Ноў-хаў ад віцебскага тэлеграм-каналу, блізкага да сілавікоў: «пакаянныя» відэа з анімаванымі персанажамі
У тэлеграм-канале «Северная столица (Vitebsk news)” з“явілася «пакаяннае» відэа вельмі дзіўнага фармату: замест твараў затрыманых, якія распавядаюць пра тое, як яны парушылі заканадаўства, глядач бачыць анімаваныя выявы. Не выключана, што яны маюць знешняе падабенства з рэальнымі людзямі. Але раней лічылася, што менавіта ў тым і заключаецца карысць ад «пакаянных» відэа: каб чалавека пазнавалі родныя, блізкія і калегі, і яму было сорамна за свае ўчынкі. Калі ж чалавечымі галасамі размаўляюць анімаваныя персанажы, гэта выглядае як блюзнерства і здзекі.
Дзяржкантроль выявіў праблемы з кадравым забеспячэннем
Камітэт дзяржкантролю праверыў, наколькі адпаведна вядзецца праца з кадрамі ва ўстановах вобласці. У сямі раёнах праблемы з кадрамі відавочныя: ёсць шмат незапоўненых вакансій, тады як мелі месца факты звальнення запатрабаваных спецыялістаў. Сярод «лідараў» па праблемах з кадравым забеспячэннем – Сенненскі і Шумілінскі раёны і г. Наваполацк.
Віцебская міліцыя вырашыла, што мусіць мець свой персанаж-талісман. І абвясціла конкурс
У конкурсе ўзялі ўдзел 50 работ, выкананых у розных тэхніках. Абавязковай умова было, каб пры малюнку была тлумачальная запіска наконт задумкі аўтара. Пераможцам конкурсу стаў 11-гадовы віцебскі школьнік Кірыл Нікалаеў, які даслаў некалькі сваіх мастацкіх твораў, і адзін з іх прызнаны найлепшым.
Дзяржкантроль зафіксаваў зніжэнне на 2% тэмпаў росту сельскагаспадарчай прадукцыі
На думку адказных работнікаў Камітэта дзяржаўнага кантролю, на Віцебшчыне не забяспечваецца падтрыманне стабільнасці і эфектыўнасці вытворчасці сельгаспрадукцыі. Паводле даных за студзень - красавік бягучага года тэмп росту валавой прадукцыі ў сельгасарганізацыях склаў 102,1 працэнта пры заданні 104 працэнты. З улікам шматмесячнай засухі ў 2023 годзе страты ў галіне могуць скласці каля 15% у параўнанні з мінулым годам.
У Глыбокім працягваецца пераслед сям’і Шарабайкаў
Гэтым разам 30 траўня суддзя Глыбоцкага суда Аляксандр Аляксеенка аштафаваў Алену Шарабайку, жонку вядомага бодзібілдара і фітнес-трэнера Аляксандра Шарабайкі. Сёлета гэта ўжо другі вялікі штраф жанчыне.
Памежныя службы Латвіі паведамалі пра спробу неўдалых правакацый на мяжы з Віцебскай вобласццю
Па інфармацыі кіраўніка Памежнай службы Латвіі, у ведамства ёсць доказы спроб беларускага боку ўзброіць нелегальных мігрантаў для правакацыі боесутыкненняў на мяжы з краінамі Еўрасаюза. Латвійскія ўлады ведаюць факты, калі беларускія візаві некалькі разоў прапаноўвалі нелегальным мігрантам агнястрэльную зброю для паспяховага праходжання меж ЕС. Пра гэта паведаміла агенцтва LSM са спасылкай на кіраўніка Памежнай службы Латвіі Гунціса Пуяца.
Санітарку глыбоцкай лякарні ўлады арыштавалі на 12 сутак за захоўванне ў тэлефоне выявы герба «Пагоня»
Суддзя суда Глыбоцкага раёна Аляксандр Аляксеенка 29 траўня пастанавіў арыштаваць Наталлю Міцько на 5 сутак за распаўсюд у сацыяльных сетках “экстрэмісцкіх” матэрыялаў і на 7 сутак за пікетаванне ў інтэрнэце.
БЕЛТА пра Булаўскага: «захоўваў сімволіку на агульнадаступных старонках»
Агенцыя размясціла артыкул пра пакаранне віцебскага музыкі і арт-менеджэра, нядаўна асуджанага да двух гадоў пазбаўлення волі. Прозвішча і імя ў тэксце не ўказваецца, але з фактуры відавочна, што вядзецца пра Уладзіміра Булаўскага, пакаранага паводле арт. 342-2 Крымінальнага Кодэксу (Неаднаразовае парушэнне парадку арганізацыі або правядзення масавых мерапрыемстваў).
У Віцебску зноўку вярнуліся да ідэі пабудаваць копію полацкага Сафійскага сабора
Гэтая ідэя двойчы з трэскам правальвалася. Першы раз, у 2016 годзе, жыхарам Віцебску ўдалося абараніць парк, які збіраліся вырубіць дзеля будаўніцтва. Другі раз, у 2021 годзе, калі пад копію сабора была абраная іншая пляцоўка – на ўзбярэжжы Дзвіны непадалёк ад гандлёвага дома «Беларусь», справа дайшла толькі да ўстаноўкі памятнага знака на месцы будучага будаўніцтва. Як высветлілася, ініцыятары не мелі належнага фінансавання , аднак цяпер, падобна, грошы знайшліся.
Віцебская грамадзянская актывістка Надзея Куканос не змагла абараніць свае правы ў абласным судзе
Суддзя Віцебскага абласнога суда Святлана Іванова 1 чэрвеня разгледзела скаргу грамадзянскай актывісткі Надзеі Куканос на рашэнні суда Кастрычніцкага раёна Віцебска аб пакаранні яе арыштам на 15 сутак за распаўсюд у сацыяльных сетках “экстрэмісцкіх” матэрыялаў і супраціўленне работнікам міліцыі. Вынікам разгляду скаргі было не на карысць Куканос. Суддзя Іванова пакінула без змены пастанову суддзі суда Кастрычніцкага раёна, а скаргу "правапарушальніцы" без задавальнення.