, тэрмінова накіравалі ў Магілёўскі абласны шпіталь. З 2018 г. ён жыве з адной ныркай – другую выдалілі з прычыны анкалагічнага захворвання. Стан ягонага здароўя значна пагоршыўся пасля затрымання 19 красавіка 2022 года ў межах крымінальнай «справы прафсаюзаў»: падчас знаходжання за кратамі ў СІЗА КДБ, а потым у СІЗА-1 у яго пачаліся болі ў адзінай нырцы. Належнай медычнай дапамогі ён не атрымліваў, па звестках сваякоў, яму толькі час ад часу ставілі кропельніцы для абязбольвання.
За падпіску на тры “экстрэмісцкія” рэсурсы ўлады арыштавалі работніка “Нафтана”
Суддзя суда Наваполацка Зінаіда Балаболава 28 верасня за падпіску на тры «экстрэмісцкія» інфармацыйныя рэсурсы арыштавала на трое сутак работніка ААТ «Нафтана» Дзянісу Філітарыну.
Распачалося грамадскае абмеркаванне праекта рэканструкцыі гасцініцы «Віцебск». Грамадскасці не падабаецца
Грамадскае абмеркаванне праводзіцца з 29 верасня па 29 кастрычніка. Праект рэканструкцыі прадугледжвае таксама абнаўленне знешніх і ўнутраных інжынерных сетак, добраўпарадкаванне прылеглай тэрыторыі. Паводле паведамлення на сайце гарвыканкама, «ажыццяўленне гэтага праекта будзе спрыяць падвышэнню горадабудаўнічай каштоўнасці асяроддзя цэнтральнай часткі горада, захаванню яго гісторыка-культурнага патэнцыялу, узмацненню турыстычнай прыцягальнасці». Крытыкі праекта лічаць, што ўсё наадварот.